Last Updated on March 9, 2021 by
ભારતીય ક્રિકેટ ટીમનો સ્ટ્રાઇક બોલર જસપ્રીત બુમરાહ સ્પોર્ટ્સ એન્કર સંજના ગણેશન સાથે લગ્ન કરશે. આ લગ્ન ગોવામાં થશે. તેને લગતી બધી વાતો ખાનગી રાખવામાં આવી છે અને તેઓએ લગ્નની તારીખની પણ સત્તાવાર જાહેરાત કરી નથી. તાજેતરમાં જ જસપ્રીત બુમરાએ ઇંગ્લેન્ડ સામેની ટેસ્ટ શ્રેણીની અંતિમ ટેસ્ટમાં અંગત કારણોસર આખરી ઇલેવનમાંથી નામ પરત ખેંચ્યુ હતું. તેના પછી ટી-20 શ્રેણીમાં પણ તેને આરામ આપવામાં આવ્યો છે અને તે વન-ડેમાં પણ નહી રમે અને સીધો આઇપીએલમાં રમવા ઉતરશે.
એન્કર સાથે મોડલ પણ છે સંજના
બુમરાહ અને સ્પોર્ટ્સ એન્કર સંજના વચ્ચેની મિત્રતા ઘણી આગળ વધી ગઈ હોવાના પગલે બંને લગ્ન કરશે તેવું તેમના ઘણા ફેન્સ માનતા હતા. સંજના ગણેશન સ્પોર્ટ્સ પ્રેઝન્ટર હોવાની સાથે જાણીતી મોડેલ પણ છે.
સંજના ગણેશને પુણેમાંથી એન્જિનિયરિંગ કોલેજમાંથી ડિગ્રી લીધા પછી મોડેલિંગમાં ઝંપલાવ્યું હતું અને તેમા છવાઈ ગઈ હતી. તે ૨૦૧૪માં મસ ઇન્ડિયામાં ફાઇનલ સુધી પહોંચી ચૂકી છે. આ પહેલા તે ૨૦૧૩માં ફેમિના ગોર્જિયસનું ટાઇટલ પણ જીતી ચૂકી છે. તે એમટીવીના રિયાલિટી શો સ્પિટ્સવિલામાં પણ ભાગ લઇ ચૂકી છે. જો કે ક્રિકેટ પ્રેમીઓ સંજનાને આઇપીએલ ૨૦૨૦ની સ્પોર્ટ્સ એન્કર તરીકે જ ઓળખે છે. તેણે મેચની સાથે પ્રેક્ષકોને યુએઇના શહેરોની સહેલ કરાવી હતી.
ધોની છે તેનો ફેવરિટ ક્રિકેટર
સંજનાએ 2019ના ક્રિકેટ વિશ્વકપ ઉપરાંત ઘણા શો હોસ્ટ કર્યા હતા. તે આઇએસએલ અને બેડમિંટન સુપરલીગ પણ હોસ્ટ કરી ચૂકી છે. તેના લગ્ન ભલે બુમરાહ સાથે થઈ રહ્યા હોય, પરંતુ તેનો પ્રિય ક્રિકેટર ટીમ ઇન્ડિયાનો ભૂતપૂર્વ કેપ્ટન ધોની છે.
Read Also
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
