Last Updated on March 2, 2021 by
ગુજરાતમાં આજે સ્થાનિક સ્વરાજની ચૂંટણીમાં નગરપાલિકા, જિલ્લા પંચાયત અને તાલુકા પંચાયતની ચૂંટણીના પરિણામો આવ્યા છે. ત્યારે આ ચૂંટણીમાં ભારતીય જનતા પાર્ટીની ભવ્ય જીત બાદ કમલમમાં પણ ખુશીનો માહોલ છે. રાજ્યના મુખ્ય પ્રધાન વિજયભાઈ રૂપાણીએ પણ જનતાનો આભાર માન્યો હતો.
ત્યારે હવે આ ચૂંટણીને લઈને દેશના વડાપ્રધાન નરેન્દ્ર મોદીએ અને કેન્દ્રીય ગૃહ પ્રધાન અમિત શાહે આ પરિણામને લઈને ઉપરા ઉપરી બે ટ્વિટ કર્યા છે. વડાપ્રધાન મોદીએ આ ચૂંટણીમાં ભારતીય જનતા પાર્ટીને શાનદાર જીત અપાવવા બદલ ગુજરાતની જનતાનો આભાર માન્યો હતો.
શહેરી અને ગ્રામીણ ગુજરાતે સર્વાનુમતે સંદેશ આપ્યો છે. હું ગુજરાત સરકારના લોકાભિમુખ વહીવટની પ્રશંસા કરું છું અને ગુજરાત ભાજપના કાર્યકર્તાઓના ભગીરથ પ્રયત્નોની પ્રશંસા કરું છું. અમારી પાર્ટી ગુજરાતના વિકાસ અને પ્રત્યેક ગુજરાતીઓના સશક્તિકરણ માટે હંમેશાં કાર્યરત રહેશે.
— Narendra Modi (@narendramodi) March 2, 2021
ગુજરાતભરની નગરપાલિકા, તાલુકા પંચાયત અને જિલ્લા પંચાયતની ચૂંટણીના પરિણામોએ સ્પષ્ટ સંદેશો આપ્યો છે- ગુજરાતની જનતા ભાજપના વિકાસ અને સુશાસનના એજન્ડાનું દ્રઢતાપૂર્વક સમર્થન કરે છે. ભાજપ પ્રત્યેની અવિરત શ્રદ્ધા અને સ્નેહ માટે હું ગુજરાતની જનતાને નમન કરું છું.
— Narendra Modi (@narendramodi) March 2, 2021
જ્યારે અમિત શાહે ટ્વિટ કરતા જણાવ્યું હતુ કે, ગામડાની જનતા અને ખેડૂતોએ ભારતીય જનતા પાર્ટીની નીતિઓ પર વિશ્વાસ મુક્યો છે અને ભાજપને જીત અપાવવા બદલ આભાર માન્યો હતો.
ગુજરાત સ્થાનિક સ્વરાજ્ય ચૂંટણીમાં ગ્રામ્ય વિસ્તારના લોકો અને ખેડુતોએ ભાજપાને વિજયી બનાવીને સરકારની કલ્યાણકરી નીતિઓ પર વિશ્વાસની મહોર લગાવી છે. હું જનતાને નમન કરું છું.
— Amit Shah (@AmitShah) March 2, 2021
આ ભવ્ય વિજય બદલ મુખ્યમંત્રી @vijayrupanibjp જી, @Nitinbhai_Patel જી, @CRPaatil જી અને કાર્યકર્તાઓને અભિનંદન.
આ વિજય ગરીબ, ખેડુતો અને ગામડાના વિકાસ અને કલ્યાણ માટે સમર્પિત વડાપ્રધાન શ્રી @narendramodi જીના નેતૃત્વમાં કાર્યરત ભાજપા સરકારોમાં જનતાના અતૂટ વિશ્વાસની જીત છે.
— Amit Shah (@AmitShah) March 2, 2021
મોદીજીના નેતૃત્વ હેઠળની ભાજપા સરકારો દેશના ગરીબ, ખેડુતો અને વંચિત સમાજના કલ્યાણ અને વિકાસ માટે સતત કટિબદ્ધ છે.
રાજ્યમાં ગ્રામિણ વિસ્તારની ચૂંટણીના પરિણામો બહાર આવી રહ્યા છે. આજે 8474 બેઠકોમાંથી 7111 બેઠકોના પરિણામ આવી ગયા છે. જેમાં 5281 સીટો પર ભાજપનો ભગવો લહેરાયો છે. તો 1503 બેઠકો પર કોંગ્રેસે ખાતું ખોલાવ્યું છે. સ્થાનિક સ્વરાજના સંગ્રામમાં કોંગ્રસનો મોટો રકાસ થયો છે. વર્ષ 2015માં 22 જિલ્લાપંચાયતો કબજે કરનારી કોંગ્રેસ પાસે સમખાવા પૂરતી એક જિલ્લા પંચાયત હાથમાં આવી નથી. મહાનગર પાલિકાની 6 બેઠકો બાદ જિલ્લા પંચાયતમાં પણ ભાજપે કોંગ્રેસને ધૂળ ચટાડી છે.
રાજ્યમાં ગ્રામિણ વિસ્તારની ચૂંટણીના પરિણામો બહાર આવી રહ્યા છે. આજે 8474 બેઠકોમાંથી 7111 બેઠકોના પરિણામ આવી ગયા છે. જેમાં 5281 સીટો પર ભાજપનો ભગવો લહેરાયો છે. તો 1503 બેઠકો પર કોંગ્રેસે ખાતું ખોલાવ્યું છે. સ્થાનિક સ્વરાજના સંગ્રામમાં કોંગ્રસનો મોટો રકાસ થયો છે. વર્ષ 2015માં 22 જિલ્લાપંચાયતો કબજે કરનારી કોંગ્રેસ પાસે સમખાવા પૂરતી એક જિલ્લા પંચાયત હાથમાં આવી નથી. મહાનગર પાલિકાની 6 બેઠકો બાદ જિલ્લા પંચાયતમાં પણ ભાજપે કોંગ્રેસને ધૂળ ચટાડી છે.
નગરપાલિકામાં પણ ભાજપનો દબદબો યથાવત
નગરપાલિકાની વાત કરવામાં આવે તો 2720 બેઠકોમાંથી 2486 બેઠકો પર ના પરિણામો જાહેર થયા છે. જેમાં 1924 બેઠકો પર ભાજપનો ભગવો ફેલાયો છે. તો 366 બેઠકોમાં કોંગ્રેસને જીતનો સ્વાદ ચાખવા મળ્યો છે.
તાલુકા પંચાયતમાં કોંગ્રેસે આપી ટક્કર
તાલુકા પંચાયતની 4774 બેઠકોમાંથી 3846 બેઠકોના પરિણામો જાહેર થયા છે. તાલુકા પંચાયતમાં કોંગ્રેસે બીજેપી સામે થોડી ટક્કર ઝીલવાના પ્રયાસો કર્યા છે. તાલુકા પંચાયતની 3846 બેઠકોના પરિણામો જાહેર થયા જેમાં 2728 બેઠકો ભાજપે પોતાના હસ્તક કરી લીધી છે તો કોંગ્રેસ 993 બેઠકો સાથે પ્રગતિ કરી છે.
પીએમ મોદીના હોમટાઉન મહેસાણામાં આપની એન્ટ્રી
ગુજરાત સ્થાનિક સ્વરાજ્યની ચૂંટણીમાં આ વખતે ત્રીજી પાર્ટી તરીકે આમ આદમી પાર્ટીએ ઝંપલાવ્યું હતું. પ્રથમ વખત ચૂંટણી લડી રહેલી આપ પાર્ટીએ પીએમ મોદીના ગૃહ નગરમાં એન્ટ્રી કરી લીધી છે. મહેસાણા જિલ્લાના વડનગર તાલુકા પંચાયતની બોલિપુરા સીટ પર આપના ઉમેદવાર નાગરભાઈ મોમીન જિત્યા છે.
ગ્રામિણ વિસ્તારોમાં પણ આપે ખાતું ખોલ્યું
સુરત મહાનગર પાલિકામાં આમ આદમી પાર્ટીએ 27 બેઠકો હાંસલ કર્યા પછી ગ્રામિણમાં પણ ચૂંટણીમાં ઝંપલાવ્યું હતું. આમ આદમી પાર્ટીએ સીઆર પાટીલ અને પરેશ ધાનાણીના ગઢમાં ગાબડું પાડ્યા બાદ પીએમમોદીના વતન વડનગરમાં પણ ખાતું ખોલાવ્યું છે. આમ આદમી પાર્ટીએ તમામ મળીને અત્યાર સુધીની મહાનગરપાલિકાથી લઈને નગરપાલિકા સુધી તમામ મળીને 50 જેટલી સીટો પર ઉમેદવારો વિજેતા બન્યા છે.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
