Last Updated on March 9, 2021 by
રાજ્યમાં એક વાર ફરીથી કોરોનાએ માથું ઉચક્યું છે ત્યારે દિવસે ને દિવસે કોરોનાના કેસોમાં વધારો થઇ રહ્યો છે. સુરત શહેરમાં ચૂંટણીઓ પૂર્ણ થતા ફરી કોરોના વાઈરસે ફરી ઉથલો માર્યો છે. સુરત સહિત જિલ્લામાં દરરોજ 100 કેસ પોઝિટિવ મળી આવતા તંત્ર પણ દોડતું થઇ ગયું છે. મહિલાઓમાં પણ કોરોનાના ચેપમાં વધારો જોવા મળ્યો છે. 100માંથી 40 મહિલાઓને કોરોના ચેપ લાગ્યો હોવાનું સામે આવ્યું છે. મહિલાઓમાં કોરોનાનું પ્રમાણ 30 ટકાથી વધીને 40 ટકા વધ્યું છે. એવામાં તાજેતરમાં જ સુરત મ્યુનિસિપલ કમિશ્નરે ટ્વિટ કરીને માહિતી આપી છે કે, ‘સુરતમાં જુદાં-જુદાં સ્ટ્રેન જોવા મળ્યો હોય એવાં વધુ ત્રણ દર્દીઓ સામે આવ્યાં છે. એવામાં (2 UK strain B 1.1.7/1 South Africa B 1.1.351) હું તમામને અપીલ કરું છું કે, ‘કોઇ પણ જાતની નિષ્ક્રિયતા વગર માસ્કનો ઉપયોગ કરો અને ભીડભાડવાળી જગ્યાએ જવાનું ટાળો અને સાવચેતી રાખો.’ સુરત શહેરમાં છેલ્લા એક સપ્તાહથી કોરોનાના કેસ વધી રહ્યા છે. ત્યારે પાલિકા પણ હરકતમાં આવ્યું છે. ખાસ કરીને અઠવા, રાંદેર, અડાજણ, વેસુ, પીપલોદ સહિતના વિસ્તારોમાં પાલિકાએ સંક્રમિત વિસ્તારોના બોર્ડ લગાવી દીધા છે. આ વિસ્તારોમાં લોકોને નહીં જવા માટે પણ ચેતવણી આપવામાં આવી રહી છે.
In Surat City, we have found three more patients with variant strain(2 UK strain B 1.1.7/1 South Africa B 1.1.351) I appeal all to use mask without fail and adopt all precautions including avoiding crowded places.
— Commissioner SMC (@CommissionerSMC) March 9, 2021
શહેરમાં ફરીથી ટેસ્ટિંગ અને કન્ટેન્ટમેન્ટ ઝોનની સંખ્યા વધારવાની તંત્રની તૈયારી
અત્રે નોંધનીય છે કે, એવું પણ કહેવામાં આવ્યું છે કે, ‘શહેરમાં શાળા-કોલેજોને ત્રણ વાર નોટિસ ફટકારવા છતાં કેસ વધતા જોવા મળશે તો તેને બંધ કરાવવામાં આવશે. આ ઉપરાંત ચૂંટણી પૂર્ણ થતા પ્લોટમાં એકઠાં થવા માટે હવે મંજૂરી નહીં મળે. કોરોનાના કેસો વધતા શહેરમાં ફરીથી ટેસ્ટિંગ અને કન્ટેન્ટમેન્ટ ઝોનની સંખ્યામાં વધારવાની તંત્રએ તૈયારી કરી દીધી છે. તો વળી ત્રણથી વધુ કોરોના કેસ સામે આવશે તો ટેક્સટાઈલ્સ માર્કેટ પણ તંત્ર બંધ કરશે. શહેરમાં નવા નોંધાયેલા કેસમાં વિદ્યાર્થી, ટેક્ષટાઈલ વેપારી, ડાન્સ ટીચર સહિત કોરોનાક સંક્રમીત થયા છે. જેમાં સાઉથ વેસ્ટ ઝોનમાં સેવન્થ ડે સ્કુલનો વિદ્યાર્થી, ટેક્ષટાઈલ વેપારી, સોફ્ટવેર એન્જિનિયર, ટેક્ષટાઈલ વેપારી, વેસ્ટ ઝોનમાં આઈટીઆઈનો વિદ્યાર્થી, રત્નકલાકાર, રિલાયન્સનો કર્મચારી, એલ એન્ડ ટી કંપનીનો કર્મચારી, વિદ્યાર્થી, પ્લાસ્ટીક સર્જન, ઈસ્ટ ઝોનમાં સોફ્ટવેર ડેવલપર, આરએમજી મહેશ્વરી સ્કુલનો વિદ્યાર્થી, સેન્ટ્રલ ઝોનમાં વેપારી, નોર્થ ઝોનમાં રીક્ષા ડ્રાઈવર અને ટેક્ષટાઈલ વેપારીનો કોરોનાનો રિપોર્ટ પોઝિટિવ આવ્યો છે.
I appeal all to wear properly fitted masks as the cases are rising amidst the new virus strains.
— Commissioner SMC (@CommissionerSMC) March 7, 2021
સુરત શહેર અને જિલ્લામાં પ્રતિ દિવસ 100 જેટલા કોરોના કેસો નોંધાઈ રહ્યાં છે
તમને જણાવી દઇએ કે, સુરત શહેર અને જિલ્લામાં પ્રતિ દિવસ 100 જેટલા કોરોના કેસો નોંધાઈ રહ્યાં છે. જેને પગલે પાલિકાએ વેપારીઓ સાથે મહત્વની બેઠક કરી હતી. જ્યાં માર્કેટ વિસ્તારમાં કોરોનાનું સંક્રમણ ન ફેલાય તે માટેની સૂચના પણ આપવામાં આવી હતી. કોરોના પોઝિટિવ કેસોને લઈને પાલિકાએ 513 કન્ટેનમેન્ટ ઝોન જાહેર કર્યાં છે. જ્યારે 10 હજાર 422 ઘરને માઈક્રો કન્ટેનમેન્ટ ઝોન વિસ્તાર જાહેર કરાયા છે. શહેરની શાળાઓમાં પ્રતિ દિવસ 3થી 4 કેસો કોરોના પોઝિટિવ નોંધાઈ રહ્યાં છે. બહારગામથી આવતા લોકોમાં પ્રતિ દિવસ 4 જેટલાં લોકો કોરોના પોઝિટિવ આવી રહ્યાં છે. એવામાં જો સુરત શહેરમાં શાળા-કોલેજો અને કોંચિંગ કલાસીસમાં પણ કોરોનાના કેસો નોંધાશે તો શાળા કોલેજોને બંધ કરવાની ચીમકી પણ પાલિકાએ આપી છે. કોરોના કેસ વધતા કોલેજ- શાળામાં ટેસ્ટિંગ વધારી દેવામાં આવ્યું છે. છેલ્લા 15 દિવસમાં 2000-2500 ટેસ્ટિંગ કરવામાં આવ્યા છે. જેમાં દર રોજ 3-4 બાળકોને કોરોના થતા અન્ય સ્કૂલોમાં ટેસ્ટિંગ વધારવામાં આવ્યું છે.
સિટીમાં નવા કેસ પૈકી સૌથી વધુ અઠવામાં 49,રાંદેરમાં 23 અને કતારગામ અને વરાછા એમાં 10-10 કેસ છે. સીટીમાં સોસીયો સર્કલના પ્રાઇવેટ ડોકટર, યુ.એસ.એ.માં ભણતા વિદ્યાર્થી સહિત 7 વિદ્યાથી, કન્ટ્રકશન-હીરા-ટેક્સટાઇલ-રીયલ એસ્ટેટ વ્યવસાયી સહિત 11 વ્યવયાસી, પાંડેસરામાં ટેક્સટાઇલ ડ્રેડીંગ, પ્રાઇવેટ ટયુશન શિક્ષક, હજીરાની કંપનીના જનરલ મેનેજર કોરોનાની ઝપેટમાં આવ્યા છે.પાલિકાના મધ્યસ્થ વિકાસ વિભાગના ત્રણ ઇજનેરોને કોવિશિલ્ડ રસી લીધા બાદ કોરોના થયો છે. જેમાંથી બે ઇજનેરોએ રસીના બે ડોઝ લીધા પછીના પાંચ દિવસમાં જ કોરોનાનો ચેપ લાગ્યો છે. જ્યારે એક ઇજનેરે પહેલો ડોઝ લીધો હતો. જેને પગલે આગામી એક સપ્તાહ સુધી શહેરી વિકાસ વિભાગ મુલાકાતીઓ માટે બંધ કરી દેવાયો છે.
READ ALSO :
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
