Last Updated on April 10, 2021 by
પશ્ચિમ બંગાળમાં શનિવારે વહેલી સવારથી જ વિધાનસભા ચૂંટણીના ચોથા તબક્કાનું મતદાન ચાલુ થઈ ગયું છે. રાજ્યમાં 5 જિલ્લાના 44 વિધાનસભા ક્ષેત્રના મતદારો વિધાનસભામાં પોતાનો પ્રતિનિધિ ચૂંટવા માટે મતદાન કરી રહ્યા છે. 5 જિલ્લાની 44 વિધાનસભા બેઠકો માટે મતદાનને લઈ સુરક્ષાની સઘન વ્યવસ્થા કરવામાં આવેલી છે. તમામ પોલિંગ બૂથ પર રાજ્ય પોલીસની સાથે જ કેન્દ્રીય દળોને પણ તૈનાત કરવામાં આવ્યા છે.
પશ્ચિમ બંગાળ વિધાનસભા ચૂંટણીના ચોથા તબક્કાના મતદાનને લઈ વડાપ્રધાન નરેન્દ્ર મોદીએ મતદારો, ખાસ કરીને યુવાનોને અને મહિલાઓને રેકોર્ડ સંખ્યામાં મતદાન કરવા વિનંતી કરી છે. વહેલી સવારે 7:00 વાગ્યે મતદાન શરૂ થવાનું હતું જેને લઈ મતદારોમાં ભારે ઉત્સાહ જોવા મળ્યો હતો અને લોકો મતદાનના સમય પહેલા જ બૂથની બહાર લાઈનમાં લાગી ગયા હતા.
બંગાળમાં 5 જિલ્લાની 44 બેઠકો પરથી 373 ઉમેદવારો મેદાનમાં છે. ચૂંટણી મેદાનમાં ઉતરેલા ઉમેદવારોના ભવિષ્યની કમાન એક કરોડથી વધારે મતદારોના હાથમાં છે. ચોથા તબક્કામાં જે 44 વિધાનસભા બેઠકો પર મતદાન થવાનું છે તેમાં સિંગુર બેઠક સૌથી ચર્ચિત છે. મમતા બેનર્જીએ હુગલી જિલ્લામાં આવેલા સિંગુર ખાતે ભૂમિ આંદોલન કર્યું હતું અને ત્યાર બાદ તેઓ બંગાળની સત્તામાં આવ્યા હતા.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.
MUST READ:
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
