Last Updated on March 11, 2021 by
ઉત્તર પ્રદેશની એક ખાપ પંચાયતે મહિલાઓને જિન્સ પહેરવા પર પ્રતિબંધ મુક્યો છે સાથે જ પુરૂષોના શોર્ટ્સ પહેરવા પર પણ પ્રતિબંધ મુકતું ફરમાન જાહેર કર્યું છે. મહિલાઓ અને પુરૂષોને ઇચ્છા મુજબના કપડા પહેરવાનો અધિકાર હોવા છતા આ પ્રકારનો ફતવો આ ખાપ પંચાયતે જાહેર કર્યો છે જેની ભારે ટીકા થઇ રહી છે.
પુરૂષોના શોર્ટ્સ પહેરવા પર પણ તવાઇ
પ્રાપ્ત જાણકારી અનુસાર ઉત્તર પ્રદેશના મુઝફ્ફરનગર જિલ્લાની આ ખાપ પંચાયતે પોતાના ફતવામાં કહ્યું છે કે મહિલાઓ, યુવતીઓએ જીન્સ ન પહેરવા, સાથે જ યુવકો કે કોઇ પણ વયના પુરૂષોએ શોર્ટ્સ ન પહેરવા.
આદેશનું પાલન ન કરનારાનો સમાજમાંથી બહિષ્કાર કરવાની ખાપ પંચાયતની ચીમકી
આ ફતવો પુરણ સિંઘ અને કિસન સિંઘ નામના ખાપના નેતાઓ દ્વારા જાહેર કરાયો છે. આ નેતાઓએ સાથે ધમકી આપી છે કે જે કોઇ મહિલા કે પુરૂષ અમારા આ આદેશનું પાલન નહીં કરે તો તેમને સમાજમાંથી બહિષ્કાર કરવામાં આવશે સાથે જ અમારા નિયમો મુજબ સજા પણ કરવામાં આવશે.
એટલુ જ નહીં આ ખાપ પંચાયતે ઉત્તર પ્રદેશ સરકાર દ્વારા એસસી સમાજના લોકોને આગામી પંચાયતની ચૂંટણીમા અનામત આપવાની જે જાહેરાત કરી હતી તેની પણ ટીકા કરી છે. અગાઉ પણ આ જ પ્રકારના ફતવા ખાપ પંચાયતો જારી કરી ચુકી છે જેમાં મુખ્ય ટાર્ગેટ મહિલાઓ રહી છે.
Read Also
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
