Last Updated on March 29, 2021 by
ભારતમાં હજી પણ રસ્તાઓ પર 15 વર્ષ કરતા જુના ચાર કરોડ વાહનો દોડી રહ્યા છે.જેના પર ગ્રીન ટેક્સ લગાવવા માટે કેન્દ્ર સરકાર તૈયારીઓ કરી રહી છે. આવા જુના વાહનોના આંકડાનુ કેન્દ્ર સરકારે ડિજિટલાઈઝેશન કર્યુ છે.જોકે તેમાં આંધ્રપ્રદેશ, મધ્યપ્રદેશ અને તેલંગાણાના વાહનોનો આંકડો બાકી છે.
15 વર્ષ કે તેથી જુના વાહનોના કારણે ભારે પ્રદુષણ ફેલાતુ હોય છે.આવા વાહનોને અંકુશમાં લેવા માટે સરકાર તેના પર ગ્રીન ટેક્સ લગાવવા માંગે છે.આ પ્રસ્તાવને રાજ્યો સમક્ષ વિચારણા માટે મોકલી અપાયો છે.
દરેક રાજ્યમાં અને શહેરમાં પ્રદુષણની માત્રાના આધારે ગ્રીન ટેક્સ લગાવવા સરકારની વિચારણા છે. આ ગ્રીન ટેક્સ વાહનના રજિસ્ટ્રેશન ફીના 10 થી 50 ટકા સુધી હોઈ શકે છે. દેશમાં કર્ણાટકમાં 15 વર્ષ કરતાં જૂના વાહનોની સંખ્યા 70 લાખ છે.ઉત્તર પ્રદેશમાં 56 લાખ, રાજધાની દિલ્હીમાં 49 લાખ, કેરળમાં 34 લાખ, તામિલનાડુમાં આવા 33 લાખ પંજાબમાં 25 લાખ વાહનો છે.
પશ્ચિમ બંગાળમાં 22 લાખ તેમજ મહારાષ્ટ્ર, ઓડિશા, ગુજરાત, રાજસ્થાન અને હરિયાણામાં આવા વાહનોની સંખ્યા 12 થી 17 લાખની વચ્ચે છે.જ્યારે ઝારખંડ, ઉત્તરાંખંડ, છત્તીસગઢ, હિમાચલ , પોંડીચેરી, આસામ, બિહાર, ગોવા, ત્રિપુરા તેમજ દાદરા નગર હવેલી તથા દીવ દમણમાં આવા વાહનોની સંખ્યા એક લાખથી પાંચ લાખ વચ્ચેની છે.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.
MUST READ:
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
