Last Updated on March 10, 2021 by
ભારતને આત્મનિર્ભર બનાવવા માટે સરકાર આત્મનિર્ભર ભારત અભિયાન પર ભાર આપી રહી છે. છેલ્લા કેટલાક મહિનામાં સરકારે આ ઝુંબેશને આગળ વધારવા અને દેશમાં ઉત્પાદન વધારી ચીની કંપનીઓ પર દબાણ કર્યું છે. આ સાથે જ તેણે ભારતમાં મેન્યુફેક્ચરિંગ કંપનીઓને પ્રોડક્શન લિન્ક ઇન્સેન્ટિવ (પી.એલ.આઇ.) યોજના હેઠળ સબસિડી આપવાની પણ જાહેરાત કરી છે. ખરેખર, સરકાર ઈચ્છે છે કે ભારતમાં વધુને વધુ ચીજોનું ઉત્પાદન થાય, જેથી દેશમાં રોજગાર પણ વધી શકે. જો કે, આ યોજના આવતા 5 વર્ષમાં સરકારી તિજોરીમાં પણ મોટી રકમ લાવશે.
રેટિંગ એજન્સી ક્રિસિલના એક અનુમાન મુજબ, સરકાર પીઆઈએલ યોજનાથી આવતા 5 વર્ષમાં 35 થી 40 લાખ રૂપિયા વધારાની કમાણી કરી શકે છે. ગયા વર્ષે ચીન સાથે સ્પર્ધા માટે સરકારે પી.એલ.આઇ. યોજનાની જાહેરાત કરી હતી. આ પછી, એપલ સહિતની ઘણી કંપનીઓએ ભારતમાં મેન્યુફેક્ચરિંગ બેઝ વધારવાના પગલા ભર્યા છે.
આ રીતે રોકાણ વધી શકે છે
ખરેખર આ યોજનાની જાહેરાત કોરોના સમયગાળા દરમિયાન કરવામાં આવી હતી. જેમાં એમ કહેવામાં આવ્યું હતું કે પી.એલ.આઇ. યોજના હેઠળ સરકાર સ્થાનિક મેન્યુફેક્ચરીંગમાં આગળ આવી રહેલી કંપનીઓને રૂ. 1.8 લાખ કરોડની સબસિડી આપશે. ક્રિસિલની અપેક્ષા મુજબ આ પગલાથી દેશમાં રોકાણ વધશે, જેનાથી સરકારની આવકમાં પણ વધારો થશે. એવું માનવામાં આવે છે કે આગામી 24 થી 30 મહિનાની અંદર, કંપનીઓ તેનું ઉત્પાદન શરૂ કરશે. જેની સાથે 2.7 લાખ કરોડનું નવું રોકાણ થવાની સંભાવના છે.
બેંકિંગ ક્ષેત્રને ફાયદો થશે
પી.એલ.આઇ. યોજના હેઠળ, કંપનીઓ ક્રેડિટ બેંકો પાસેથી એકત્રીત કરશે, જેથી બેંકિંગ ક્ષેત્રની ક્રેડિટ માંગ 500 બેસિસ પોઇન્ટ સુધી વધી શકે. અર્થશાસ્ત્રને આનો ફાયદો થશે. બેંકોની વધુ માંગને કારણે માર્કેટમાં ક્રેડિટ ફ્લો વધશે. ક્રિસિલનું માનવું છે કે 2021-22માં પીઆઈએલ યોજના અર્થતંત્રના વિકાસને વધારવામાં મહત્વપૂર્ણ ભૂમિકા ભજવશે. ક્રિસિલના અહેવાલ મુજબ, 2021-22માં ઓદ્યોગિક રોકાણોમાં 45-50% વૃદ્ધિ થવાની સંભાવના છે.
બેંકિંગ ક્રેડિટ ગ્રોથ વધારવાનો શું અર્થ છે
કોઈ પણ દેશની બેંકિંગ ક્રેડિટ ગ્રોથ વધવાનો અર્થ એ છે કે બેંકો દ્વારા ઉદ્યોગપતિઓને આપવામાં આવતી લોન સામાન્ય લોકોની લોન કરતા વધારે હોય છે. ઋણ વૃદ્ધિમાં વધારો અર્થ એ થાય કે અર્થતંત્રમાં બજારમાં વધુ નાણાં વહેતા હોય છે. જ્યારે પણ કોઈ દેશમાં ઔધોગિક વિકાસ વધે છે, ત્યાંની બેંકોની શાખ વૃદ્ધિ નોંધાય છે.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
