Last Updated on February 25, 2021 by
પેટ્રોલ અને ડીઝલના વધતા ભાવોને લઈને ઈલેક્ટ્રોનિક સ્કૂટીની સવારી કરી આજે પશ્ચિમ બંગાળના મુખ્યમંત્રી મમતા બેનર્જી રેલી કાઢવા નિકળ્યા હતા. આ દરમિયાન એક મોટી દુર્ઘટના થતાં બચી ગઈ હતી. હાવડામાં એક રેલી થઈ રહી હતી. જ્યાં મમતા બેનર્જી સ્કૂટી લઈને પહોંચ્યા હતા. જેવું તેમણે સ્કૂટી ચલાવવાનો પ્રયાસ કર્યો કે, સ્કૂટી પડતા પડતા રહી ગઈ હતી અને મુખ્યમંત્રી માંડ માંડ બચ્યા હતા.
#WATCH | West Bengal CM Mamata Banerjee nearly falls while driving an electric scooter in Howrah, as a mark of protest against fuel price hike. She quickly regained her balance with support and continued to drive.
— ANI (@ANI) February 25, 2021
She is travelling to Kalighat from State Secretariat in Nabanna pic.twitter.com/CnAsQYNhTP
તેમની બાજૂમાં ઉભેલા સુરક્ષાકર્મીઓએ અને નેતાઓએ તેમને સંભાળી લીધા હતા તથા તેમને પડતા બચાવી લીધા હતા. આ દરમિયાન તેમનો ફોન પણ રસ્તા પર પડી ગયો હતો. આ સમગ્ર ઘટનાક્રમનો વીડિયો હાલ સોશિયલ મીડિયા પર વાયરલ થઈ રહ્યો છે. આ વીડિયો આપ અહીં જોઈ શકો છો.
પશ્ચિમ બંગાળના મુખ્યમંત્રી મમતા બેનર્જી પેટ્રોલ-ડીઝલની પ્રાઈઝને લઈને સતત મોદી સરકારો પર આકરા પ્રહારો કરતા રહે છે. ગુરૂવારે તેમણે આ જ ક્રમમાં ઈલેક્ટ્રોનિક્સ સ્કૂટરથી સચિવાલય સુધીની સફર કરી હતી. તેમની આ રેલીમાં મેયર ફરહાદ હકીમ પણ શામેલ થયા હતા. મમતા તેમની સાથે પાછળ બેઠા હતા. આ દરમિયાન બંનેએ હેલ્મેટ પહેર્યા હતા અને મમતા બેનર્જી કેન્દ્ર વિરુ્દ્ધ બેનરો પણ લહેરાવ્યા હતા.
શું લખ્યુ હતું બેનરમાં
મમતા બેનર્જીની સ્કૂટર રેલી દરમિયાન સાથે લઈને આવેલા બૈનરમાં લખ્યુ હતું કે, તમારા હોઠે શું છે, પેટ્રોલના વધતા ભાવ, ડીઝલના વધતા ભાવ અને એલપીજી ગેસની કિંમતમાં વધારો. મમતાની આ રેલીમાં સચિવાલયના કેટલાય કર્મચારીઓ અને અધિકારીઓ પણ ઈ સ્કૂટી લઈને પહોંચ્યા હતા.
આપને જણાવી દઈએ કે, મમતા બેનર્જી આ અગાઉ પણ કેટલીય વાર સ્કૂટર પર સવાર થઈને સચિવાલય આવ્યા હતા. તેઓ સ્કૂટર પર જ સવાર થઈને લોકોને અલગ અલગ જગ્યાએ મળવા પહોંચી જતાં હોય છે. 2007માં નંદીગ્રામમાં લેફ્ટ સમર્થકો દ્વારા પોતાના કાર્યકર્તાઓની વિરુદ્ધ થયેલી હિંસા બાદ તેઓ બાઈકથી પીડિત લોકોને મળવા પહોંચ્યા હતા.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
