Last Updated on March 10, 2021 by
યુએનની હેલ્થ એજન્સી અને તેના પાર્ટનર્સને એક નવા અભ્યાસમાં જાણવા મળ્યું છે કે સમગ્ર વિશ્વમાં દર 3માંથી 1 મહિલા પોતાના જીવનમાં શારિરીક અથવા તો જાતીય હિંસાનો ભોગ બની છે. વર્લ્ડ હેલ્થ ઓર્ગેનાઇઝેશન તરફથી મંગળવારે બહાર પાડવામાં આવેલા રિપોર્ટમાં, મહિલાઓ વિરુદ્ધ થતી હિંસાના એજન્સીએ કરેલા વ્યાપક અભ્યાસમાં જાણવા મળ્યું કે આવી હિંસા વહેલી શરૂ થાય છે. તેમાં જણાવવામાં આવ્યું છે કે રિલેશનમાં રહેતી ચોથા ભાગની યુવતીઓ જ્યારે 20 વર્ષની વયે પહોંચે ત્યાં સુધીમાં તેણે તેના પાર્ટનર દ્વારા હિંસા અનુભવી હતી.
WHOના આ રિપોર્ટમાં કોરોના મહામારીના આંકડા સામેલ નથી
?data shows that violence against women remains devastatingly pervasive & starts alarmingly young. Across their lifetime, 1⃣ in 3⃣ ??? are subjected to physical or sexual violence by an intimate partner or sexual violence from a non-partner.
— World Health Organization (WHO) (@WHO) March 9, 2021
? https://t.co/mvLkJyslpB pic.twitter.com/9XCmqC6Xi5
2010 થી 2018 ના સમયગાળા દરમિયાનના આંકડા, કોવિડ -19 મહામારીની અસરને આવરી લેતા નથી. અભ્યાસમાં મહિલાઓ પરના ઘરેલું હિંસામાં વધારો જોવા મળ્યો છે કારણ કે ઘણી જગ્યાએ સરકારોએ લોકડાઉન અને અન્ય પ્રતિબંધોનો આદેશ આપ્યો હતો જેના કારણે ઘણા લોકો ઘરની અંદર જ રહેવા મજબૂર બન્યા હતા.
કોરોના મહામારી દરમિયાન મહિલાઓ પર હિંસા વધી
WHOના ડિરેક્ટર જનરલ ટેડ્રોસ અધાનોમ ઘેબ્રેએયિયસે કહ્યું કે, “મહિલાઓ સામે હિંસા દરેક દેશ અને સંસ્કૃતિમાં સદાયથી ચાલતી આવી છે, જે લાખો મહિલાઓ અને તેમના પરિવારોને નુકસાન પહોંચાડે છે, અને તેમાં કોવિડ -19 મહામારી દરમિયાન વધારો થયો છે,” WHOનાં ડિરેક્ટર જનરલ ટેડ્રોસ અધાનોમ ઘેબ્રેએયિયસે સરકારો, વ્યક્તિઓ અને સમુદાયોને સમસ્યાનું સમાધાન લાવવા માટે વિનંતી કરી.
2013 થી ડબ્લ્યુએચઓ દ્વારા આ પ્રકારનો પહેલો અભ્યાસ હાથ ધરવામાં આવ્યો છે, જેમાં મહિલાના ઇન્ટીમેટ પાર્ટનર અને નૉન પાર્ટનર દ્વારા બંને પ્રકારની હિંસા આચરવામાં આવી હોવાનું સામે આવ્યું છે. આ ઉપરાંત 736 મિલિયમ મહિલાઓ અને 15 મિલિયનથી વધુ યુવતીઓએ આ પ્રકારની હિંસાનો ઓછામાં ઓછી એક વાર સામનો કર્યો છે.
ત્રણમાંથી એક મહિલા બની છે હિંસાના આ સ્વરૂપોનો શિકાર
“વૈશ્વિક સ્તરે, જ્યારે આપણે ઇન્ટીમેટ પાર્ટનર અને નૉન પાર્ટનર દ્વારા જાતીય હિંસાના સંયુક્ત પ્રભાવને જોઇએ ત્યારે હિંસાના આવા સ્વરૂપોમાંથી ઓછામાં ઓછી એકનો અનુભવ કરનારી ત્રણ મહિલાઓમાંની એક છે,” તેમ WHO ના જાતીય અને પ્રજનન સ્વાસ્થ્ય અને સંશોધન યુનિટના ડો. ક્લાઉડિયા ગાર્સિયા-મોરેનોએ જણાવ્યું હતું.
એજન્સીનું કહેવું છે કે ઇન્ટીમેટ પાર્ટનર દ્વારા થતી હિંસા એ વિશ્વભરમાં મહિલાઓ પર થતી હિંસાનું સૌથી પ્રચલિત સ્વરૂપ છે, જે લગભગ 641 મિલિયન લોકોને અસર કરે છે. પરંતુ ભાગ લેનારી 6 ટકા મહિલાઓએ તેમના જીવનસાથી સિવાય અન્ય કોઈ દ્વારા જાતીય શોષણ થયાની જાણ કરી હતી. અને યૌન શોષણના કલંક અને જરૂરિયાત પૂરતા રિપોર્ટિંગના અભાવના કારણે સાચા આંકડાઓ સામે આવી શકતાં નથી.
રિસર્ચમાં જોવા મળ્યું છે કે આવી હિંસા ઓછી અને મધ્યમ-આવક ધરાવતા દેશોમાં મહિલાઓને અપ્રમાણસર અસર કરે છે, કેટલાક દેશોમાં લગભગ અડધો અડધ મહિલાઓનો વ્યાપ દર્શાવે છે.
Read Also
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
