નસીબ આને કહેવાય/ રસ્તા પરના સેલમાંથી એક બાઉલ ખરીદ્યો અને રાતોરાત બની ગયો અબજોપતિ, હવે આ તારીખે થશે હરાજી

Last Updated on March 4, 2021 by

અમેરિકાના કનેક્ટિકટ શહેરમાં રહેતા એક વ્યક્તિનું ભાગ્ય રાતોરાત બદલાઈ ગયું. તેણે 35 (રૂ. 2500) માં રસ્તાના કિનારે લાગેલા એક સેલમાંથી જે બાઉલ ખરીદ્યો હતો તે ચીનની કિંમતી આર્ટવર્કનો એક ભાગ હતો. સિરામિકથી બનેલા આ બાઉલની કિંમત ત્રણથી પાંચ મિલિયન ડોલરની વચ્ચે છે. આ સફેદ રંગની વાટકી વાદળી ફૂલોથી સજ્જ છે. 6 ઇંચ વ્યાસની આ બાઉલ ટૂંક સમયમાં હરાજી માટે મૂકવામાં આવશે.

વિશ્વમાં આવા ફક્ત 7 બાઉલ છે

એવું કહેવામાં આવી રહ્યું છે કે જૂની કલાકૃતિઓના શોખીન વ્યક્તિએ ગયા વર્ષે ન્યૂ હેવન વિસ્તારમાં આવેલા સેલમાં આ બાઉલ જોયો હતો, ત્યારે તેણે તરત જ ખરીદી લીધો હતો. તે સમયે, તે વ્યક્તિ જાણતો ન હતો કે તે ફક્ત 35 ડોલરમાં કોને ખરીદી રહ્યો છે અને તે એક દિવસ તેને કરોડપતિ બની જશે. આ બાઉલ અત્યંત દુર્લભ છે અને વિશ્વમાં આવા 7 બાઉલ બનાવવામાં આવ્યા છે.

Sothebyને મોકલ્યો હતો ઈમેઇલ

એક વેબસાઇટના અહેવાલોએ હરાજી કંપની સોથેબીને ટાંકીને જણાવ્યું છે કે, બાઉલ ન્યુ યોર્કમાં 17 માર્ચે હરાજી માટે મૂકવામાં આવશે. અહેવાલમાં જણાવ્યા મુજબ, મૂલ્યવાન ચાઇનીઝ આર્ટવર્ક ખરીદનાર વ્યક્તિએ સોથેબીને ઇમેઇલ મોકલીને તેની માહિતી મોકલી હતી. સોથેબીના હરાજી વિશેષજ્ઞ એન્જેલા મૈકએટીર અને હેંગ યીનને વારંવાર આવા ઇમેઇલ્સ આવતા રહે છે પરંતુ આ વખતે તેમને મળેલી માહિતીથી તેમની ખુશીનું ઠેકાણું રહ્યું ન હતું.

મિંગ પીરિયડનું બાઉલ

સોથેબીના સિનિયર વાઇસ પ્રેસિડેન્ટ મૈકઅટિરે પ્રતિક્રિયા આપતા કહ્યું, “જ્યારે અમે તે બાઉલ જોયો ત્યારે લાગ્યું કે તે ખૂબ જ વિશેષ છે.” બાઉલની પેઇન્ટિંગ, તેનો આકાર, વાદળી રંગ સૂચવે છે કે બાઉલ 15 મી સદીમાં સિરામિકની બનેલી હતી. જો કે, તપાસ બાદ તે સ્પષ્ટ થયું કે આ વાટકી લગભગ 1400 ઈ.સ.ની આસપાસ બનાવવામાં આવી હતી. તેમણે કહ્યું કે આ માટે કોઈ વૈજ્ઞાનિક પરીક્ષણ કરવામાં આવ્યું નથી, ફક્ત બાઉલની ડિઝાઇન જોઈને તેને સ્પર્શ કરીને, તેમણે અનુમાન લગાવ્યું કે તે મિંગ પીરિયડની છે.

મોટાભાગના બાઉલ સંગ્રહાલયમાં છે

એન્જેલા મૈકએટર અને હેંગ યિન અનુસાર, આ વાટકી ઈ.સ. 1400માં યોંગલ સમ્રાટના શાસન દરમિયાન બનાવવામાં આવી હતી. યોંગલે મિંગ વંશનો ત્રીજો શાસક હતો. વાટકી ખાસ યોંગલ કોર્ટ માટે બનાવવામાં આવી હતી, જે માટીના વાસણોની નવી શૈલીઓ માટે જાણીતી હતી. તે જ સમયે, મૈકઅટીરે કહ્યું કે આ સિવાય, દુનિયામાં આ પ્રકારની છ વધુ બાઉલ છે અને તેમાંથી મોટાભાગના સંગ્રહાલયોમાં છે. અમેરિકામાં હાલમાં આવી કોઈ બાઉલ નથી. તાઇવાનના નેશનલ પેલેસ મ્યુઝિયમમાં બે, લંડનના મ્યુઝિયમમાં બે અને તેહરાનના નેશનલ મ્યુઝિયમમાં આવું જ એક બાઉલ છે.

Read Also

• Dev post create for auto notification 35
• Dev post create for auto notification 34
• Dev post create for auto notification 33
• Dev post create for auto notification 32
• Dev post create for auto notification 31