Last Updated on February 24, 2021 by
દેશમાં નવા શ્રમ કાયદાની જોગવાઇના પગલે ઉદ્યોગ જગતને નોકરીઓ વધવાના બદલે ઘટવાની ચિંતા થઇ રહી છે. ઉદ્યોગ સંગઠન ભારતીય ઉદ્યોગ પરિસંઘ એટલે કે સીઆઇઆઇએ સરકારને ગત અઠવાડિયે મોકલેલા પોતાના સૂચનોમાં કહ્યું છે કે બેસિક સેલરીનો હિસ્સો વધારવાના પ્રસ્તાવથી નવી નોકરીઓ પર અસર જોવા મળી શકે છે.
કોરોનાથી ધીમે ધીમે ઉભરી રહેલી ઇન્ડસ્ટ્રીના સેલરી બિલમાં વધારો થશે
સીઆઇઆઇ અનુસાર નવા વેજ નિયમોમાં ભથ્થાનો હિસ્સો કુલ સેલરીમાં 50 ટકાથી વધુ ન રાખવાનો પ્રસ્તાવ રજૂ કરવામાં આવ્યો છે. તેનાથી પીએફની સાથે સાથે ગ્રેચ્યુટી પણ સરેરાશ 35-45 ટકા સુધી વધી શકે છે. આ વ્યવસ્થાથી કોરોનાથી ધીમે ધીમે ઉભરી રહેલી ઇન્ડસ્ટ્રીના સેલરી બિલમાં વધારો થઇ જશે. ઉદ્યોગ સંગઠને તે પણ કહ્યું કે જો આ નિયમ આ સ્થિતિમાં લાગુ થશે તો કંપનીઓએ તેમાં વધારાની રકમ રાખવી પડશે જેના કારણે વ્યવસાયિક પ્રવૃત્તિઓ ચલાવવામાં મુશ્કેલી પડશે અને નવી નોકરીઓ આપવી મુશ્કેલ બની જશે. સીઆઈઆઈએ આ નિયમોને એક વર્ષ માટે મુલતવી રાખવા સૂચન કર્યું છે અને વિસ્તૃત અભ્યાસ કર્યા પછી જ તેનો અમલ કરવા અપીલ કરી છે.
નાણાં પ્રધાન નિર્મલા સીતારમણને પત્ર રજૂ કરાયો
આ સંદર્ભે શ્રમ મંત્રાલયની સાથે નાણાં પ્રધાન નિર્મલા સીતારમણને પણ એક પત્ર રજૂ કરાયો છે. સીઆઈઆઈ દ્વારા આપવામાં આવેલા સૂચન મુજબ, આ નિયમ અગાઉના વર્ષો મુજબ જૂના કર્મચારીઓને લાગુ થવો જોઈએ નહીં. સૂત્રો દ્વારા પ્રાપ્ત માહિતી અનુસાર, શ્રમ મંત્રાલય અંતિમ નોટિફિકેશન બહાર પાડતા પહેલા ઉદ્યોગ સાથે આ નવા સૂચનો પર ચર્ચા કરશે.
વધુ ગ્રેચ્યુઇટીથી કર્મચારી પર કંપનીના ખર્ચમાં વધારો થશે
પાંચ વર્ષ પૂર્ણ થવા પર અથવા નિવૃત્તિ પછી વધેલી ગ્રેચ્યુઇટીનો લાભ મળવાનો પ્રસ્તાવ છે. તે જ સમયે, નિયત મુદત રોજગારમાં, તમે એક વર્ષમાં વધુ ગ્રેચ્યુઇટી મેળવી શકો છો. સીઆઈઆઈની રાષ્ટ્રીય માનવ સંસાધન સમિતિના ચેરીમેન એમ.એસ. ઉન્નકૃષ્ણને કહ્યું હતું કે, સરકારને સમસ્યાથી વાકેફ કરવામાં આવી છે કે જો વધુ ગ્રેચ્યુઇટીથી કર્મચારી પર કંપનીના ખર્ચમાં વધારો થશે તો અસંગઠિત ક્ષેત્રમાં રોજગારને પ્રોત્સાહન મળશે. આ ઉપરાંત, તેમણે એમ પણ કહ્યું કે પીએફ અથવા ગ્રેચ્યુઇટીમાં વધુ રકમ જવાથી લોકોના હાથમાં ખર્ચ માટે આવતી રકમમાં ઘટાડો થશે, જેનાથી આર્થિક પ્રવૃત્તિઓને વેગ આપવામાં પણ મુશ્કેલી પડી શકે છે.
Read Also
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
