Last Updated on April 3, 2021 by
16 વર્ષની ઉંમરે બોલીવુડમાં એન્ટ્રી મારી બોલીવુડમાં ધમાલ મચાવનારી અભિનેત્રી સોમી અલી આજકાલ ખૂબજ ચર્ચામાં છે. સોમી અલી છેલ્લાં કેટલાંક સમયથી ફિલ્મી દુનિયાથી દૂર છે. પરંતુ બોલીવુડ સુપરસ્ટાર સલમાન ખાનની એક્સ ગર્લફ્રેન્ડ હોવાથી તે હંમેશા ચર્ચામાં રહેતી હોય છે. સમી અલીએ ચોંકાવનારો ખુલાસો કરતા જણાવ્યું હતું કે બોલીવુડના કેટલાંક ડિરેકટર તેમની સાથે સેક્સ્યુઅલી સંબંધ રાખવા માગતા હતા.
કેટલાંક ડિરેક્ટર તેમની સાથે સેક્સ્યુઅલી સંબંધ રાખવા ઈચ્છતા હતા
સોમી અલીએ પોતાના અનુભવ શેર કરતા કહ્યું કે બોલીવુડના કેટલાંક ડિરેક્ટર મારી સાથે સેક્સ્યુઅલી સંબંધ રાખવાની ઇચ્છા રાખતા હતા. તેમણે કહ્યું કે બોલીવુડમાં મારો અનુભવ ખૂબજ ખરાબ રહ્યો છે. જ્યારે એમને પૂછવામાં આવ્યું કે શુ તમારે બોલીવુડમાં પાછા આવવાની ઇચ્છા છે ? તો તેમણે કહ્યું કે હવે મારે બોલીવુડમાં પાછા ફરવાની કોઈ ઇચ્છા નથી.
સલમાને મારી સાથે છેતરપિંડી કરી- સોમી અલી
ઈન્ટરવ્યુંમાં સોમી અલી જણાવે છે કે સલમાન ખાને મારી સાથે છેતરપિંડી કરી છે. મારે અને સલમાન ખાન વચ્ચે બ્રેકઅપ થયાના 20 વર્ષ થઈ ચૂક્યા છે. સલમાન ખાને મારી સાથે છેતરપિંડી કરતા હું અલગ થઈ ગઈ છું. મેં સલમાન ખાન સાથે છેલ્લાં પાંચ વર્ષથી વાત નથી કરી, સોમી જણાવે છે કે બોલીવુડમાં કામ કરવા માટે હું ભારત નહીં આવી શકું કારણ કે મારા એક્સ સાથે બ્રેકઅપ થયા પછી ભારતમાં રહેવાની મારી કોઈ ઈચ્છા નથી.
16 વર્ષની ઉંમરે ભારત આવી
સોમી અલી 16 વર્ષની ઉંમરે વર્ષ 1991માં ભારત આવી હતી. કારણ કે સોમીને સલમાન ખાન સાથે લગ્ન કરવા હતા. પરંતુ આ બંને વચ્ચેના રિલેશન લોંગ ટાઈમ સુધી ચાલ્યા નહીં અને વર્ષ 1999માં બંને વચ્ચે બ્રેકઅપ થતાં સોમી વધારે શિક્ષણ મેળવવા માટે યુ.એસ. પરત ચાલી ગઈ હતી.
સોમીએ કઈ કઈ ફિલ્મોમાં કામ કર્યું
પાકિસ્તાનમાં જન્મેલી સોમીએ બોલીવુડમાં વર્ષે 1994માં કૃષ્ણા અવતાર, વર્ષ 1993માં યાર ગદ્દાર, વર્ષ 1994માં તીસરા કૌન ? જેવી ફિલ્મોમાં કામ કર્યું હતું.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
