Last Updated on March 13, 2021 by
કોંગ્રેસ નેતા રાહુલ ગાંધીએ ફરીવાર ઉદ્યોગપતિ ગૌતમ અદાણીના બહાને કેન્દ્ર સરકાર પર આડકતરો પ્રહાર કર્યો હતો. રાહુલ ગાંધીએ એક રિપોર્ટનો હવાલો આપી ટ્વિટ કરી કે, વર્ષ 2020માં તમારી સંપત્તિમાં કેટલો વધારો થયો? ઝીરો. તમે જીવવા માટે સંઘર્ષ કરી રહ્યાં છો પરંતુ અદાણીએ 12 લાખ કરોડ રૂપિયાની કમાણી કરી પોતાની સંપત્તિમાં 50 ટકાનો વધારો કર્યો હતો.
અંતે આવું કેવી રીતે થયું?
રાહુલે જે રિપોર્ટનો હવાલો આપ્યો તેમાં ઉલ્લેખ કરાયો હતો કે, આ વર્ષે સંપત્તિ વધવા મામલે ગૌતમ અદાણી વિશ્વના સૌથી ધનિક લોકોમાં સામેલ જેફ બેજોસ અને એલન મસ્કને પણ પાછળ છોડી દીધા છે. આ અગાઉ મોટેરા સ્ટેડિયમનું નામ બદલી નરેન્દ્ર મોદી સ્ટેડિયમ કરાયું હતું ત્યારે પણ રાહુલે અદાણીને ટાર્ગેટ કર્યા હતા. ત્યારે રાહુલે કહ્યું હતું કે,‘ સત્ય કેટલી સુંદરતાથી સામે આવે છે. નરેન્દ્ર મોદી સ્ટેડિયમ- અદાણી એન્ડ- રિલાયન્સ એન્ડ અને તે પણ જય શાહના નેતૃત્ત્વમાં.’
અદાણીની વેલ્થમાં સૌથી ઝડપી વધારો થયો
અદાણી ગ્રુપના અધ્યક્ષ ગૌતમ અદાણીએ પૈસા કમાવાની બાબતમાં જેફ બેઝોસ, એલોન મસ્ક અને ભારતના સૌથી ધનિક મુકેશ અંબાણી (મુકેશ અંબાણી) ને પણ પાછળ છોડી દીધા છે. ગૌતમ અદાણીની વેલ્થમાં 2021માં સૌથી ઝડપી વધારો જોવા મળ્યો છે, જેના કારણે તે વિશ્વની સૌથી ઝડપી કમાણી કરનાર વ્યક્તિ બની ગયા છે.
એકલા 2021માં ગૌતમ અદાણીએ 16.2 અબજ ડોલરની કમાણી કરી છે, ત્યારબાદ તેમની કુલ સંપત્તિ વધીને 50 અબજ ડોલર થઈ ગઈ છે. બ્લૂમબર્ગ બિલિયોનેર ઈન્ડેક્સ અનુસાર, ગૌતમ અદાણીએ આ વર્ષે જે કમાણી કરી છે તે જેફ બેઝોસ, એલોન મસ્ક અને મુકેશ અંબાણી કરતા વધારે છે. મુકેશ અંબાણીએ આ વર્ષે માત્ર 8.1 અબજ ડોલરની કમાણી કરી છે. જે અદાણીની સંપત્તિથી અડધી છે.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
