Last Updated on March 24, 2021 by
ગુજરાત કોંગ્રેસમાં નેતૃત્વ પરિવર્તનને લઈને મોટા સમાચાર સામે આવ્યા છે. ગઈકાલે રાત્રે ગુજરાત વિધાનસભામાં વિપક્ષના નેતા પરેશ ધાનાણીના ઘરે ગુજરાત કોંગ્રેસના નેતાઓની ખાનગી બેઠક મળી હતી. આ બેઠકમાં ગુજરાત કોંગ્રેસના તમામ મોટા નેતાઓ અમિત ચાવડા, અર્જુન મોઢવાડીયા, ભરતસિંહ સોલંકી, સિદ્ધાર્થ પટેલ અને હાર્દિક પટેલ પણ હાજર રહ્યા હતા.
સ્થાનિક સ્વરાજની ચૂંટણીમાં કારમી હાર બાદ ગુજરાત કોંગ્રેસની આ પહેલી બેઠક મળી હતી જે ગુજરાતમાં કોંગ્રેસના નેતૃત્વ માટે અને ગુજરાતના રાજકારણ માટે અત્યંત મહત્વની માનવામાં આવે છે.
અંગત સૂત્રો પાસેથી મળતી માહિતી મુજબ, વિપક્ષના નેતા પરેશ ધાનાણીના બંગલે બંધ બારણે મળેલી આ બેઠકમાં ગુજરાત પ્રદેશ કોંગ્રેસ સમિતિના નવા નેતાના નામને લઈને ચર્ચા કરવામાં આવી હતી. તો સાથે જ જાણવા મળે છે કે કોંગી નેતાઓએ કેન્દ્રીય મોવડી મંડળ ખાસ કરીને કોંગ્રેસના પૂર્વાધ્યક્ષ રાહુલ ગાંધી પાસે વધુ સમય માંગ્યો છે.
વધુમાં, સૂત્રોએ જણાવ્યું છે કે રાહુલ ગાંધી સાથે ગુજરાતના કોંગ્રેસના નેતાઓ મુલાકાત કરશે અને તેમની સાથે ચર્ચા કર્યા બાદ ગુજરાતના કોંગ્રેસના નવા નેતાનું નામ જાહેર કરવામાં આવશે. રાહુલ ગાંધી સાથે ચર્ચા કરીને ગુજરાત કોંગ્રેસનું નેતૃત્વ પરિવર્તન કરવામાં આવશે.
મળતી માહિતી મુજબ, કોંગ્રસની આ બેઠકમાં પાર્ટીમાં ચાલતા જૂથવાદ પર પણ ચર્ચા કરવામાં આવી હતી. સ્થાનિક સ્વરાજની ચૂંટણીમાં મળેલ કારમી હાર બાદ કોંગ્રેસના વળતા પાણીથી કોંગી નેતાઓ સુધારા પર છે અને તેઓમાં જૂથવાદ ભૂલી એક સાથે આગામી ચૂંટણી લાડવાના સૂર ઉઠ્યા છે. વર્ષ 2022ની ચૂંટણી પહેલા ઓછો સમય સમય રહ્યો હોવાના કારણે તમામે એક થઇ લડવાની બેઠકમાં કરવામાં આવી છે.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.
MUST READ:
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
