Last Updated on April 5, 2021 by
રાફેલ ડીલ અંગે, એક ફ્રેન્ચ મીડિયાએ પોતાના અહેવાલમાં દાવો કર્યો છે કે દસોલ્ટ એવિએશન દ્વારા ભારતમાં એક વચેટિયાને 1.1 મિલિયન યુરો આપવામાં આવ્યાં હતાં. આ પછી, કોંગ્રેસના નેતા દિગ્વિજયસિંહે આરોપ લગાવ્યો છે કે વડાપ્રધાન મોદી આ સંપૂર્ણ હેરાફેરીમાં સીધા જ શામેલ છે.
ભારત અને ફ્રાન્સ વચ્ચે રાફેલ ફાઇટર જેટ સોદાને લઈને હવે એક નવો હંગામો થયો છે. ફ્રેન્ચ રિપોર્ટમાં આ સોદામાં ભ્રષ્ટાચારના આક્ષેપો કરવામાં આવ્યા છે. ત્યારબાદથી કોંગ્રેસ મોદી સરકાર પર હુમલો કર્યો છે. રાજ્યસભાના સાંસદ અને કોંગ્રેસના નેતા દિગ્વિજય સિંહે આ આરોપો અંગે એક ખાસ વાતચીત કરી હતી. તેમણે કહ્યું કે નવા ખુલાસાઓથી સ્પષ્ટ થાય છે કે રાફેલ ડીલમાં હેરાફેરી કરવામાં આવી છે.
દિગ્વિજયસિંહે કહ્યું, “વડાપ્રધાન સીધા આ હેરાફેરી માં સામેલ છે, કારણ કે રાફેલ ડીલમાં આખી પ્રક્રિયા તાકમાં રાખીને કરવામાં આવી હતી. સંરક્ષણ પ્રધાનને તેની જાણકારી પણ નહોતી.” તેમણે આ મામલે જેપીસી તપાસની માંગ કરી છે. તેમણે એમ પણ કહ્યું હતું કે “વડાપ્રધાન હવે ફ્રાંસ જઈ રહ્યા છે, શું પીએમ ફ્રાંસ તેના પર પડદો પાડવા તો નથી જઇ રહ્યાં ને?”
રણદીપ સુરજેવાલાએ પણ આક્ષેપો કર્યા
કોંગ્રેસના પ્રવક્તા રણદીપ સુરજેવાલાએ સોમવારે એક પ્રેસ કોન્ફરન્સમાં કહ્યું, “સંપૂર્ણ વ્યવહારને ગિફ્ટ ટુ ક્લાયન્ટ કહેવામાં આવતો હતો. જો આ મોડેલ બનાવવાના પૈસા હતા, તો તેને ગિફ્ટ ટુ ક્લાયંટ કેમ કહેવામાં આવતું? શું તે છુપા વ્યવહાર નો ભાગ હતો?” જે કંપનીને આ નાણાં આપવામાં આવ્યા હતા, તે આ મોડેલ બનાવતી પણ નથી. ” તેમણે કહ્યું, “60 હજાર કરોડ રૂપિયાના રફાલ સંરક્ષણ સોદાથી સંબંધિત કેસમાં સત્ય બહાર આવ્યું છે. અને આ ખુલાસો અમે નહિ પણ ફ્રેન્ચ એજન્સી દ્વારા આ વાતનો ખુલાસો કરવામાં આવ્યો છે.” તેમણે કહ્યું કે જ્યારે બંને સરકારો વચ્ચે સંરક્ષણ કરાર થાય છે, ત્યારે તેમાં કોઈ વચેટિયાને કેવી રીતે સમાવી શકાય? તેમણે કહ્યું કે હવે આ અંગે વડાપ્રધાન જવાબ આપશે?
આખો મામલો શું છે?
ખરેખર, ફ્રાન્સના પબ્લિકેશન મીડિયાપાર્ટે એક અહેવાલ પ્રકાશિત કર્યો છે. આ અહેવાલમાં દાવો કરવામાં આવ્યો છે કે દસોલ્ટ એવિએશન દ્વારા રાફેલ સોદા માટે ભારતના એક વચેટિયાને 1.1 મિલિયન યુરો (આશરે 10 કરોડ રૂપિયા) આપ્યા હતા. આ સિવાય 2017 માં ડીએસઓના ઓડિટમાં 5,08,925 યુરો ગિફ્ટ ટુ ક્લાયન્ટ તરીકે દર્શાવવામાં આવ્યા છે. ફ્રેન્ચ એન્ટિ કરપ્શન એજન્સીના સવાલ પર દાસોએ કહ્યું હતું કે તેમને ભારતીય કંપનીમાંથી બનાવેલા રફેલ વિમાનના 50 મોડેલ મળ્યા છે. આ માટે, એક મોડેલ પર 20,000 યુરો આપવામાં આવ્યા હતા. જો કે, આ મોડેલનો ઉપયોગ ક્યાં અને કેવી રીતે કરવામાં આવ્યો તેનો કોઈ પુરાવો મળ્યો નથી.
READ ALSO :
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
