Last Updated on March 8, 2021 by
આયુર્વેદમાં આદુને અસરકારક દવા માનવામાં આવે છે. તેમાં ઘણાં ઔષધીય ગુણધર્મો છે, જે સ્વાસ્થ્ય માટે ખૂબ ફાયદાકારક છે. સાથે રસોડામાં, આદુનો ઉપયોગ શાકભાજી અને ચામાં થાય છે. ખાસ કરીને કોરોનાના ગાળામાં આદુનું મહત્વ ઘણું વધ્યું છે. રોગપ્રતિકારક તંત્ર મજબૂત કરવા માટે, આદુ, કાળા મરી, તુલસીના પાન, હળદર જાય સાથે મિશ્રિત ઉકાળો પીવાની સલાહ આપવામાં આવે છે. તેનાથી શરદી, ખાંસી અને ઠંડીમાં રાહત મળે છે. તમને જણાવી દઈએ કે આદુ જ નહીં પરંતુ તેની છાલ પણ સ્વાસ્થ્ય માટે એટલી જ ફાયદાકારક છે. ઘણી વાર લોકો આદુની છાલ ફેંકી દે છે પરંતુ આજે અમે તમને તેના ફાયદાઓ વિશે જણાવીએ છીએ. આદુમાં પોટેશિયમ, આયર્ન, એન્ટી ઑક્સિડેન્ટ્સ, કેલ્શિયમ અને વિટામિન્સ જેવા ગુણધર્મો હોય છે, જે તમારી રોગપ્રતિકારક શક્તિ વધારવામાં મદદ કરે છે.
ઉધરસમાં સૌથી વધારે અસરકારક
ઉધરસથી છૂટકારો મેળવવા માટે આદુની છાલ ખૂબ જ ફાયદાકારક છે. એ માટે, તમે આદુની છાલ એકઠી કરો અને તેને પ્રથમ તડકામાં સૂકવો. બાદમાં તેને મિક્સરમાં નાંખો અને તેનો પાવડર બનાવો. જ્યારે પણ કફની તકલીફ હોય ત્યારે આદુનો પાવડર અને મધને સમાન પ્રમાણમાં મિક્ષ કરીને હળવા પાણી સાથે તેને ખાઓ. જેથી તમને ઉધરસમાં તુરંત રાહત મળશે.
પેટની સમસ્યાથી રાહત મળે છે
આદુની છાલથી પેટની સમસ્યાઓ પણ દૂર થાય છે. આદુની છાલને પાણીમાં ઉકાળીને સેવન કરવાથી પેટ સંબંધી સમસ્યામાંથી રાહત મળે છે. ખાસ કરીને આદુની છાલની ચા પીવાથી ખૂબ ફાયદો થાય છે. ટેસ્ટ માટે, તમે તેમાં મધ ઉમેરી શકો છો.
શરદીમાં થશે વઘુ ફાયદાકારક
શરદીની જેમ તેની છાલની ચા પીવાથી શરદીમાં મોટી રાહત મળે છે. જો કે, મર્યાદિત માત્રામાં તેનું સેવન કરો. જે ગળાના દુ:ખાવાને પણ દૂર કરે છે.
છોડ માટે સૌથી સારી બાબત
આદુની છાલ નાખવાને બદલે તમે છોડમાં ખાતર તરીકે વાપરી શકો છો. તેમાં ફોસ્ફરસ વધારે માત્રામાં હોય છે, જે છોડને પોષણ આપે છે.
શાકભાજીનો સ્વાદ પણ બદલાશે
જો તમને તમારા ભોજનમાં આદુ ઉમેરવાનું નથી પસંદ તો પછી આદુને બદલે તમે શાકભાજીમાં તેની છાલ પણ ઉમેરી શકો છો. આની સાથે તમને તેનો સ્વાદ મળશે અને તેનો સ્વાદ પણ ખૂબ જ સરસ હશે.
READ ALSO :
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
