Last Updated on March 22, 2021 by
ભાજપે રવિવારે કોલકાતા ખાતે પશ્ચિમ બંગાળ વિધાનસભા ચૂંટણી જીતવા તેનો ચૂંટણી ઢંઢેરો જાહેર કર્યો હતો. કેન્દ્રીય ગૃહમંત્રી અમિત શાહે બંગાળ માટે ચૂંટણી ઢંઢેરો જાહેર કર્યો હતો. ભાજપે તેનું નામ સંકલ્પ પત્ર રાખ્યું છે. બંગાળની જનતાનું હૃદય જીતવા માટે ભાજપે આ સંકલ્પ પત્રમાં અનેક લોભામણા વચનોની લ્હાણી કરી છે. ભાજપે બંગાળમાં ગેરકાયદે ઘૂસણખોરીનો મુદ્દો ઉઠાવતાં સત્તા પર આવ્યા પછી પહેલી જ કેબિનેટ બેઠકમાં સીએએ લાગુ કરવાની જાહેરાત કરી છે.
We are committed to fulfilling the aspirations of our people of West Bengal. @BJP4Bengal’s Sankalp Patra is our resolve to build Sonar Bangla. Watch my address at the launch of #SonarBanglaSonkolpoPotro. https://t.co/yVTt48nCMc
— Amit Shah (@AmitShah) March 21, 2021
ભાજપે આ સંકલ્પ પત્રમાં અનેક લોભામણા વચનોની લ્હાણી કરી
ભાજપે સીએએ ઉપરાંત મહિલાઓને સરકારી નોકરીઓમાં ૩૩ ટકા અનામત આપવાનું પણ વચન આપ્યું છે. ભાજપે તેના ચૂંટણી ઢંઢેરામાં ઉત્તર બંગાળ, જંગલમહલ અને સુંદરવન ક્ષેત્રમાં ૩ નવી એઈમ્સ બનાવવાનું વચન આપ્યું છે. આ સિવાય રાજ્યના બધા જ ખેડૂતોને પીએમ કિસાન સન્માન નિધિ યોજનાનો લાભ આપવાની પણ જાહેરાત કરી છે. શાહે જણાવ્યું હતું કે, રાજ્યમાં ૭૫ લાખ ખેડૂતોને મમતા બેનરજીએ ત્રણ વર્ષમાં જે ૧૮ હજાર રૃપિયાનો લાભ નથી આપ્યો તે પણ સીધા જ ખેડૂતોના બેન્ક ખાતામાં જમા કરાવાશે.કેન્દ્ર સરકારના ૬ હજાર રૃપિયામાં રાજ્ય સરકારના ચાર હજાર રૃપિયા ઉમેરીને અપાશે. મત્સ્ય પાલકોને દર વર્ષે ૬ હજાર રૃપિયા અપાશે.
BJP under the leadership of PM @NarendraModi Ji will leave no stone unturned in realising the dream of Sonar Bangla. #SonarBanglaSonkolpoPotro reflects our devotion towards the same.
— Amit Shah (@AmitShah) March 21, 2021
Link of @BJP4Bengal’s Sankalp Patra: ?https://t.co/Y6cOuMd6O4
પશ્ચિમ બંગાળની જનતાને સત્તા પર આવતાં જ રાજકીય હિંસાથી મુક્ત કરીશું: અમિત શાહ
અમિત શાહે જણાવ્યું કે અમે પશ્ચિમ બંગાળની જનતાને સત્તા પર આવતાં જ રાજકીય હિંસાથી મુક્ત કરીશું. બંગાળમાં પહેલાં કમ્યુનિસ્ટ અને પછી તૃણમૂલ કોંગ્રેસે સત્તા પર રહીને મોટાપાયે રાજકીય હિંસા આચરી હોવાનો આરોપ મૂક્યો હતો. તેમણે ઉમેર્યું કે, અમે નિષ્પક્ષ ચૂંટણી થાય તે સુનિશ્ચિત કરીશું અને રાજકીય હિંસાને બંગાળમાં ભૂતકાળ બનાવી દઈશું. ભાજપે ૧૧ હજાર કરોડ રૃપિયાના સોનાર બાંગ્લા ફંડની શરૃઆત કરવાની પણ જાહેરાત કરી હતી. આ ફંડ બંગાળના સાહિત્ય, કળા, સંસ્કૃતિ અને બધી જ વિદ્યાઓને પ્રોત્સાહન આપવાનું કામ કરશે. આ સિવાય રોકાણકારો માટે ઈન્વેસ્ટ બાંગ્લાની સ્થાપના કરાશે.
দিদি মা-মাটি-মানুষের নামে শপথ নিয়েছিলেন, যে তিনি বাংলায় পরিবর্তন আনবেন। কিন্তু কোন পরিবর্তনই হয়নি, তখনও অনুপ্রবেশ হচ্ছিল এবং আজও হচ্ছে।@narendramodi জীর নেতৃত্বে বিজেপি সরকার পাঁচ বছরের মধ্যে বাংলাকে অনুপ্রবেশকারীদের থেকে মুক্ত করার কাজ করবে। #BanglayAscheBJP pic.twitter.com/ZVEj0eevQy
— Amit Shah (@AmitShah) March 21, 2021
ભાજપે મુખ્યમંત્રી શરણાર્થી યોજના હેઠળ પ્રત્યેક શરણાર્થી પરિવારને પાંચ વર્ષ સુધી ડીબીટીથી ૧૦ હજાર રૃપિયા પ્રતિ વર્ષ આપવાનું વચન આપ્યું છે. ગૃહમંત્રીએ કહ્યું કે, અમે નક્કી કર્યું છે કે પહેલી જ કેબિનેટ બેઠકમાં બંગાળના દરેક ગરીબને આયુષ્યમાન ભારત યોજનાનો લાભ પહોંચાડીશું. અમે સરહદ સલામતીને વધુ મજબૂત કરીશું.
ભાજપે તેના સંકલ્પ પત્રમાં બંગાળની છોકરીઓ માટે કેજીથી પોસ્ટ ગ્રેજ્યુએટ સુધીનો અભ્યાસ નિશુલ્ક રાખવાનું વચન આપ્યું છે. આ સિવાય પબ્લિક ટ્રાન્સપોર્ટમાં બધી જ મહિલાઓ માટે મફત પ્રવાસની વ્યવસ્થા કરાશે. ઓબીસી અનામતની યાદીમાં મહિસ્ય, તેલી અને અન્ય હિન્દુ સમાજ જે રહી ગયા છે તેમનો સમાવેશ કરવાનું પણ ભાજપે વચન આપ્યું છે.
Read Also
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
