Last Updated on April 10, 2021 by
બૉલીવુડના દિગ્ગજ અભિનેતા ઈરફાન ખાનનું નિધન થયે મહિનાઓ થઇ ગયા પરંતુ તેમના મોતનો અફસોસ આજે પણ વર્તાય છે. આજે પણ આ મહાન કલાકારને યાદ કરવામાં આવે છે, તેમને સન્માન આપવામાં આવે છે. આજ કડીમાં ફિલ્મફેર દ્વારા ઈરફાન ખાનને ખાસ ટ્રિબ્યુટ આપવામાં આવ્યું છે. તેમને ખાસ એવોર્ડથી સન્માનિત કરવામાં આવ્યા છે. ઇરફાનના દીકરા બાબિલએ આ પુરસ્કાર સ્વીકાર્યો હતો.
અત્યંત ભાવુક થયો ઈરફાનનો દીકરો
સોશિયલ મીડિયા પર એક વિડીયો વાયરલ થઇ રહ્યો છે જેમાં બાબિલ ફૂટી ફૂટીને રોઈ રહ્યો છે. તેના આંસુ જ નથી રોકાઈ રહ્યા અને તેઓ પોતાના પિતા ઈરફાનને યાદ કરી રહ્યા છે. જયારે સ્ટેજ પર હોસ્ટ બનેલા રાજકુમાર રાવ અને આયુષ્યમાન ખુરાનાએ સુંદર શબ્દોમાં ઈરફાનના વખાણ કર્યા, ભારતીય સિનેમા જગતમાં તેમના યોગદાનના વખાણ કર્યા તો બાબિલ ઘણો ઈમોશનલ થઇ ગયો હતો.
ઈરફાનને ખાસ સન્માન
જયારે બાબિલને સ્ટેજ પર એવોર્ડ લેવા માટે બોલાવવામાં આવે છે ત્યારે પણ તે માત્ર એટલું જ કહી શકે છે કે તે પિતાનું નામ રોશન કરશે. તે ભારતીય સિનેમાને નવી ઊંચાઈએ લઇ જશે. તેમનું આટલું કહેવું અને લોકો તેમના શબ્દોને તાળીઓના ગડગડાટથી વધાવી લે છે અને ઇરફાનના ક્યારેય હાર ન માનવાના જુસ્સાને ફરી જીવંત કરી જાય છે. આ પહેલા પણ અનેક તકે બાબિલને ઈમોશનલ થતો જોવા મળ્યો છે. બસ , ફર્ક એટલો છે કે તે પોતાની લાગણીઓ લખીને વ્યક્ત કરવામાં વિશ્વાસ રાખે છે. તે તસવીરો દ્વારા પોતાના પિતાને ઘણા જ યાદ કરે છે.
ઈરફાનની ફિલ્મી સફર
ઈરફાન ખાનનું ગત વર્ષે 29 એપ્રિલના રોજ કેન્સરને કારણે નિધન થયું. એક્ટર ઘણા લાંબા સમયથી બીમાર હતા અને તેમની સારવાર ચાલી રહી હતી. પરંતુ આખરે એક મહાન અભિનેતા જિંદગીનો જંગ હારી ગયો અને તેમણે દુનિયા અને બૉલીવુડને કાયમ માટે અલવિદા કરી દીધું. ઈરફાન ખાનને પાનસિંહ તોમર, પીકુ જેવી અનેક શાનદાર ફિલ્મોમાં અદ્વિતીય અભિનય આપ્યો હતો.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.
MUST READ:
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
