દિલ્હી પોલીસે ઠાર માર્યો કુખ્યાત ગેંગસ્ટર કુલદીપ ફજ્જા, જીટીબી હોસ્પિટલ માંથી થયો હતો ફરાર

Last Updated on March 28, 2021 by

દિલ્હીમાં કુખ્યાત અપરાધી કુલદીપ ફજ્જાને દિલ્હી પોલીસના સ્પેશિયલ સેલે એન્કાઉન્ટરમાં ઠાર માર્યો છે. દિલ્હીના રોહિણીમાં પોલીસે કુલદિપ ફજ્જા અને તેના સાથીઓને રોક્યા હતા. તે સમયે તેણે પોલીસ પર ગોળીબાર કરી હતી. જે બાદ ફાયરિંગમાં પોલીસ કુલદિપને ઠાર માર્યો છે.

એન્કાઉન્ટર સમયે  બંને તરફથી અનેક રાઉન્ડ ફાયરિંગ થયુ હતુ. જેમાં દિલ્હી પોલીસના સ્પેશિયલ સેલના અધિકારી માંડ માંડ બચ્યા છે. પોલીસના કેટલાક જવાનોના બુલેટપ્રુફ જેકેટમાં પણ ગોળી  લાગી છે.

કુલદિપ ફજ્જા છેલ્લા બે દિવસથી રોહિણી સેક્ટર-14ના તુલસી એપાર્રટમેન્ટના ફ્લેટ નંબર- ડી-9માં છૂપાયેલો હતો. તેની સાથે તેના બે સાથી યોગેન્દ્ર અને ભૂપેન્દર પણ તેની મદદ કરતા હતા. જોકે દિલ્હી પોલીસની સ્પેશિયલ સેલે આ બંને શખ્સોને ઝડપી પાડ્યા છે.

થોડા દિવસ પહેલા દિલ્હીની જીટીબી હોસ્પિટલમાંથી ફરાર થઈ ગયેલા ગેંગસ્ટર કુલદીપ ફજ્જાને દિલ્હી પોલીસના સ્પેશિયલ સેલે અથડામણમાં ઠાર માર્યો છે. રોહિણીના સેક્ટર 14 ખાતેના એક ફ્લેટમાં અથડામણ થઈ હતી જેમાં કુલદીપ ઘાયલ થયો હતો. ત્યાર બાદ તેને આંબેડકર હોસ્પિટલ લઈ જવામાં આવ્યો હતો જ્યાં ડૉક્ટર્સે તેને મૃત ઘોષિત કર્યો હતો.

કુલદીપ 25 માર્ચના રોજ પોતાના સાથીઓની મદદથી જીટીબી હોસ્પિટલમાંથી ભાગી ગયો હતો. કુલદીપ ફજ્જાને મેડિકલ તપાસ માટે જીટીબી હોસ્પિટલ લઈ જવાયો હતો. હોસ્પિટલ કેમ્પસમાં 5 લોકોએ પોલીસ પાર્ટી પર ગોળીબાર કર્યો હતો અને ફજ્જાને પોલીસ કસ્ટડીમાંથી છોડાવી ભાગી ગયા હતા.

સ્કોર્પિયોમાં આવેલા ગુનેગારોએ પોલીસ પર ગોળીબાર કરતાં પોલીસે પણ વળતો હુમલો કર્યો હતો, જેમાં એક ગુનેગારનું મોત થયું હતું અને અન્ય એકને ઈજા પહોંચી હતી. કેદી ફજ્જા ગુનેગાર જિતેન્દ્ર ગોગી ગેંગનો સભ્ય છે. તેના પર હત્યા જેવા અનેક ગંભીર 70થી વધુ કેસો છે.

દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.

MUST READ:

• Dev post create for auto notification 35
• Dev post create for auto notification 34
• Dev post create for auto notification 33
• Dev post create for auto notification 32
• Dev post create for auto notification 31