Last Updated on March 25, 2021 by
બોલીવુડ એક્ટ્રેસ કંગના રનૌતની આગામી ફિલ્મ ‘થલાઈવી’નું ટ્રેલર રિલીઝ થઇ ચૂક્યું છે. ફિલ્મમાં કંગના તામિલનાડુના પૂર્વ મુખ્યમંત્રી સ્વ. જે. જયલલિતાના પાત્રમાં જોવા મળશે. ફિલ્મના ટ્રેલરની સાથે જ સાઉથ ઇન્ડસ્ટ્રીના અનેક દિગ્ગજ કલાકારોએ કંગનાના લૂક અને તેના અભિનયના ભરપેટ વખાણ કર્યા છે. જોકે, બોલીવુડના લગભગ તમામ સ્ટાર્સે એક શબ્દ પણ ઉચ્ચાર્યો નથી.
થલાઈવી પર બોલીવુડ ચુપ કેમ?
થલાઈવીના ટ્રેલર રિલીઝ પર બોલીવુડના દિગ્ગજ સ્ટાર્સ એટલા માટે પણ ચૂપ થઇ બેઠા છે કારણકે તેમને આલિયા ભટ્ટની અપકમિંગ ફિલ્મ ગંગુબાઈ કાઠિયાવાડીના ટીઝર પર પ્રિયંકા ચોપરા, અક્ષયકુમાર કરણ જોહર, વરુણ ધાવણ અને નીતુ કપૂર સહીત લગભગ તમામ કલાકારોએ વખાણ પૂલ બાંધ્યા હતા. જોકે, કંગનાની ફિલ્મના ટ્રેલર લોન્ચ પર માત્ર અને માત્ર દક્ષિણ ઇન્ડસ્ટ્રીના કલાકારો તેના વખાણ કરતા જોવા મળી રહ્યા છે.
થલાઈવી કંગના રહી અનેક વિવાદમાં
કંગના રનૌત આ પહેલા અનેકવાર ઇન્ડસ્ટ્રીમાં નેપોટિઝમ સામે બોલી ચુકી છે અને આ જ કારણ છે કે તે આલિયા ભટ્ટ અને અન્ય સ્ટાર કિડ્સ પર પ્રત્યક્ષ કે પરોક્ષ રીતે સવાલ ઉઠવતી રહી છે. છેલ્લા કેટલાંક સમયથી કંગના વધુ વિવાદોમાં રહી છે કારણ કે સુશાંત કેસ પર તેમણે ખુલીને વાત કરી છે, જયારે સમગ્ર ઇન્ડસ્ટ્રી ચુપ્પી સાધી બેઠી હતી. આ ઉપરાંત મુંબઈની સરખામણી પાકિસ્તાન સાથે કરવા પર તેને ખરાબ રીતે ટ્રોલ પણ કરવામાં આવી હતી. એટલું જ નહિ તેનો મહારાષ્ટ્ર સરકારમાં બેઠેલા લોકો સાથે વિવાદ, બીએમસી સાથે વિવાદ, ખેડૂત આંદોલન સમયનો વિવાદ અને અન્ય રાજકીય મુદ્દાઓ પર ખુલ્લા મોઢે વાત કરતા ઘણી ચર્ચામાં રહી હતી.
સાઉથના કલાકારોએ બાંધ્યા વખાણના પૂલ
ભલે થલાઈવીના ટ્રેલર રિલીઝ પર બોલીવુડ ચૂપ હોય પરંતુ સાઉથ ઇન્ડસ્ટ્રીના સ્ટાર્સે કંગનાના ભરપૂર વખાણ કર્યા છે. એક્ટર વિશાલે કંગનાની સરખામણી ભગતસિંહ સાથે કરી અને તેના પર ટ્વીટ પણ કહ્યું. તેણે લખ્યું, ‘ડિયર કંગના, તારા જુસ્સાને સલામ છે, શું સાચું શું ખોટું તે બોલતા પહેલા તું એક ક્ષણ પણ વિચાર નથી કરતી. આ તારી અંગત બાબત નહોતી, છતાં તું સરકારના ગુસ્સાનો શિકાર બની. તું હિમ્મત સાથે ઉભી રહી જે એક મોટું ઉદાહરણ રજુ કરે છે. આ એવું જ છે જે 1920માં ભગતસિંહે કર્યું હતું.’
દક્ષિણના સ્ટાર પ્રશાંતે પણ કંગનાના વખાણમાં લખ્યું, ” લેડીઝ એન્ડ જેન્ટલમેન, પ્રસ્તુત છે કંગનાનું પાંચમું નેશનલ એવોર્ડ પરફોર્મન્સ. તો રાજા સેને લખ્યું “થલાઈવીના ટ્રેલરે મને જિજ્ઞાસાથી ભરી દીધો. કંગના એક એક અતુલનીય પરફોર્મર છે જે તમને આકર્ષિત કરે છે. અરવિંદ સ્વામી આમ એકદમ યોગ્ય કાસ્ટિંગ લાગે છે. હવે ફિલ્મ ની રિલીઝની રાહ જોવાય છે.” આ જ રીતે અનેક સેલેબ્સએ કંગનાના વખાણ કર્યા છે.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.
MUST READ:
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
