Last Updated on April 8, 2021 by
ટેલિકોમ કંપનીઓ ગ્રાહકોને પોતાની તરફ આકર્ષિત કરવા માટે બીજા કરતા વધુ ચઢિયાતી રિચાર્જ કૂપનો ઓફર કરી રહી છે. Airtel, Jio અને Vi નવા પ્લાન્સ જાહેર કરે છે. પરંતુ તેમાં સૌથી આકર્ષક છે 100 રૂપિયાથી ઓછાના રિચાર્જ પ્લાન્સ. ભલે તેની કિંમત ઓછી છે, પરંતુ ગ્રાહકોને તેમાં અનેક શાનદાર ઓફર્સ મળે છે. ચાલો જાણીએ કંપનીના પ્લાન્સ વિશે…
Airtelના 100થી ઓછાના પ્લાન
દેશની સૌથી મોટી ટેલિકોમ કંપની એરટેલ તેના ગ્રાહકોને 100 રૂપિયાથી ઓછાના બે શાનદાર રિચાર્જ પ્લાન ઓફર કરે છે. પહેલા પ્લાનની કિંમત 79 રૂપિયા છે. તેની વેલિડિટી 28 દિવસની છે. તેમાં ગ્રાહકોને 200MB ડેટા મળે છે. બીજા પ્લાનની કિંમત 49 રૂપિયા છે. આ પ્લાનની પણ વેલિડિટી 28 દિવસની છે. પરંતુ આ પ્લાન ગ્રાહકોને માત્ર 100MB ડેટા આપે છે.
Jioના સસ્તા રિચાર્જ
રિલાયન્સ Jio પણ 100 રૂપિયાથી ઓછામાં કેટલાક રિચાર્જ ઓફર કરે છે. પહેલો પ્લાન 51 રૂપિયાનો છે. તેમાં ગ્રાહકોને 6GB ડેટા મળે છે. આ ઉપરાંત કંપની એક 21 રૂપિયાવાળો પ્લાન પણ ઓફર કરે છે. આ સસ્તા પ્લાનમાં યુઝરને 2GB ડેટા મળે છે. આ બંને જ પ્લાન ટોપ-અપવાળા છે.
Viના સસ્તા પ્લાન
Vi (Vodafone- Idea) પણ તેના ગ્રાહકોને સસ્તા રિચાર્જ પ્લાન ઓફર કરે છે. કંપનીનો એક 48 રૂપિયાનો રિચાર્જ પ્લાન છે. તેમાં યુઝર્સને 3GB ડેટા મળે છે. આ પ્લાનની વેલિડિટી 28 દિવસની છે. આ ઉપરાંત 98નો એક બીજો રિચાર્જ પ્લાન પણ છે. તેમાં કુલ 12GB આપવામાં આવે છે.
