Last Updated on March 24, 2021 by
સુપ્રીમ કોર્ટના ચીફ જસ્ટિસ એસ.એ. બોબડેએ તેમના અનુગામી એટલે કે આગામી સીજેઆઈની નિમણૂક માટે સરકારને ન્યાયમૂર્તિ એન.વી. રમણાના નામની ભલામણ મોકલી છે. ન્યાયમૂર્તિ એન.વી. રમન્ના એસ.એ. બોબડે પછી સુપ્રીમ કોર્ટના સૌથી વરિષ્ઠ ન્યાયાધીશ છે. જસ્ટિસ એસ. એ. બોબડેની મુદત 23 એપ્રિલે સમાપ્ત થશે. સીજેઆઈ બોબડેએ તેમના કાર્યકાળ દરમિયાન કેટલાક મહત્વપૂર્ણ નિર્ણયો લીધા છે. કોરોનાને કારણે લોકડાઉનમાં સ્થળાંતર કરાયેલા મજૂરોનો મામલો હોય કે ખેડૂત આંદોલનની સુનાવણી, સીજેઆઈ બોબડે તેમાં મુખ્ય ભૂમિકામાં હતા.
સરકારે નવા ચીફ જસ્ટિસની નિયુક્તીની પ્રક્રિયા શરૂ કરી દીધી
સુપ્રીમ કોર્ટના જજ એનવી રમણા દેશના નવા ચીફ જસ્ટિસ હશે. સરકારે નવા ચીફ જસ્ટિસની નિયુક્તીની પ્રક્રિયા શરૂ કરી દીધી છે. આ ક્રમમાં સીજેઆઇ પાસે પોતાના ઉત્તરાધિકારીનું નામ માંગવામાં આવ્યુ હતું. આ ભલામણ પર એસએ બોબડેએ પોતાના ઉત્તરાધિકારી તરીકે એનવી રમણાના નામની ભલામણ કરી છે. વર્તમાન ચીફ જસ્ટિસ એસ.એ.બોબડેએ કાયદા મંત્રાલયને પોતાના ઉત્તરાધિકારીના નામની જાણકારી આપી છે. એસ.એ.બોબડે આવતા મહિને રિટાયર થઇ રહ્યા છે, એવામાં એક મહિના પહેલા જ તેમણે સરકારને જસ્ટિસ રમણાનું નામ સૂચવી દીધુ છે.
ન્યાયમૂર્તિ એનવી રમન્ના કોણ છે?
ન્યાયાધીશ નાથુલાપતિ વેંકટ રમન્નાનો જન્મ 27 ઓગસ્ટ, 1957માં અવિભક્ત આંધ્રપ્રદેશના કૃષ્ણા જિલ્લામાં થયો હતો. 2 ફેબ્રુઆરી, 2017 ના રોજ, તેઓ સુપ્રીમ કોર્ટના ન્યાયાધીશ તરીકે નિમાયા હતા. હાલમાં તેમના કાર્યકાળના માત્ર બે વર્ષ બાકી છે, તેઓ 26 ઓગસ્ટ, 2022 ના રોજ નિવૃત્ત થવા જઈ રહ્યા છે. તેમણે 10 ફેબ્રુઆરી 1983 ના રોજ વકીલાતનું કાર્ય શરૂ કર્યું. જ્યારે ચંદ્રબાબુ નાયડુ આંધ્રપ્રદેશના મુખ્ય પ્રધાન હતા. જસ્ટિસ રમન્ના આંધ્રપ્રદેશ સરકારના એડિશનલ એડવોકેટ જનરલ પણ હતા.
આવો છે તેમનો કાર્યકાળ
રમન્ના જે ખેડૂત પરિવાર સાથે સંબંધ ધરાવે છે, તેમણે વિજ્ઞાન અને કાયદામાં સ્નાતક થયા છે. આ પછી, તેમણે આંધ્ર પ્રદેશ હાઇકોર્ટ, સેન્ટ્રલ એડમિનિસ્ટ્રેટિવ ટ્રિબ્યુનલ અને સુપ્રીમ કોર્ટમાં કાયદાની પ્રેક્ટિસ શરૂ કરી. તેમણે રાજ્ય સરકારની એજન્સીઓ માટે પેનલ કાઉન્સિલ તરીકે પણ કામ કર્યું હતું. 27 જૂન 2000 ના રોજ, તેઓ આંધ્રપ્રદેશ હાઈકોર્ટમાં કાયમી ન્યાયાધીશ તરીકે નિમાયા હતા. આ પછી, 13 માર્ચથી 20 મે 2013 સુધી, તે આંધ્રપ્રદેશ હાઇકોર્ટના કાર્યકારી મુખ્ય ન્યાયાધીશ હતા. તેમને 2 સપ્ટેમ્બર 2013 ના રોજ બઢતી આપવામાં આવી હતી અને દિલ્હી હાઈકોર્ટના ચીફ જસ્ટિસ તરીકે નિમણૂક કરવામાં આવી હતી. આ પછી, 17 ફેબ્રુઆરી 2014 ના રોજ, તેમને સુપ્રીમ કોર્ટના જજ બનાવવામાં આવ્યા. હાલના સુપ્રીમ કોર્ટના ચીફ જસ્ટિસ એસ.એ. બોબડે બાદ તેઓ સુપ્રીમ કોર્ટના સિનિયર જજોની હરોળમાં બીજા ક્રમે છે.
સુપ્રીમ કોર્ટના પૂર્વ ન્યાયાધીશ જસ્ટિસ ચેલમેશ્વર સાથે વિવાદ?
માર્ચ 2017માં સુપ્રીમ કોર્ટના પૂર્વ ન્યાયાધીશ જસ્ટિસ ચેલમેશ્વરે એક પત્ર લખીને કહ્યું કે જસ્ટિસ એનવી રમન્ના અને એન ચંદ્રબાબુ નાયડુ વચ્ચે સારા સંબંધો છે. તેમણે કહ્યું હતું કે, “ન્યાયતંત્ર અને કારોબારી વચ્ચે બિન-આવશ્યક નિકટતાના આ સૌથી મોટા ઉદાહરણો છે”. તેમના પત્રમાં તેમણે લખ્યું છે કે એનવી રમન્નાના અહેવાલ અને પૂર્વ મુખ્યમંત્રી ચંદ્રબાબુ નાયડુના અવિભાજિત આંધ્રપ્રદેશ હાઈકોર્ટમાં ન્યાયાધીશોની નિમણૂક અંગેની ટિપ્પણી વચ્ચે સમાનતા છે. જસ્ટીસ ચેલેમેશ્વરે પોતાના પત્રમાં લખ્યું છે કે, “માનનીય ન્યાયાધીશ અને આંધ્રપ્રદેશના વર્તમાન મુખ્ય પ્રધાન વચ્ચેની નિકટતા વિશે દરેકને ખબર છે. સત્યને સાબિત કરવા માટે કોઈ પુરાવાની જરૂર નથી. મુખ્ય પ્રધાનની ટિપ્પણી અને માનનીય ન્યાયાધીશની ટિપ્પણી વચ્ચે ઘણી સમાનતાઓ છે કે તેઓ એક સરખા લાગે છે. બંને પત્રોનો સમય જુઓ, આ પરથી આ તારણ કાઢી શકાય છે કે બંને વચ્ચે વાતચીત ચાલી રહી છે.
“જસ્ટિસ એનવી રમન્નાએ જવાબ આપ્યો
જ્યારે આ પત્ર લખવામાં આવ્યો હતો, ત્યારે ન્યાયાધીશ ચેલેમેશ્વર તે સમયે સુપ્રીમ કોર્ટમાં ન્યાયાધીશોની નિમણૂક કરતા કોલેજિયમના સભ્ય હતા. આ પત્રનું પરિણામ એ આવ્યું કે સુપ્રીમ કોર્ટે જસ્ટિસ એન.વી. રમન્નાના અહેવાલને નકારી કાઢ્યો અને આંધ્રપ્રદેશ હાઇકોર્ટમાં નવા ન્યાયાધીશોની નિમણૂક કરી. તે સમયે, જસ્ટિસ રમન્નાએ તેમના ઇન્ટરવ્યુમાં કહ્યું હતું કે, દેશના ચીફ જસ્ટિસે જે છ વકીલો અંગે મારો અભિપ્રાય પૂછ્યો હતો, જે મેં કર્યું હતું. મારે આ સિવાય આગળ કંઈ કહેવાનું નથી. મને આંધ્રપ્રદેશ અને તેલંગાણાના મુખ્યમંત્રીઓએ શું અભિપ્રાય આપ્યો છે તે વિશે કોઈ જાણકારી નથી. ”
ત્રણ દિવસના અંતરમાં સુપ્રીમ કોર્ટ કોલેજિયમને મળ્યા હતા
તે સમયે, મુખ્ય પ્રધાન અને એનવી રમન્નાના પત્રો ત્રણ દિવસના અંતરમાં સુપ્રીમ કોર્ટ કોલેજિયમને મળ્યા હતા. તેલંગણાના મુખ્યમંત્રીએ આપેલા સૂચનોનો જવાબ આપવા માટે એક મહિનો લીધો, જ્યારે આંધ્રપ્રદેશના મુખ્ય પ્રધાન એન.ચંદ્રબાબુ નાયડુએ તેમનો જવાબ મોકલવામાં 11 મહિનાનો સમય લીધો. એકવાર પુસ્તક વિમોચનની એક ઘટના દરમિયાન ન્યાયાધીશ એન.વી. રમન્નાએ કહ્યું હતું કે “ખોટા આરોપો લગાવીને ન્યાયાધીશોને નિશાન બનાવવામાં આવી રહ્યા છે.” આક્ષેપોને સમજાવવાનો કોઈ રસ્તો નથી, તેથી તેમને સરળ નિશાન બનાવવામાં આવી રહ્યું છે. નિવૃત્ત ન્યાયાધીશો આરામનું જીવન જીવે છે તે ખોટી માન્યતા છે.
જસ્ટિસ રમન્ના વિરુદ્ધ ફોજદારી કેસ?
વાત 1981ની છે જ્યારે ન્યાયાધીશ રમન્ના નાગાર્જુન યુનિવર્સિટીમાં વિદ્યાર્થી હતા. તે દરમિયાન, તેમણે યુનિવર્સિટીની બહાર બસ સ્ટોપની માંગણી સાથે વિરોધ પ્રદર્શનમાં ભાગ લીધો હતો. આ વિરોધ પ્રદર્શન દરમિયાન સ્ટેટ રોડ ટ્રાન્સપોર્ટની એક બસની તોડફોડ કરવામાં આવી હતી. આ કેસમાં બે વકીલોએ સુપ્રીમ કોર્ટમાં અરજી કરી હતી કે, જસ્ટિસ એન.વી. રમન્નાને સુપ્રીમ કોર્ટના ન્યાયાધીશ પદેથી હટાવવામાં આવે. વકીલોએ આરોપ લગાવ્યો કે ન્યાયાધીશ રમન્નાએ એ હકીકત છુપાવી હતી કે તેમની સામે બસ તોડફોડના કેસમાં ગુનાહિત કેસ કરવામાં આવ્યો છે. જોકે, આ અરજીને કોર્ટે ફગાવી દીધી હતી અને બંને વકીલોને દંડ ફટકાર્યો હતો.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
