Last Updated on March 12, 2021 by
બોલીવુડ અભિનેતા મનોજ બાજપાયીનો કોરોના રિપોર્ટ પોઝિટિવ આવ્યો છે. કોરોના થયા પછી તેઓ પોતાના ઘરમાં સેલ્ફ ક્વોરેન્ટાઇનમાં છે. મનોજ બાજપાયી આ દિવસોમાં પોતાની આવનારી ફિલ્મનું શુટિંગ કરી રહ્યા હતા એવામાં ડાયરેક્ટર પછી મનોજ બાજપાયીનો પણ રિપોર્ટ પોઝિટિવ આવ્યો હતો.
અભિનેતાની ટીમે એક નિવેદન બહાર પાડતાં કહ્યું હતું કે, ‘દિગ્દર્શક કોવિડ 19 નો ભોગ બન્યા બાદ મનોજ બાજપાયીએ પણ તેનો ટેસ્ટ કરાવ્યો હતો, તેનો રિપોર્ટ પોઝિટિવ આવ્યો છે. અભિનેતા અને દિગ્દર્શક કોરોના સંક્રમિત થયા બાદ થોડા મહિનાઓ માટે ફિલ્મનું શૂટિંગ અટકી ગયું છે. જો કે, અભિનેતાની તબિયત સારી છે, તેણે ઘરે પોતાને આઇસોલેટ રાખ્યા છે અને સંપૂર્ણ કાળજી લઈ રહ્યા છે.
એક્ટર રણબીર કપૂર કોરોનાનો શિકાર
જણાવી દઈએ કે તાજેતરમાં નીતુ કપૂરે સોશ્યલ મીડિયા પર એક પોસ્ટ દ્વારા આ અંગેની માહિતી આપી હતી કે તેનો પુત્ર અને બોલિવૂડ એક્ટર રણબીર કપૂર કોરોના વાયરસનો શિકાર બન્યો છે. રણબીર સિવાય ફિલ્મ ડિરેક્ટર સંજય લીલા ભણસાલી પણ કોવિડ 19 નો શિકાર બન્યા છે.
મુંબઇમાં કોરોનાના કેસ વધી રહ્યા છે. હજી તો રણબીર કપૂરને કોરોના થયાના સમાચાર આવ્યા તેટલામાં તો સંજય લીલા ભણશાલીને કોરોના થયાનો અહેવાલ છે. તેમની આવનારી ફિલ્મનું શૂટિંગ બંધ કરી દેવામાં આવ્યું છે.
સંજય લીલા ભણશાલી પણ કોવિડ-૧૯ના સપાટામાં
રિપોર્ટસની માનીએ તો, દિગ્દર્શક સંજય લીલા ભણશાલી પણ કોવિડ-૧૯ના સપાટામાં આવ્યા છે. તેઓ પોતાની ઓફિસમાં જ ક્વોરોનટાઇનમાં રહે છે. તેમની આવનારી ફિલ્મ ગંગુબાઇ કાઠિયાવાડીનું શૂટિંગ હાલ બંધ કરી દેવામાં આવ્યું છે. સંજય લીલા ભણશાલીની માતાની પણ કોરોનાની ટેસ્ટ લેવામાં આવી છે.
સંજય લીલા ભણશાલી ફિલ્મના સેટ પર કોવિડ પોઝિટિવ જોવા મળ્યા હતા.જોકે તેમણે પોતાને ઓફિસમાં જ ક્વોરન્ટાઇન કરી લીધા છે. રિપોર્ટસની માનીએ તો, આલિયા ભટ્ટે પણ પોતાનો કોરોના ટેસ્ટ કરાવ્યો છે અને તે પણ હોમ ક્વોરન્ટાઇન થઇ ગઇ છે. જોકે આ લખાય છે ત્યાં સુધીમાં આલિયાના કોરોના ટેસ્ટનો રિપોર્ટ આવ્યો નહોતો.
હાલમાં જ સંજય લીલા ભણશાલીએ પોતાના જન્મદિવસની ઊજવણી કરી હતી. આ પાર્ટીમાં ઘણી સેલિબ્રિટિઓ સામેલ થઇ હતી. તેમજ તેમનું ફિલ્મ ગંગુબાઇ કાઠિયાવાડીનું શૂટિંગ પણ સતત ચાલી રહ્યું છે. એવામાં બર્થ ડે પાર્ટીમાં સામેલ લોકો અને તેમની ફિલ્મની ટીમના લોકોની પણ કોવિડ-૧૯ની ટેસ્ટ કરાવી પડશે.
Read Also
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
