Last Updated on April 4, 2021 by
બોલિવૂડ પર કોરોના વાયરસનો કહેર વર્તાઈ રહ્યો છે. આજ સવારે જ્યાં સુપરસ્ટાર અક્ષય કુમારનો રિપોર્ટ પોઝિટીવ આવ્યો હતો, ત્યાં હવે સોશિયલ મીડિયા પર એક્ટર ગોવિંદાને લઈને ખબર વહેંતી થઈ છે. ત્યારે આ બાબતને લઈને ગોવિંદાએ જણાવ્યુ હતું કે, કોરોના વાયરસનો રિપોર્ટ કરાવતા પોઝિટીવ આવ્યો છે, હાલમાં તે પોતાના ઘરમાં જ કોરન્ટાઈન છે. રવિવારે સવારે કોરોના પોઝિટીવ થયાં બાદ ગોવિંદાએ કહ્યુ હતું કે, રવિવારે સવારે મારો રિપોર્ટ પોઝિટીવ આવ્યો છે અને હું તમામ લોકોને અનુરોધ કરવા માગુ છુ કે, મારા સંપર્કમાં આવેલા તમામ લોકો રિપોર્ટ કરાવી લે.
Actor #Govinda (@govindaahuja21) has tested positive for #coronavirus and is currently under home quarantine. The actor said he is under able medical guidance.
— IANS Tweets (@ians_india) April 4, 2021
He tested positive on Sunday morning and urged everyone who came in contact with him recently to get themselves tested. pic.twitter.com/z8yREX07HL
સ્વાસ્થ્યની આપી જાણકારી
ગોવિંદાએ પોતાના સ્વાસ્થ્ય અંગેની જાણકારી આપતા જણાવ્યું કે, ‘મે મારી તપાસ કરાવી લીધી છે અને વાયરસને દૂર રાખવા માટે તમામ સાવધાનીઓ હું રાખી રહ્યો છું. આજે સવારના થોડાંક સામાન્ય લક્ષણોની સાથે હું કોરોના પોઝિટિવ આવ્યો છું, ઘરમાં બાકી તમામ નેગેટિવ આવ્યાં છે. સુનીતા (પત્ની) પણ થોડાંક સપ્તાહ પહેલાં કોરોનામાંથી સાજી થઇ છે.’
ગોવિંદાએ આગળ જણાવ્યુ છે કે, હું હાલ ઘર પર કોરન્ટાઈન છુ અને તમામ દિશા-નિર્દેશોનું પાલન કરી રહ્યો છું. હું દરેકને સાવધાની રાખવા માટે અનુરોધ કરુ છુ. મહેરબાની કરીને ધ્યાન રાખશો.
મનોરંજન જગતમાં કોરોના
સમગ્ર દેશમાં જીવલેણ કોરોના વાયરસનો કહેર વધ્યો છે. છેલ્લા ૧૨-૧૫ મહિનાથી દેશમાં કોરોનાએ એવો હાહાકાર મચાવ્યો છે કે અત્યાર સુધી આ રોગચાળાની અસર ફક્ત મધ્યમ અને નીચલા વર્ગમાં જ જોવા મળી હતી. પરંતુ હવે મનરોંજન ઇન્ડસ્ટ્રીના મૂળિયા પણ હલી ગયા છે. બોલિવૂડનો હાલનો સૌથી બિઝી સ્ટાર અક્ષય કુમારને કોરોના થયો છે. ખેલાડી કુમાર અક્ષયની તબિયત હાલમાં સ્થિર છે અને તે પોતાના ઘરમાં જ હોમ કોરન્ટાઈન થયો છે. અક્ષય કુમારે પોતાના નજીક અને સંપર્કમાં આવેલા લોકોને ટેસ્ટ કરાવા માટે જણાવ્યુ છે.
બોલિવૂડના સૌથી વ્યસ્ત સ્ટાર કોરોના પોઝિટીવ
બોલિવુડ અભિનેતા અક્ષય કુમાર ઈન્ડસ્ટ્રીઝનો સૌથી વ્યસ્ત કલાકારમાંનો એક છે. વર્ષ 2020માં લાગેલા લોકડાઉન હટ્યા પછી અક્ષય સતત શૂટીંગ કરી રહ્યા છે. જોકે હાલ તેઓ વાયરસની ઝપેટમાં આવ્યા છે. ઈન્સ્ટાગ્રામ પર પોસ્ટ કરીને જણાવ્યું કે તેઓ હોમ ક્વોરન્ટાઈન છે. અને મેડીકેશન પર ધ્યાન આપી રહ્યા છે. તેમણે લખ્યું છેકે હું તમામ લોકોને જણાવવા માંગું છું કે આજે સવારે મારો ટેસ્ટ પોઝિટીવ આવ્યો છે. તમામ પ્રોટોકોલને ધ્યાનમાં રાખીને આઈસોલેશનમાં છું. બીજીતરફ મારા સંપર્કમાં આવનાર તમામ લોકો પોતાનો ટેસ્ટ કરાવે તેવી વિનંતી છે.
આલિયા ભટ્ટ ઉપરાંત રણબીર પર કોરોના પોઝિટીવ
આલિયા ભટ્ટ કોરોના વાયરસનો શિકાર થઇ છે. ગઈકાલે જ આલિયા ભટ્ટ બોયફ્રેન્ડ રણબીર સાથે જોવા મળી હતી. બંને કલાકારો બ્રહ્માસ્ત્ર ફિલ્મના ડબિંગ સેશન માટે મોવા મળ્યા હતા. જણાવી દઈએ કે રણબીર કપૂર પણ કોરોના પોઝિટિવ આવી ચુક્યો છે. તાજેતરમાં જ તે કોરોના નેગેટિવ થયા હતા અને ફરી કામ શરૂ કર્યું હતું.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
