Last Updated on April 7, 2021 by
દેશમાં સતત કોરોના વાયરસનો કહેર વધી રહ્યો છે. તેમાં પણ ખાસ કરીને મહારાષ્ટ્ર કરોના હોટસ્પોટ બની ગયું છે. તેવામાં બોલીવૂડમાં પણ કોરોનાનો ચેપ વધી રહ્યો છે. ગઇકાલે અક્ષય કુમાર બાદ આજે કેટરીના કેફને પણ કોરોના થયો છે.
અભિનેત્રીએ આ વાતની જાણકારી ઇન્સ્ટાગ્રામ નડે આપી છે. કેટરીના કેફે ઇન્સ્ટાગ્રામ પર સ્ટોરી મુકીને લખ્યું કે મારો કોરોના રિપોર્ટ પોઝિટવ આવ્યો છે. હું તરત જ આઇસલેશનમાં જતી રહી છું અને હવે હોમ ક્વોરેન્ટાઇનમાં રહીશ. મારા ડોક્ટરો દ્વારા આપવામાં આવેલી ગાઇડલાઇન અને પ્રોટકોલનું પાલન કરું છું.
સાથે જ તેણે લખ્યું કે મારી સાથે સપર્કમાં આવેલા લોકોને નિવેદન છે કે તેઓ પોતાનો ટેસ્ટ કરાવે. તમારા બધાના પ્રેમ અને સહકારનો આભાર માનું છું. સુરક્ષીત રહો અને પોતાનું ધ્યાન રાખો. ઉલ્લેખનીય છે કે હાલમાં જ કથિત રીતે કેટરીના કેફના બોયફ્રેન્ડ વિકી કૌશલને પણ કોરોનાનો ચેપ લાગ્યો હતો.
અફેર હોવાની ચર્ચા
વિકી કૌશલ તથા કેટરીના કૈફ વચ્ચે છેલ્લાં ઘણાં સમયથી અફેર હોવાની ચર્ચા થઈ રહી છે. ગયા વર્ષે ઈશા અંબાણીની હોળી પાર્ટીમાં વિકી તથા કેટરીના સાથે જોવા મળ્યા હતા. આ પહેલાં બચ્ચન પરિવારની પાર્ટીમાં પણ બંને સાથે હતા. આટલું જ નહીં બંનેએ માલદિવ્સમાં વેકેશન પણ મનાવ્યું હતું. જોકે, હજી સુધી બંનેમાંથી કોઈએ પોતાના સંબંધો અંગે કંઈ જ કહ્યું નથી.
આ સેલેબ્સ કોરોનાનો ભોગ બન્યા
અક્ષય કુમારને કોરોના થયા બાદ તે હોસ્પિટલમાં એડમિટ થયો છે. કાર્તિક આર્યનનો હાલમાં જ રિપોર્ટ નેગેટિવ આવ્યો છે. હાલમાં જ સંગીતકાર તથા સિંગર બપ્પી લહરીનો રિપોર્ટ પોઝિટિવ આવ્યો છે. તેઓ બ્રીચ કેન્ડી હોસ્પિટલમાં સારવાર લઈ રહ્યા છે. અત્યાર સુધી આલિયા ભટ્ટ, ગોવિંદા, આમિર ખાન, આમિરનો મિત્ર અમીન હાજી, આર. માધવન, રોહિત સરફ, રમેશ તૌરાની, મનોજ વાજપેયી, સિદ્ધાંત ચતુર્વેદી, મિલિંદ સોમણ, ફાતિમા સના ખાનનાં નામ કોરોના પોઝિટિવમાં આવ્યાં છે. આ સાથે જ સંજય લીલા ભણસાલી, રણબીર કપૂર, સતીશ કૌશિક તથા તારા સુતરિયા રિકવર થઈ ગયાં છે.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
