પેટ્રોલ ડિઝલની મોંઘવારીથી સામાન્ય માણસોને મળી શકે છે રાહત, આ કારણે ઘટી શકે છે પેટ્રોલના ભાવ

Last Updated on March 23, 2021 by

સ્થાનિક ઓઈલ કંપનીઓએ સતત 24 મા દિવસે પેટ્રોલ-ડીઝલના ભાવમાં કોઈ ફેરફાર કર્યો નથી. છેલ્લા ઘણા દિવસોથી દરમાં ફેરફાર થયા હોવા છતાં પેટ્રોલ અને ડીઝલની મોંઘવારીને કારણે સામાન્ય લોકો પર સીધી અસર જોવા મળી રહી છે. પરંતુ આગામી દિવસોમાં સામાન્ય માણસને પેટ્રોલ ડિઝલની મોંઘવારીથી રાહત મળે તેવી આશા છે. કારણ કે છેલ્લા એકથી દોઢ અઠવાડિયામાં આંતરરાષ્ટ્રીય બજારમાં ક્રૂડ ઓઇલના ભાવમાં 7 ટકાનો ઘટાડો થયો છે. નિષ્ણાતો કહે છે કે ક્રૂડ ઓઇલના ઘટાડાનો લાભ સામાન્ય માણસને મળી શકે છે.

કાચા તેલની ક્રૂડ ઓઈલની કિંમતોમાં ઘટાડો થયો

આઇઆઇએફએલ સિક્યોરિટીઝના વાઇસ પ્રેસિડેન્ટ અનુજ ગુપ્તા કહે છે કે રોગચાળાને કારણે ક્રૂડની માંગમાં ઘટાડાને કારણે ક્રૂડ ઓઇલના ભાવમાં ઘટાડો થયો હતો. ધીમી વેક્સિન રોલઆઉટ અને યુરોપમાં લોકડાઉનના ભય વચ્ચે  કાચા તેલની ક્રૂડ ઓઈલની કિંમતોમાં ઘટાડો થયો છે.

માંગમાં ઘટાડો થવાને કારણે ક્રૂડ ઓઇલના ભાવ પ્રભાવિત થયા

તેમણે કહ્યું કે, માંગમાં ઘટાડો થવાને કારણે ક્રૂડ ઓઇલના ભાવ પ્રભાવિત થયા છે અને એકથી દોઢ અઠવાડિયામાં તેમાં 7 ટકાનો ઘટાડો થયો છે. જો માંગ નબળી રહી તો હજુ પણ કિંમતોમાં વધુ ઘટાડો થઈ શકે છે. ચાલો આપણે જાણીએ કે દેશના કેટલાક શહેરોમાં પેટ્રોલની કિંમત પ્રતિ લીટર 100 રૂપિયાને પાર કરી ગઈ છે. દેશની રાજધાની દિલ્હીમાં એક લિટર પેટ્રોલની કિંમત 91.17 રૂપિયા પ્રતિ લિટર છે. તે જ સમયે, ડીઝલની કિંમત પ્રતિ લિટર 81.47 રૂપિયા છે. મુંબઈમાં પેટ્રોલનો ભાવ પ્રતિ લિટર 97.57 રૂપિયા થયો છે.

પેટ્રોલ અને ડીઝલ થઈ શકે છે સસ્તું

અનુજ ગુપ્તાએ જણાવ્યું હતું કે, જો ક્રૂડ ઓઇલના ભાવો આ રીતે ઘટતા રહે તો સામાન્ય માણસને આનો લાભ મળી શકે છે. ઓઇલ કંપનીઓ પેટ્રોલ અને ડીઝલના ભાવ ઘટાડી શકે છે.

સરકારનું કલેક્શન વધીને 12.2 ટકા થયું

ઘરેલુ તેલ કંપનીઓએ સતત 24 મા દિવસે પેટ્રોલ અને ડીઝલના દરમાં કોઈ ફેરફાર કર્યો ન હોય, પરંતુ સરકારે તેલમાંથી મોટા પ્રમાણમાં સરકારી તિજોરી છલકાવી દીધી છે. છેલ્લા છ વર્ષમાં પેટ્રોલ અને ડીઝલ પર કેન્દ્ર સરકારના વેરાની વસૂલાત 300 ટકાથી વધારે થઈ ગઈ છે. ચાલુ નાણાંકીય વર્ષ 2020-21ના પ્રથમ 10 મહિનામાં પેટ્રોલ અને ડીઝલ પર વેરાની વસૂલાત વધીને રૂ. 2.94 લાખ કરોડ થઈ છે. નાણાં રાજ્યમંત્રી એ જણાવ્યું હતું કે, નાણાકીય વર્ષ 2014-15માં પેટ્રોલ, ડીઝલ અને ગેસની રેવન્યુ કલેક્શન 5.4 ટકા હતી, જે ચાલુ નાણાકીય વર્ષમાં વધીને 12.2 ટકા પહોંચી ગયો છે.

દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.

READ ALSO

• Dev post create for auto notification 35
• Dev post create for auto notification 34
• Dev post create for auto notification 33
• Dev post create for auto notification 32
• Dev post create for auto notification 31