Last Updated on April 9, 2021 by
ડાયાબિટીઝની બીમારીને સામાન્ય બોલચાલની ભાષામાં શુગરની બીમારી તરીકે જાણવામાં આવે છે. જે લોકોના પરિવારમાં કોઇને પણ ડાયાબિટીઝની બીમારી હોય. ખાસ કરીને માતા-પિતામાંથી કોઇ એકને પણ ડાયાબિટીઝ હોય તો તેઓના બાળકમાં પણ શુગર હોવાનો ખતરો વધારે હોય છે. રિસર્ચમાં એવી વાત પણ સાબિત થઇ ચૂકી છે કે, જો માતા-પિતામાંથી કોઇને ટાઇપ 2 ડાયાબિટીઝ (Type 2 Diabetes) હોય તો બાળકમાં પણ આ બીમારી હોવાનું જોખમ 4 ગણું વધારે હોય છે અને માતા-પિતા બંનેને ટાઇપ 2 ડાયાબિટીઝ હોય તો બાળકમાં પણ આ બીમારી હોવાનો ખતરો 50 ટકા સુધી વધી જાય છે. આનું કારણ છે કે, માતા-પિતામાંથી મળનારા જિન્સ.
ટાઇપ 1 ડાયાબિટીઝ વધારે જેનેટિક હોય છે
ડાયાબિટીઝ 2 પ્રકારના હોય છે – ટાઇપ 1 અને ટાઇપ 2. સૌ પહેલાં વાત ટાઇપ 1 ડાયાબિટીઝની છે કે જે એક Autoimmune બીમારી છે કે જેમાં શરીરની ઇમ્યુન સિસ્ટમ શરીરની સ્વસ્થ કોશિકાઓ પર જ હુમલો કરવા લાગે છે. થોડાંક વર્ષો પહેલાં એવું માનવામાં આવતું હતું કે, ટાઇપ 1 ડાયાબિટીઝ સંપૂર્ણ રીતે Genetic બીમારી છે. જો કે, બાદમાં અનેક દર્દીઓ એવાં પણ મળ્યાં કે, જેઓના પરિવારમાં કોઇને પણ ટાઇપ 1 ડાયાબિટીઝ ન હોતો.
અંદાજે 90 ટકા કેસોમાં ટાઇપ -2 ડાયાબિટીઝ હોય છે
ટાઇપ 2 ડાયાબિટીઝ એ ખાંડની સૌથી સામાન્ય બીમારી છે અને ડાયાબિટીઝના અંદાજે 90 ટકા કેસોમાં ટાઇપ -2 ડાયાબિટીઝ હોય છે. આરોગ્ય વેબસાઇટના અનુસાર, ટાઇપ 1 ની જેમ જ જો કુટુંબમાં કોઈને પણ ડાયાબિટીઝ હોય તો બાળકને પણ તેનું જોખમ રહેલું છે. જીનમાં તેનો મહત્વનો રોલ હોય છે, પરંતુ કેટલીક વખત જીવનશૈલીને લગતા પરિબળોને કારણે ડાયાબિટીઝ પણ એક રોગ બની જાય છે. કૌટુંબિક ઇતિહાસ સિવાય, ટાઇપ 2 ડાયાબિટીઝના આ જોખમકારક પરિબળો છે –
- વધારે વજન હોવું અથવા મેદસ્વીપણું
- શારીરિક પ્રવૃત્તિ ન કરવી
- લોહીમાં ચરબી અને કોલેસ્ટ્રોલનું પ્રમાણ વધારે હોવું
- હાઈ બ્લડ પ્રેશરની બીમારી
- મહીલાઓમાં થનારી બીમારી પીસીઓએસ
READ ALSO :
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
