Last Updated on March 5, 2021 by
નાણામંત્રી નિર્મલા સિતારમને પેટ્રોલ ડિઝલની કિંમતમાં ઘટાડાના સવાલ ઉપર કહ્યું કે, તે દેશના ઉપભોક્તાઓની જરૂરિયાતને સમજે છે. પરંતુ આ મામલામાં સરકાર સામે ધર્મસંકટની હાલત છે. તેમણે કહ્યું કે કેટલાય એવા સંકેતો મળ્યા છે જેનાથી એ વાત સ્પષ્ટ થાય છે કે અર્થવ્યવસ્થામાં સુધારો આવી રહ્યો છે.
રાજકોષીય સંગ્રહમાં આવેલા ઘટાડો જોતાં સરકાર માટે ટેક્સમાં ઘટાડો કરવો મુશ્કેલ
નાણામંત્રી જે ધર્મસંકટની વાત કરી રહ્યા છે. હકિકતમાં એમ છે કે તેલની કિંમત માર્કેટ આધારિત છે. અર્થાત તેની કિંમત હવે તેલ કંપનીઓ નક્કી કરે છે. બીજી તરફ કોરોના કાળમાં રાજકોષીય સંગ્રહમાં આવેલા ઘટાડાને જોઈને સરકાર માટે ટેક્સમાં ઘટાડો કરવો પણ ખૂબજ મુશ્કેલ કામ છે.
અમારું બજેટ આગામી 20 વર્ષને ધ્યાને રાખીને બનાવાયું
શુક્રવારે એક પ્રેસ કોન્ફરન્સમાં નાણાંમંત્રીએ કહ્યું કે, અમે ભારતીય યુવાઓ પર ફોકસ કરવા માગીએ છીએ. જે અમે બજેટમાં કર્યું પણ છે. અમારું બજેટ આગામી 20 વર્ષને ધ્યાને રાખીને બનાવાયું છે.
આ બાબતમાં જીએસટી કાઉન્સિલ વિચાર કરી શકે
શું પેટ્રોલ ડિઝલ જીએસટીમાં શામેલ કરવામાં આવશે? આ સવાલ પર નિર્મલા સિતારમને કહ્યું કે આ બાબતમાં જીએસટી કાઉન્સિલ વિચાર કરી શકે છે. તેમણે કહ્યું કે આ સમયે અર્થવ્યવસ્થાની હાલતની બાબતમાં એના કેટલાય પહેલુને જોવામાં આવી રહ્યા છે. તેમણે કહ્યું કે હું કેટલાય પક્ષો સાથે વાત કરી રહી છું. મોટેભાગે ઉદ્યોગપતિઓએ કહ્યું કે, હવે કારખાના તમામ ક્ષમતાઓ સાથે કામ કરી રહ્યા છે. અને હવે તે વિસ્તાર કરવા પર વિચાર કરી રહ્યા છે.
અર્થવ્યવસ્થામાં સુધારો થયાના સંકેતો મળી રહ્યા છે
નાણામંત્રીએ કહ્યું કે, હવે નોકરી ભર્તીઓમાં સુધારા થઈ ગયા છે. આઈઆઈટી અને આઈઆઈએમનું પણ કહેવું છે કે ભરતીમાં ઝડપ આવી છે. નોકરીઓ માટે બજારમાં સુધારો થઈ રહ્યો છે. તેમણે કહ્યું કે પ્રવાસી મજૂરો પાછા આવી રહ્યા છે. તેનાથી અર્થવ્યવસ્થામાં સુધારો થયાના સંકેતો મળી રહ્યા છે. બેંકમાં હવે હોમલોન દરમાં ઘટાડો કરી રહ્યા છે.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
