બોડકદેવ, થલતેજ, ગોતા, ઘાટલોડીયા અને ચાંદલોડીયા રહેતા હો તો થઈ જાઓ સાવધાન, ટેસ્ટીંગ સેન્ટરો પર વધી રહી છે લાઈનો

Last Updated on April 3, 2021 by

અમદાવાદ શહેરમાં છેલ્લા કેટલાક દિવસોથી સતત વધી રહેલા કોરોનાના સંક્રમણની વચ્ચે શહેરના ઉત્તર-પશ્ચિમ ઝોનમાં આવેલા બોડકદેવ,થલતેજ,ગોતા ઉપરાંત ઘાટલોડીયા અને ચાંદલોડીયા વોર્ડમાં સંક્રમણ વધતા હાઉસ ટુ હાઉસ સર્વે કરવાની ફરજ પડી છે.અમદાવાદ શહેરના બોડકદેવ સહિતના આ પાંચ વોર્ડમાં મળીને કુલ 55 સ્થળ એવા માલૂમ પડયા છે.જયાં કોરોનાના કેસમાં વધારો થવા પામ્યો છે.

કોરોનાના કેસ વધુ મળ્યા એ સ્થળોએ હાઉસ ટુ હાઉસ સર્વે

આ અંગે મળતી માહીતી મુજબ, શહેરમાં છેલ્લા કેટલાક દિવસોથી રોજ 600 ઉપરાંત કોરોનાના કેસ નોંધાતા સફાળા જાગેલા અમદાવાદ મ્યુનિસિપલ કોર્પોરેશન દ્વારા ઉત્તર-પશ્ચિમ ઝોનમાં આવેલા પાંચ વોર્ડમાં હાઉસ ટુ હાઉસ સર્વે હાથ ધરી જે સ્થળોએ કોરોનાના સૌથી વધુ કેસ નોંધાયા છે તેવા ટાવરોની એક યાદી તૈયાર કરી આ ટાવરોમાં હાઉસ ટુ હાઉસ સર્વે હાથ ધરવાનો નિર્ણય કર્યો હોવાનું મ્યુનિસિપલ કોર્પોરેશનના ઉચ્ચ અધિકારી પાસેથી જાણવા મળ્યું છે.

નોંધપાત્ર બાબત તો એ છે કે,મ્યુનિ.તંત્ર દ્વારા ઉત્તર-પશ્ચિમ ઝોનમાં સૌથી વધુ કોરોના સંક્રમણ વાળા વિસ્તારોની યાદી જાહેર કરવામાં આવ્યા બાદ મ્યુનિ.ના જ એક ઉચ્ચ અધિકારીએ આ યાદી જાહેર થઈ જતા તેને મિડીયા ગુ્રપમાંથી ડીલીટ કરી નાંખી હતી.

ઉત્તર-પશ્ચિમ ઝોનમાં સંક્રમણવાળા સ્થળ

બોડકદેવ – બિનોરી મોનેટા, વસ્ત્રાપુર, મંત્ર એપાર્ટમેન્ટ, કૃષ્ણકુંજ એપા., મલ્હાર એપા, દિવ્ય જયોત એપા, કલગી એપા, આંચલ એપા, શાશ્વત એપા, આમ્રપાલી એપા, અકીક ટાવર, શુભ શાંતિ એપા.,

ઘાટલોડિયા – ઝવેરી જવેલર્સની ગલી, રાજ રત્ન એપા, ગોકુલ એપા, ઈન્દિરા ફલેટ, સારથી એપા, આશાપુરી સોસા, વાઘેશ્વરી સોસા,

ગોતા – બાબુનગર, નિર્માણ બંગલો, સાગર સંગીન, વૃંદાવન પાર્ટ-1, હીર પાર્ટી પ્લોટ, સુવર્ણધામ ટવીન, સમેત રેસી, પંચામૃત, જયઅંબે ફાર્મ, આશિર્વાદ આકેર્ડ

થલતેજ – તરૂણનગર સોસા-પાર્ટ-1, સ્ટર્લિંગ રો-હાઉસ, વિશ્રૂત બંગલો, જૈન દેરાસર, પૃથ્વી ટાવર, હીમાલયા, ગોકુલ કોમ્પલેક્ષ, નવનીધી

ચાંદલોડિયા – મલબાર સિટી-2, સર્વોદય સેવા ટ્રસ્ટ, ગણેશ પાર્ક, ઉન્નતિ સ્કૂલ, ઉમા બંગલો, ભાગ્યલક્ષ્મી રો હાઉસ, રાજયોગ કોમપલેક્ષ, નિર્ણય ટાવર, પ્રસ્થાન બંગલો, ક્રીષ્ના એપા.

અમદાવાદ શહેરમાં કોરોનાના નવા વિક્રમજનક 621 કેસ, ત્રણનાં મોત

અમદાવાદ શહેરમાં શુક્રવારે કોરોનાના વિક્રમજનક 621 નવા કેસ નોંધાયા છે.ઉપરાંત ત્રણ દર્દીઓના મોત થયા છે.છેલ્લા એક સપ્તાહથી પણ વધુ સમયથી અમદાવાદ શહેરમાં રોજ કોરોનાના નવા 600 ઉપરાંત કેસ નોંધાઈ રહ્યા છે.શહેરમાં એકિટવ કેસની સંખ્યા વધીને 1803 ઉપર પહોંચવા પામી છે.ગત માર્ચથી અત્યાર સુધીમાં અમદાવાદમાં કોરોનાના કુલ 69638 કેસ નોંધાવા પામ્યા છે.જેને લઈને અમદાવાદમાં કોરોના સંક્રમણની સ્થિતિ ફરી એક વખત ચિંતાજનક બની રહી છે.

અમદાવાદ મ્યુનિસિપલ કોર્પોરેશન હદ વિસ્તારમાં શુક્રવારે કોરોનાના નવા 621 કેસ નોંધાયા છે.જે વિક્રમજનક સંખ્યા હોવાનું આધારભૂત સૂત્રોમાંથી જાણવા મળ્યું છે. ગત માર્ચથી અત્યાર સુધીમાં શહેરમાં કોરોનાના કુલ 69638 કેસ નોંધાવા પામ્યા છે.

શુક્રવારે શહેરમાં કુલ 593 દર્દીઓને રજા આપવામાં આવતા અત્યાર સુધીમાં કુલ 65504 લોકો કોરોનાની સારવારમાંથી મુકત થવા પામ્યા છે. શુક્રવારે કોરોનાની સારવાર દરમ્યાન કુલ ત્રણ દર્દીના મોત થતાં અત્યાર સુધીમાં કોરોના સંક્રમિત થવાથી કુલ 2306 લોકોના મરણ થવા પામ્યા છે.શહેરમાં હાલની પરિસ્થિતિમાં કોરોનાના કુલ 1803 એકિટવ કેસો નોંધાયેલા છે.

લેબર કોલોની છારોડીમાં કોરોના સંક્રમણ

ઝોન	સ્થળ	મકાન	વસ્તી
દક્ષિણ	મુકુલ પાર્ક,મણિનગર	10	42
	સાફલ્ય એપા,મણિનગર	17	70
	શિખર એપા,વટવા	04	16
	જયોતિનગર,નારોલ	55	250
	મંગલ વિકાસ સોસા,દાણીલીમડા	12	58
દ.પશ્ચિમ	પૃથ્વી ટાવર,જોધપુર	08	33
પૂર્વ	સાહીત્ય રેસી,વસ્ત્રાલ	20	82
	સૂર્યમ એલિગન્સ,વસ્ત્રાલ	28	128
	ભવદીપ પાર્ક પાર્ટ-1,ભાઈપુરા	14	59
	ભવદીપ પાર્ક પાર્ટ-2,ભાઈપુરા	14	60
ઉ.પશ્ચિમ	સુકુન રેસી,ચાંદલોડીયા	16	60
	શ્રી દર્શન એપા,ચાંદલોડીયા	40	150
	જીવનદીપ રો હાઉસ,થલતેજ	06	25
	આકાંક્ષા એપા,ઘાટલોડીયા	36	150
	આદીત્ય પરીવેશ.ચાંદલોડીયા	20	80
	ગુંજન પાર્ક,થલતેજ	04	16
	લેબર કોલોની,છારોડી	–	40
	આર્યન એમ્બેસી,બોડકદેવ	28	100
	મહાદેવ રેસી,ચાંદલોડિયા	64	250
પશ્ચિમ	સેલિબ્રીટી રેસી,પાલડી	12	28
	એ-3 હાઈટસ,મોટેરા	06	24
કુલ માઈક્રોકન્ટેઈન્મેન્ટ	269

શહેરમાં કુલ 33,090 લોકોને કોરોના વિરોધી રસી અપાઈ

અમદાવાદ મ્યુનિસિપલ કોર્પોરેશન હસ્તકની હોસ્પિટલો ઉપરાંત અર્બન હેલ્થ સેન્ટરો તેમજ સરકારી અને ખાનગી હોસ્પિટલોની નકકી કરવામાં આવેલી સાઈટસ ઉપરથી શુક્રવારે કુલ 33090 લોકોને કોરોના વિરોધી રસી આપવામાં આવી હતી.જે પૈકી 18874 પુરૂષ અને 14216 મહિલાઓનો સમાવેશ થાય છે.45 વર્ષથી ઉપરની વયના અને કોમોર્બિડ એવા કુલ 17284 લોકોને રસી આપવામાં આવી હતી.

Read Also

• Dev post create for auto notification 35
• Dev post create for auto notification 34
• Dev post create for auto notification 33
• Dev post create for auto notification 32
• Dev post create for auto notification 31