Last Updated on March 6, 2021 by
સરથાણા વિસ્તારમાં રહેતા રત્નકલાકારની પત્ની અઢી વર્ષ અગાઉ ઘરે એકલી હતી ત્યારે ઘરમાં ઘુસી તેની સાથે દુષ્કર્મ કરનાર પાડોશી યુવાને તેનો વિડીયો બનાવી વાયરલ કરવાની ધમકી આપી અવારનવાર શરીર સંબંધ બાંધવા દબાણ કર્યું હતું. જોકે, પરિણીતા તેને તાબે થઈ નહોતી અને પતિને અહીં રહેતા ફાવતું નથી તેમ કહી સ્થળે રહેવા ચાલ્યા ગયા હતા. પરંતુ ત્યાર બાદ પણ પાડોશી યુવાન ફોન કરી માંગણી કરતો હોય પરિણીતાએ છેવટે પતિને જાણ કર્યા બાદ પાડોશી યુવાન વિરુદ્ધ સરથાણા પોલીસ મથકમાં ફરિયાદ નોંધાવી હતી.
અજય ઘરે આવ્યો હતો અને દરવાજો અંદરથી બંધ કરી દુષ્કર્મ આચર્યું હતું
પોલીસ સૂત્રો દ્વારા પ્રાપ્ત થતી વિગતો મુજબ મૂળ સૌરાષ્ટ્રના વતની સુરતના સરથાણા વિસ્તારમાં 33 વર્ષીય પત્ની સ્મિતા ( નામ બદલ્યું છે ) અને એક પુત્રી-એક પુત્ર સાથે રહેતા યુવાન રત્નકલાકાર તરીકે કામ કરે છે. વર્ષ 2016 માં તેમણે યોગીચોક વિસ્તારમાં એક એપાર્ટમેન્ટમાં પાંચમા માળે પોતાનો ફ્લેટ ખરીદ્યો હતો. ત્યાં બીજા માળે રહેતા અજય ગોયાણી સાથે ઓળખાણ હોય એકબીજાના ઘરે અવરજવર હતી. દરમિયાન, વર્ષ 2018 ના દિવાળીના વેકેશનમાં તેમના એપાર્ટમેન્ટના મોટાભાગના રહીશો વતન ગયા હતા અને સ્મિતાના બંને બાળકો પણ નાનાના ઘરે વતન ગયા હતા. સ્મિતાના પતિ કામ માટે બહાર ગયા હતા ત્યારે અજય ઘરે આવ્યો હતો અને દરવાજો અંદરથી બંધ કરી દુષ્કર્મ આચર્યું હતું.
વિડીયો વાયરલ કરવાની ધમકી આપી શરીર સંબંધ બાંધવા દબાણ કરતો
અજયે તેનો વિડીયો મોબાઈલમાં ઉતારી આ વાત કોઈને કરીશ તો વિડીયો વાયરલ કરીશ તેવી ધમકી આપતા સ્મિતાએ બનાવની જાણ પતિને પણ કરી નહોતી. ત્યાર બાદ અજય સ્મિતાને અવારનવાર ફોન કરી વિડીયો વાયરલ કરવાની ધમકી આપી શરીર સંબંધ બાંધવા દબાણ કરતો હતો. જોકે, સ્મિતા તેને તાબે થઈ નહોતી. તેની હેરાનગતિથી કંટાળી સ્મિતાએ પતિને પાંચમા માળે રહેતા ફાવતું નથી તેવું કહી ઘર પણ બદલ્યું હતું અને માલિકીનો ફ્લેટ છોડી ભાડાના મકાનમાં રહેવા ગયા હતા. જોકે, ત્યાર બાદ પણ અજય સતત ફોન કરી વિડીયો વાયરલ કરવાની ધમકી આપી શરીર સંબંધ બાંધવાની માંગણી કરતો હોય છેવટે સ્મિતાએ પતિને જાણ કર્યા બાદ અજય વિરુદ્ધ સરથાણા પોલીસ મથકમાં દુષ્કર્મની ફરિયાદ નોંધાવી હતી.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
