જનાદેશ સર્વાધાર/ ચારે દિશામાં ભાજપનો ભગવો લહેરાયો, આપે આંચકો આપ્યો, કોંગ્રેસને કકળાટ નડી ગયો

Last Updated on March 2, 2021 by

રાજ્યમાં સ્થાનિક સ્વરાજની ચૂંટણીમાં શહેરી વિસ્તારોમાં ભાજપનો ભગવો લહેરાયા બાદ આજે ગ્રામિણ વિસ્તારોમાં પણ ભાજપે પોતાનો ભગવો લહેરાવ્યો છે. વર્ષ 2015માં પાટીદાર આંદોલનના વેવમાં કોંગ્રેસ તરફ વળેલા લોકો પણ ફરી પાછા ભાજપ સાથે જોડાઈ જતાં વર્ષ 2010ની જે પરિસ્થિતિ હતી તેવી રીતે ભાજપ મજબૂત ઊભરી આવ્યું છે. મહાનગરપાલિકા બાદ જિલ્લા પંચાયતોમાંથી પણ કોંગ્રેસના સૂપડાં સાફ થઈ ગયા છે. મહાનગરપાલિકા બાદ નગરપાલિકાઓમાં પણ ભાજપે સપાટો બોલાવ્યો છે. તાલુકા પંચાયતોમાં પણ ભાજપનું વર્ચસ્વ વધી ગયું છે. 1,700થી વધારે બેઠકો પર ભાજપ જીત તરફ આગળ વધી રહ્યું છે.

2015નું નુકસાન ભાજપે વ્યાસ સાથે પૂરું કર્યું

ભાજપ પ્રદેશ અધ્યક્ષ સીઆર પાટીલે કહ્યું કે 2015નું નુકસાન ભાજપે વ્યાસ સાથે પૂરું કર્યું છે. તમામ જિલ્લા પંચાયતોમાં ભાજપ લીડ કરી રહ્યું છે. તેમાં ભવ્ય વિજય મળશે. ભૂતકાળમાં ન મળી હોય તેટલી બેઠકો સાથે ભાજપ ભવ્ય વિજય મેળવશે એવું મુખ્યમંત્રી વિજયભાઈ રૂપાણીએ જણાવ્યું હતું.

દક્ષિણમાં પણ ભાજપનો વેવ/વલસાડમાં 31માંથી 29માં ભાજપે ભગવો લહેરાવ્યો, સુરતમાં 71માં છે ભાજપ આગળ

તાલુકા પંચાયત ઉપર ભાજપનો દબદબો યથાવત રહ્યો છે. ભાજપે અત્યાર સુધી 117 બિન હરિફ બેઠકો ઉપરાંત 1091 બેઠકો પર ભાજપે દબદબો જાળવ્યો છે. તો કોંગ્રેસ પણ 500 સીટની નજીક પહોંચી છે. વલસાડમાં 31 બેઠકોની મત ગણતરી ચાલુ છે જેમાં 29 બેઠકો પર ભાજપનો દબદબો છે તો ફક્ત બે બેઠકો પર જ કોંગ્રેસ આગળ ચાલી રહી છે. સુરતની તાલુકા પંચાયતોમાં 81 બેઠકોની મત ગણતરીમાં 71માં ભાજપ આગળ છે સુરતની તાલુકા પંચાયતોમાં જે પરિણામ આવ્યા છે તેમાં ભાજપનો દબદબો યથાવત રહ્યા છે.

મતક્ષેત્ર	કુલ બેઠક	ચુંટાયેલ બેઠક	બિન હરિફ	ભાજપ	બિન હરિફ	કોંગ્રસ	બિન હરિફ	અપક્ષ	બિન હરિફ	અન્ય
Bardoli	22	16	1	16	1
Olpad	24	19	5	18	5			1
Kamrej	20	0	0
Mangrol	24	4	0	4
Palsana	18	18	0	16		1		1
Mahuva	20	10	0	7		3
Chorasi	16	14	2	10	2	4
Mandvi	24	0	0
Umarpada	16	0	0

દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.

READ ALSO

• Dev post create for auto notification 35
• Dev post create for auto notification 34
• Dev post create for auto notification 33
• Dev post create for auto notification 32
• Dev post create for auto notification 31