મોદીના માનીતા લાહિરીને ભાજપે થોપી દીધા પણ સ્થાનિકો એટલા બગડ્યા કે કારમાંથી ઉતરી ના શક્યા, આખરે વીલા મોંઢે પાછા આવ્યા

Last Updated on March 22, 2021 by

પશ્ચિમ બંગાળમાં નરેન્દ્ર મોદીના માનીતા અશોક લાહિરીને વિધાનસભાની ટિકિટ આપ્યા પછી બદલવાની ફરજ પડતાં ભાજપ શરમજનક સ્થિતિમાં મૂકાયો છે. કેન્દ્ર સરકારના ભૂતપૂર્વ ચીફ ઈકોનોમિક એડવાઈઝર લાહિરીને ભાજપ માટે સૌથી સલામત મનાતી અલીપુરદ્વાર બેઠક પરથી ટિકિટ અપાઈ હતી. લાહિરી હાલમાં નાણાં પંચના સભ્ય છે.

લાહિરીને અલીપુરદ્વાર મોકલ્યા તો ભાજપના કાર્યકરોએ કર્યો ઉગ્ર વિરોધ

લાહિરીના નામની જાહેરાત થતાં સ્થાનિક નેતાઓએ પ્રભારી વિજયવર્ગીયને કહી દીધું કે, બહારના ઉમેદવારને માથે થોપી બેસાડાય એ કાર્યકરો નહીં ચલાવી લે. હાઈકમાન્ડે કાર્યકરોની લાગણીને અવગણીને લાહિરીને અલીપુરદ્વાર મોકલ્યા તો ભાજપના કાર્યકરોએ એટલો ઉગ્ર વિરોધ કર્યો કે, લાહિરી પોતાની કારમાંથી નીચે જ ના ઉતરી શક્યા ને વિલા મોંઢે તેમણે પાછા ફરવું પડયું. પ્રચંડ વિરોધ પછી ભાજપે લાહિરીને સ્થાને સ્થાનિક ઉમેદવાર સુમન કાનજીલાલને ટિકિટ આપી છે.

લાહિરીનું શું કરવું એ મુદ્દે ભાજપ મૂંઝવણમાં

લાહિરીનું શું કરવું એ મુદ્દે ભાજપ મૂંઝવણમાં છે. ભાજપે પાંચ બેઠકો પર પોતાના ઉમેદવાર જાહેર કર્યા નથી. આ પૈકી એક બેઠક પર લાહિરીને ઉતારવા વિચારણા ચાલી રહી છે પણ અલીપુરદ્વારનું પુનરાવર્તન થાય તો ફરી નાક વઢાય તેની ભાજપને ચિંતા છે.

Read Also

• Dev post create for auto notification 35
• Dev post create for auto notification 34
• Dev post create for auto notification 33
• Dev post create for auto notification 32
• Dev post create for auto notification 31