Last Updated on February 25, 2021 by
પેટ્રોલ અને ડીઝલની વધતી કિંમતોને લઈને દેશના અનેક રાજ્યોમાં વિરોધ પ્રદર્શન થઈ રહ્યા છે. ઘણા શહેરોમાં તો પેટ્રોલની કિંમત 100 રૂપિયાની નજીક પહોંચી ગઈ છે. ખનીજ તેલના વધતા ભાવ પર લોકો સરકારને સવાલ કરી રહ્યા છે કે ભાવમાં ઘટાડો ક્યારે થશે ?
દેશના નાણાપ્રધાન નિર્મલા સીતારામને પણ આજે આ સવાલોનો સામનો કરવો પડ્યો હતો. ગુરૂવારે અમદાવાદમાં એક કાર્યક્રમમાં જ્યારે નિર્મલા સીતારમણને પૂછવામાં આવ્યું કે, સરકાર ક્યારે ખનીજ તેલના ભાવ ઘટાડશે, ત્યારે તેમણે કહ્યું કે તે નહીં જણાવી શકે કે ક્યારે … આ એક ધર્મસંકટ છે.
ભારતીય જનતા પાર્ટી (બીજેપી) દ્વારા આયોજીત બૌદ્ધિકોની સભાને સંબોધન કરતાં નાણામંત્રી સીતારામણે બજેટ અંગે ચર્ચા કરી. સીતારમણે કહ્યું, ‘નવા દાયકાનું આ બજેટ છે. આ બજેટ સ્પષ્ટ રીતે જણાવે છે… અમને ખાનગી ક્ષેત્ર પર વિશ્વાસ છે અને દેશના વિકાસમાં ભાગીદાર થવા માટે તમારૂં સ્વાગત છે.
તેમણે કહ્યું કે આ બજેટમાં અમે સ્પષ્ટ કરી દીધું છે કે સરકાર શું કરી શકે છે અથવા તે કેટલી હદ સુધી કરી શકે છે … તેથી જ આ બજેટ ભારતીય અર્થવ્યવસ્થાને દિશા નિર્દેશ આપનારૂં છે. તેમણે કહ્યું, અમને સોવિયત સંઘમાંથી એક એવી સિસ્ટમ મળી છે, જેમાં સમાજવાદની સિદ્ધિઓ વિશે વાત કરવામાં આવી હતી … કે માત્ર સમાજવાદથી સમગ્ર પ્રજાનું કલ્યાણ કરી શકાય છે, તેઓ કહે છે કે કલ્યાણકારી રાજ્ય એ એક સમાજવાદી વિશેષાધિકાર છે.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
