Last Updated on March 27, 2021 by
દેશમાં કોરોનાના આંકડાઓ ભયાનક રીતે આગળ વધી રહ્યા છે. તે જ સમયે, તહેવારની સિઝનમાં સરકારની ચિંતા પણ વધી રહી છે. શુક્રવારે, 62,276 નવા દર્દીઓ મળી આવ્યા હતા. આમાંથી 79 ટકા કેસ ફક્ત 6 રાજ્યો મહારાષ્ટ્ર, પંજાબ, મધ્યપ્રદેશ, છત્તીસગઢ, કર્ણાટક અને ગુજરાતના છે. કોરોનાની હાલની સ્થિતિ જોતાં મધ્યપ્રદેશ, દિલ્હી, પંજાબ અને બિહાર સહિત ઘણા રાજ્યોએ હોળી મિલન ઉજવણી પર પ્રતિબંધ મૂક્યો છે. જ્યારે, રાજસ્થાન સરકારે સાંજે 4 વાગ્યાથી રાત્રીના 10 વાગ્યા સુધી કાર્યક્રમ માટે પરવાનગી આપી દીધી છે. અમે જણાવી રહ્યા છે કે રાજ્યમાં હોળીને લગતી રાજ્ય સરકારોની માર્ગદર્શિકા શું છે…
રાજસ્થાન
- 28 અને 29 માર્ચના રોજ સાંજે 4 વાગ્યાથી રાત્રીના 10 વાગ્યા સુધી જાહેર કાર્યક્રમોની મંજૂરી છે.
- આ કાર્યક્રમોમાં 50થી વધુ લોકો ભાગ લઈ શકશે નહીં.
- અન્ય રાજ્યોથી આવતા લોકો માટે આરટી-પીસીઆરનો ટેસ્ટ આવશ્યક છે.
મધ્યપ્રદેશ
- હોળી સહિતનાં બધા તહેવારો ઘરે જ ઉજવવાનાં છે.
- જાહેરમાં કોઈપણ રીતે ઉજવણી કરી શકશે નહીં.
- હોળી પર તમામ કચેરીઓ અને દુકાનો બંધ રહેશે.
બિહાર
- હોળીમાં મિલન સમારોહ પર પ્રતિબંધ મૂકવામાં આવ્યો છે.
- ઘણા લોકો એક જગ્યાએ ભેગા થઈ શકશે નહીં.
- હોળીની ઉજવણી ઘરે કરો, માસ્ક પહેરવો જરૂરી છે.
દિલ્હી
- હોળી, શબ-એ-બારાત દરમિયાન જાહેર ઉજવણી અને મેળાવડા પર પ્રતિબંધ.
- જાહેર સ્થળો, ઉદ્યાનો, બજારો, ધાર્મિક સ્થળોએ કાર્યક્રમો યોજાશે નહીં.
- કોઈપણ જાહેર સ્થળે ઉત્સવો યોજવા પર પ્રતિબંધ.
ઉત્તરપ્રદેશ
- પરવાનગી વિના કોઈ સરઘસ નીકળશે નહીં.
- 60 વર્ષથી વધુ વયના લોકો અને 10 વર્ષથી ઓછી ઉંમરના બાળકો ઉત્સવમાં ભાગ લેશે નહીં.
- સરકારની મંજૂરી મળ્યા બાદ આયોજિત કાર્યક્રમમાં માસ્ક અને સેનિટાઇઝરનો ઉપયોગ જરૂરી છે.
હરિયાણા
- જાહેર ઉજવણી પર પ્રતિબંધો.
- ઘરે હોળીની ઉજવણી કરો.
- માસ્ક અને સેનિટાઇઝરનો ઉપયોગ કરવો આવશ્યક છે.
મહારાષ્ટ્ર
- મુંબઈમાં 28 અને 29 માર્ચે ખાનગી અને જાહેર સ્થળોએ હોળીની ઉજવણી પર પ્રતિબંધ.
- પૂનામાં પણ જાહેર અને ખાનગી સ્થળોએ હોળીના ઉજવણી પર પ્રતિબંધ છે.
- હોટલો, રિસોર્ટ્સ અને ગ્રામીણ વિસ્તારોમાં પણ જાહેર સ્થળોએ હોળી ઉજવણીની મંજૂરી નથી.
મહારાષ્ટ્રમાં નાઇટ કર્ફ્યુ: રાજ્યમાં નાઇટ કર્ફ્યુ 28 માર્ચથી લાગૂ કરવામાં આવશે, શોપિંગ મોલ રાત્રે 8 થી 7 સુધી બંધ રહેશે; જો કેસ વધે તો ડીએમ્સ તેમના શહેરમાં લોકડાઉન લાદી શકે છે.
ગુજરાત
- જાહેર ઉજવણી પર પ્રતિબંધો.
- હોલીકા દહનને નાના કાર્યક્રમ કરવાની મંજૂરી.
- હોલિકા દહન સમારોહના આયોજકોને કોરોના માર્ગદર્શિકાને અનુસરવી પડશે. ધૂળેટીમાં જાહેરમાં રંગ લગાવવા પર પ્રતિબંધ.
- અમદાવાદમાં હોળી અને ધૂળેટીની ઉજવણી માટે પોલીસે જાહેરનામું જાહેર કર્યું.
- રાજકોટમાં SRPની બે કંપનીઓ તૈનાત રહેશે.
- પોલો-ફોરેસ્ટ પણ રહેશે બંધ.
ઉત્તરાખંડ
- મહાકુંભની હોળીને ધ્યાનમાં રાખીને, કોરોના માર્ગદર્શિકા અનુસરવી પડશે.
- માસ્ક ન પહેરવા અને સામાજિક અંતરને અનુસરવા નહીં બદલ દંડ.
- હોળી ઘરે રમવાનું વધુ સારું છે.
ઝારખંડ
- જાહેર સ્થળોએ હોળી, સિરહુલ, શબ-એ-બારાતની ઉજવણી પર પ્રતિબંધ.
- સિરહુલ અને રામનવમીની શોભાયાત્રા પણ બહાર નહીં આવે.
- હોટલ, રેસ્ટોરાં, બાર, ગેસ્ટ હાઉસ, ધર્મશાળા, લોજ, શોપિંગ મોલ માટે અગાઉના નિયમો જારી કરાયા હતા જે લાગુ રહેશે.
પંજાબ
- તમામ પ્રકારની હોળીની ઉજવણી પર પ્રતિબંધો.
- બજારમાં ભીડ હશે તો કડકતા રહેશે.
- બજારમાં માસ્ક પહેરવું જરૂરી છે.
છત્તીસગઢ
- હોળી મિલન માટે કે જાહેર કાર્યક્રમો યોજવાની મંજૂરી નથી.
- હોલિકા દહન કાર્યક્રમમાં વધુમાં વધુ પાંચ લોકો હશે.
- સેનિટાઇઝર, સામાજિક અંતર અને માસ્કનો ઉપયોગ જરૂરી છે.
હિમાચલ પ્રદેશ
- સામાજિક અને સાંસ્કૃતિક કાર્યક્રમો યોજવા પર પ્રતિબંધ.
- ફક્ત 200 લોકો આઉટડોર ઇવેન્ટ્સમાં અને 50 ઇન્ડોર ઇવેન્ટ્સમાં ભાગ લઈ શકશે.
- 4 એપ્રિલ સુધી તમામ યુનિવર્સિટીઓ, કોલેજો, તકનીકી સંસ્થાઓ અને શાળાઓ બંધ રહેશે.
દેશભરમાં કોરોનાના કેસ રોકેટ ગતિએ આગળ વધી રહ્યા છે ત્યારે છેલ્લા 24 કલાકમાં દેશમાં કોરોનાના નવા 62 હજાર 258 કેસ નોંધાયા છે..જ્યારે 291 દર્દીઓ મોત નિપજ્યા છે. છેલ્લા 24 કલાકમાં 30 હજાર 386 દર્દીઓએ કોરોનાને મ્હાત પણ આપી છે. દેશમાં કોરોનાના કુલ કેસની સંખ્યા 1 કરોડ 19 લાખને પાર થઈ છે જ્યારે ચાર લાખ 52 હજારથી વધુ એક્ટિવ કેસ છે. દેશમાં કોરોનાથી કુલ મૃત્યુઆંક એક લાખ 61 હજારને પાર થયો છે.
READ ALSO :
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
