ચીનની અવળચંડાઈ : કોરોનામાં ચીની વેક્સિન જ પ્રમાણભૂત, ભારતમાં મંજૂર નથી એ રસી લીધા બાદ જ મળશે વિઝા

Last Updated on March 16, 2021 by

ચીન દ્વારા હવે વધુ એક વિવાદાસ્પદ નિર્ણય લેવામાં આવ્યો છે, જેના કારણે ચીનમાં વેપાર સહિતના મુદ્દે જતા ભારતીયોની મુશ્કેલીઓ પણ વધી શકે છે. ચીને જણાવ્યું કે, તે માત્ર એવા ભારતીયોને જ વિઝા આપશે જેમણે ચીનમાં તૈયાર કરવામાં આવેલી કોરોના વેક્સિનનો ડોઝ લીધો હશે. 15 માર્ચથી વિઝા પ્રક્રિયાનો પ્રારંભ કરવામાં આવ્યો છે.

ભારતમાં ચીનમાં બનેલી કોઈ પણ વેક્સિનને મંજૂરી નથી અપાઇ

ભારત સ્થિત ચીનની એમ્બેસીની વેબસાઈટ પર આ મુદ્દે નોટિસ જાહેર કરવામાં આવે છે. ચીનના વિઝા માટે લોકોએ વેક્સિનેશન સર્ટિફિકેટ પણ દેખાડવાનું રહેશે. ભારતમાં હાલ ચીનમાં બનેલી કોઈ પણ વેક્સિનને મંજૂરી આપવામાં આવી નથી. તેથી ચાઈનીઝ એમ્બેસી દ્વારા લેવામા આવેલા આ નિર્ણયે ઘણા લોકોને ચોંકાવ્યા છે. ચીન જતા વિદેશી નાગરિકોએ ઈલેક્ટ્રોનિક હેલ્થ ડિક્લેરેશન પણ ભરવું પડશે. આ ઉપરાંત ન્યૂક્લિક એસિડ ટેસ્ટનો નેગેટિવ સર્ટિફિકેટ અને આઈજીએમ ટેસ્ટ રિપોર્ટ પણ વિઝા માટે જમા કરાવવાના રહેશે.

વિદેશી નાગરિકોએ ચીન પહોંચ્યા બાદ ક્વોરેન્ટાઈન પણ રહેવું પડશે

વિદેશી નાગરિકોએ ચીન પહોંચ્યા બાદ ક્વોરેન્ટાઈન પણ રહેવું પડશે. ચીનની વેક્સિન પાકિસ્તાન, બ્રાઝિલ, ચિલી સહિત ઘણા દેશોમાં લગાવવામાં આવી રહી છે. યુએઈ અને બહેરીન પણ ચીનની સરકારી કંપની સિનોફાર્મની વેક્સિનને મંજૂરી આપી ચૂક્યાં છે 17 જેટલાં દેશોએ ચીનની વિવિધ કંપનીઓએ બનાવેલી કોરોના વેક્સિન ખરીદી છે.

READ ALSO :

• Dev post create for auto notification 35
• Dev post create for auto notification 34
• Dev post create for auto notification 33
• Dev post create for auto notification 32
• Dev post create for auto notification 31