Last Updated on March 29, 2021 by
ઘણા લોકો પ્રકૃતિને ખૂબ ચાહે છે અને તેઓ કુદરતી સૌંદર્યથી ભરપૂર જગ્યાઓ પર ફરવા માંગે છે. ભારતમાં આવી ઘણી જગ્યાઓ છે. આમાંના કેટલાક સ્થળોની મુલાકાત લેવાથી મનને શાંતિ મળે છે. જો કે ઘણાં સ્થળો એટલા રહસ્યમય અને ભયાનક છે કે ત્યાં જતા પહેલા લોકો 100 વાર વિચારે છે. પરંતુ શું તમે હજી સુધી એવું કોઈ સ્થાન જોયું છે કે જ્યાં પક્ષીઓ આત્મહત્યા કરવા માટે જાય છે? આ સ્થાન પક્ષીઓની આત્મહત્યા માટે કુખ્યાત છે.
પક્ષીઓનો સુસાઇડ પોઇન્ટ
આસામના દિમા હાસો જિલ્લાની ખીણમાં આવેલી જટીંગા વેલી, તેની કુદરતી પરિસ્થિતિઓને કારણે એક વર્ષમાં લગભગ 9 મહિના માટે બંધ રાખવામાં આવે છે. પરંતુ સપ્ટેમ્બરમાં આ ગામ સમાચારોમાં છવાયું રહે છે. તમને જાણીને આશ્ચર્ય થશે કે પક્ષીઓ અહીં આપઘાત કરવા માટે આવે છે.
પક્ષીઓની લાશોનો ઢગલો
સપ્ટેમ્બર પછી આ ખીણમાં રાત્રિના કર્ફ્યુની સ્થિતિ થઇ જાય છે. અહીં ઓક્ટોબરથી નવેમ્બર સુધી કૃષ્ણપક્ષની રાત્રિએ વિચિત્ર પરિસ્થિતિ બને છે. અહીં સાંજના 7 થી 10 દરમિયાન પક્ષીઓ, કીટક-પતંગિયા બેભાન થઇને પડવા માંડે છે. અહીં પક્ષીઓની લાશોના ઢગલા થઇ જાય છે. આ નજારો હચમચાવી નાંખનારો હોય છે.
અહીં પક્ષીઓ શા કારણે ઉડી શકતા નથી
નોંધનીય છે કે જટિંગા ગામ આસામના બોરૈલ હિલ્સમાં સ્થિત છે. આ સ્થળે ઘણો વરસાદ પડે છે. ખૂબ ઉંચાઇએ અને પર્વતોથી ઘેરાયેલા હોવાને કારણે, વાદળ અને ઠંડા ઝાકળ છવાયેલા રહે છે. વૈજ્ઞાનિકો કહે છે કે ભારે વરસાદ દરમિયાન પક્ષીઓ સંપૂર્ણ ભીના થઈ ગયા હોય છે. આવી સ્થિતિમાં, જ્યારે તેઓ ઉડવાનો પ્રયાસ કરે છે, ત્યારે તેમની ઉડવાની ક્ષમતા ખતમ થઈ જાય છે.
કાંટાવાળા જંગલ પણ વિલનની ભૂમિકા ભજવે છે
આ ખીણમાં, વાંસના ખૂબ ગાઢ અને કાંટાળા જંગલો છે, જેના કારણે પક્ષીઓ ઠંડી ઝાકળ અને અંધારી રાત દરમિયાન તેમની સાથે ટકરાતા હોય છે અને અકસ્માતનો ભોગ બની જાય છે. મોટાભાગના અકસ્માતો મોડી સાંજે થાય છે કારણ કે તે સમયે પક્ષીઓ તેમના માળા તરફ પરત જઇ રહ્યાં હોય છે. તે જ સમયે, ઘણા વૈજ્ઞાનિકો અનુસાર, આ પક્ષીઓ સુસાઇડ કરતા નથી, તેઓ મોટાભાગે ટોળામાં હોય છે, જેના કારણે તેઓ વારાફરતી અકસ્માતનો શિકાર બને છે.
રાત્રે પ્રવેશ નહીં
ચાલો તમને જણાવી દઇએ કે અહીં આપઘાત કરનારાઓમાં સ્થાનિક અને સ્થળાંતર કરનાર પક્ષીઓની ઘણી જાતો શામેલ છે. એટલું જ નહીં, આ ખીણમાં રાત્રે પ્રવેશ પર પણ પ્રતિબંધ છે.
Read Also
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
