Last Updated on March 16, 2021 by
અમદાવાદ શહેરમાંથી સાઈબર ફ્રોડને લગતા એક ચોંકાવનારા સમાચાર સામે આવ્યા છે. જેમાં શહેરના નારોલ વિસ્તારમાં રહેતા એક પરિવારને ઓનલાઈન ખરીદી કરવી બહુ ભારે પડી છે. જેમાં માત્ર 500 રૂપિયાનો મરચાનો પાવડર રૂપિયા 1.16 લાખમાં પડ્યો છે. અને સમગ્ર પરિવાર આઘાતમાં સરી ગયો છે. આ છેતરપીડીં ઓનલાઈન ખરીદી કરતી વખતે સર્જાઈ હતી. સાઈબર ક્રાઈમ કરનાર શખ્સે ચાલાકીથી બેન્ક ઓટીપી (OTP) મેળવીને એકાઉન્ટ સંપૂર્ણ પળે ખાલી કરી દીધુ અને તમામ રૂપિયા ચાંઉ કરી દીધા હતા. પરિવારમાં લગ્નપ્રસંગ હતો જે હવે અટવાઈ ગયો છે.
પરિવારમાં લગ્નપ્રસંગ હતો જે હવે અટવાઈ ગયો
ઉલ્લેખનીય છે કે શહેરમાં સાઈબર ક્રાઈમની ઘટનામાં ઉત્તરોતર વધારો થઈ રહ્યો છે. ત્યારે ચાલાક ચોર ટોળકીનો વધુ એક પરિવાર આનો ભોગ બન્યો છે. શહેરના નારોલમાં વસવાટ કરતા રમેશ ભાવસારને ઓનલાઈન ખરીદી ભારે પડી છે. સમગ્ર બાબત એ છે કે આ વ્યક્તિએ ઓનલાઈન રૂ 500નું એક કિલો મરચા પાવડરનો ઓર્ડર મંગાવ્યો હતો, જોકે ઓર્ડર મુજબ ગત 13 તારીખના રોજ તેમના ઘરે એક કિલોના બદલે 500 ગ્રામ મરચું આવ્યું હતું, અને રૂપિયા એક કીલોના ભર્યા હતા.
250 રૂપિયા પરત મેળવવામાં ગુમાવ્યા એક લાખથી વધુ
જેમાં 250 રૂપિયા પરત મેળવવા માટે હેલ્પલાઈનમાં નંબર મેળવીને કંપની સાથે સંપર્ક કર્યો હતો, પરંતુ તેમનો કોલ કસ્ટમર કેરના બદલે સાયબર ક્રાઈમ આચરનાર શાતિર ચોર ટોળકીને લાગ્યો હતો. આ ટોળકીએ તેમને રૂપિયા પરત આપવાના બહાને બેન્ક એટીમ નંબર અને ઓટીપી મેળવી લીધો અને આ ટોળકીએ 1.16 લાખ રૂપિયા સમયાંતરે ઉપાડીને એકાઉન્ટ ખાલી કરી દીધું હતું. જ્યારે રમેશ ભાવસર ઠગ ટોળકીનો ભોગ બન્યાની જાણ મોડેથી થઈ હતી. ઉલ્લેખનીય છે કે ઓનલાઈન ખરીદી તેમને લાખો રૂપિયામાં પડી હતી.
સમગ્ર ઘટનાની ગંભીરતા લઈને નારોલ પોલીસે તપાસ શરૂ પણ કરી
છેતરપિંડી થયા બાદ પરિવારે સાઈબર ક્રાઈમમાં ફરિયાદ નોંધાવી છે. ચોંકાવનારી બાબત તો એ છે કે આ ચાલાક ટોળકીએ એની ડેસ્ક નામની એપ ડાઉનલોડ કરાવીને ફોનનો સમગ્ર ડેટા મેળવી શકે છે. ઉલ્લેખનીય છે કે આ પરિવાર ઓનલાઈ ખરીદી મામલે તમામને જાગૃત કરી રહ્યો છે. જોકે સમગ્ર ઘટનાની ગંભીરતા લઈને નારોલ પોલીસે તપાસ શરૂ પણ કરી છે. ઉલ્લેખનીય છે કે સાઈબર ક્રાઈમ પણ આ મામલે તપાસ શરૂ કરી દીધી છે.. જો તમે પણ ઓનલાઈન ખરીદી કરતા હોય તો સાવચેત રહેવાની જરૂર છે.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
