Last Updated on April 3, 2021 by
ગુજરાતમાં કોરોનાનું સંક્રમણ સતત વધી રહ્યુ છે. ધીમે ધીમે પરિસ્થિતી વણસતી જાય છે. કોરોનાની આ લહેરમાં જ્યાં એક બાજૂ નાના બાળકો શિકાર થઈ રહ્યા છે, ત્યારે મોટા લોકોની તો વાત જ શું કરવી. ત્યારે હવે તાજેતરમાં જ ગુજરાતમાંથી મોટા સમાચાર આવી રહ્યા છે. રાજ્યના ગૃહપ્રધાન પ્રદિપસિંહ જાડેજાનો રિપોર્ટ પણ પોઝિટીવ આવ્યો છે. તેમણે જણાવ્યુ હતું કે, કોરોનાના સામાન્ય લક્ષણો જણાવતા રિપોર્ટ કરાવ્યો હતો. જે બાદ આ રિપોર્ટ પોઝિટીવ આવ્યો છે. ત્યાર બાદ તેમને હોસ્પિટલમાં દાખલ કરવામાં આવ્યા છે.
— Pradipsinh Jadeja (@PradipsinhGuj) April 3, 2021
આપને જણાવી દઈએ કે, પ્રદીપ સિંહ જાડેજાને કોરોના થયાં બાદ તેમની ઓફિસમાં પણ સંક્રમણ ફેલાયુ હોવાની વિગતો આવી રહી છે. ગૃહપ્રધાનને હાલ હોસ્પિટલમાં દાખલ કરવામાં આવ્યા છે. જો કે, સારી બાબત એટલી છે કે, તેમનામાં કોરોનાના સામાન્ય લક્ષણ છે. હાલ સાવચેતી સાથે તેઓ સારવાર માટે હોસ્પિટલમાં દાખલ થયાં છે.
લોકોને કરી આ અપીલ
ગૃહમંત્રીએ ટ્વીટમાં લખ્યું હતું કે, મને કોરોનાના સામાન્ય લક્ષણો જણાતા ટેસ્ટ કરાવેલ જેનો રિપોર્ટ પોઝિટિવ આવેલ છે. ડોક્ટરોની સલાહ પર હું હોસ્પિટલમાં દાખલ થઇ રહ્યો છું. મારી સૌને આગ્રહભરી વિનંતી છે કે, હાલમાં મારા સંપર્કમાં આવેલા તમામ લોકોને પોતે સ્વસ્થ છે તેની કાળજી લેવા વિનંતી.
ગુજરાતના કયા કયા નેતાઓ બની ચૂક્યા છે કોરોનાનો શિકાર
| નામ | હોદ્દો |
| વિજય રૂપાણી | મુખ્યમંત્રી |
| ઈશ્વર પટેલ | રાજ્યકક્ષાના મંત્રી |
| બાબુ જમના પટેલ | ધારાસભ્ય |
| શૈલેષ મહેતા | ધારાસભ્ય |
| વિજય પટેલ | ધારાસભ્ય |
| ભીખા બારૈયા | ધારાસભ્ય |
| પૂંજા વંશ | ધારાસભ્ય |
| ભરતજી ઠાકોર | ધારાસભ્ય |
| નૌશાદ સોલંકી | ધારાસભ્ય |
| કેશુભાઈ પટેલ | પૂર્વ મુખ્યમંત્રી |
| હર્ષ સંઘવી | ધારાસભ્ય |
| કિશોર ચૌહાણ | ધારાસભ્ય |
| નિમાબહેન આચાર્ય | ધારાસભ્ય |
| બલરામ થાવાણી | ધારાસભ્ય |
| પૂર્ણેશ મોદી | ધારાસભ્ય |
| જગદીશ પંચાલ | ધારાસભ્ય |
| કેતન ઈનામદાર | ધારાસભ્ય |
| વી.ડી. ઝાલાવાડિયા | ધારાસભ્ય |
| રમણ પાટકર | રાજ્યકક્ષાના મંત્રી |
| પ્રવીણ ઘોઘારી | ધારાસભ્ય |
| મધુ શ્રીવાસ્તવ | ધારાસભ્ય |
| ધર્મેન્દ્રસિંહ જાડેજા | રાજ્યકક્ષાના મંત્રી |
| ગોવિંદ પટેલ | ધારાસભ્ય |
| અરવિંદ રૈયાણી | ધારાસભ્ય |
| રાઘવજી પટેલ | ધારાસભ્ય |
| જયેશ રાદડિયા | કેબિનેટ મંત્રી |
| બીનાબહેન આચાર્ય | મેયર, રાજકોટ |
| દિનેશ મકવાણા | (ડેપ્યુટી મેયર, અમદાવાદ |
| અમિત શાહ | કેન્દ્રીય ગૃહમંત્રી |
| ડો.કિરીટ સોલંકી | સંસદ સભ્ય |
| રમેશ ધડુક | સંસદ સભ્ય |
| હસમુખ પટેલ | સંસદ સભ્ય |
| અભય ભારદ્વાજ | સંસદ સભ્ય |
ગામડાઓ થઈ રહ્યા છે સાવધાન, સ્વંભૂ કરી રહ્યા છે લોકડાઉન
રાજ્યમાં પ્રતિદિન કોરોના કેસનો આંકડો 2600ને પાર પહોંચી ગયો છે, સર્તકતાના ભાગરૂપે નાના ગામોમાં સ્વૈચ્છીક લોકડાઉન થઈ રહ્યું છે, ગ્રામજનો કોરોના સામે સતર્કતા દાખવી રહ્યાં છે, જામનગરના મોટી બાણુંગાર ગામમાં એક અઠવાડિયામાં 25 જેટલા કેસ આવતા 11 એપ્રિલ સુધી લોકડાઉનનો નરિણય કર્યો છે, દાહોદના ફતેપુરા,બલૈયાના ગ્રામજનોએ પણ સ્વયંભૂ 8 એપ્રિલ સુધી લોકડાઉન રાખવાનો નિર્ણય કર્યો છે, વેપારીઓને 10 વાગ્યા સુધી વેપાર ધંધો ચાલું રાખવાનો નિર્ણણ લેવાયો છે, આ તરફ આણંદના કોઠાવી ગામે પણ 17 એપ્રિલ સુધી સ્વૈચ્છિક લોકડાઉન રાખવાની જાહેરાત કરી છે. ગામમાં સવારે 7થી 10 અને સાંજે 5 થી 8 વાગ્યા સુધી જ દુકાનો ખુલ્લી રહેશે. હિંમતનગરના કાણીયોગ ગામમાં લોકોએ સ્વૈચ્છિક લોકડાઉન રાખવાનો નિર્ણય કર્યો છે, જીવન જરૂરી ચિજો માટે દુકાનો સવારે 2 કલાક અને સાંજે બે કલાક ખુલ્લી રાખવાનો નિર્ણય લેવાયો છે, આવનાર 7 દિવસ સુધી સમગ્ર ગામમા લોકડાઉન રહેશે.
કોરોનાની બીજી લહેરમાં નાના બાળકો પણ શિકાર
કોરોનાની બીજી લહેરમાં નાના બાળકો પણ સંક્રમિત થઇ રહ્યા છે. શહેરની સિવિલ હોસ્પિટલ ખાતે સતત નવા કેસ દાખલ થઇ થયા છે. જ્યાં એક તરફ ગઈકાલે 130થી વધુ ઇમર્જન્સી કેસ આવ્યા હતા તો આ જ સિવિલ હોસ્પિટલમાં બાળકોના કોરોના પોઝિટિવ હોવાના કેસ પણ વધી રહ્યા છે.
અમદાવાદ સિવિલમાં 11 બાળકો સારવાર હેઠળ
અમદાવાદમાં કોરોનાનું સંક્રમણ વધતા વિસ્ફોટક સ્થિતિનું નિર્માણ થયું છે. છેલ્લા એક સપ્તાહથી શહેરમાં નાના બાળકો પણ કોરોનાની ઝપટમાં આવી રહ્યા છે. બાળકોમાં પણ હવે કોરોનાનું સંક્રમણ વધતા ચિંતાજનક સ્થિતિ સર્જાઇ છે. અમદાવાદની સિવિલ હોસ્પિટલમાં કુલ 11 બાળકો સારવાર હેઠળ દાખલ છે. જે પૈકી 7 બાળકો કોરોના પોઝિટિવ છે. જ્યારે 3 બાળકોમાં કોરોનાના શંકાસ્પદ લક્ષણો છે. તો 1 બાળકનો રિપોર્ટ નેગેટિવ આવ્યો છે. ગંભીર બાળકોને સી.પેપ પર રાખવામાં આવ્યા છે.
વર્ષ 2020માં અઢીસોથી ત્રણસો બાળકોને કોરોનાનું સંક્રમણ લાગ્યું હતું. તો વર્ષ 2021માં અત્યાર સુધી કુલ 7 બાળકો કોરાનાથી સંક્રમિત થયા છે. જેમાં દોઢ મહિનાનું બાળક, 3 મહિનાના તેમજ 6 મહિનાના બાળકોને પણ કોરોનાનો ચેપ લાગ્યો છે. બાળકોમાં કોરોનાના લક્ષણોની વાત કરીએ તો તાવ આવવો, શરદી-ખાંસી થવી, ઝાડા-ઉલ્ટી થવા, પેટમાં દુખાવો, શ્વાસ ચડવા જેવા લક્ષણો જોવા મળ્યા.
સયાજી હોસ્પિટલમાં પણ શુક્રવારના રોજ પાંચ બાળ દર્દીઓ સારવાર માટે આવ્યા હતા. જે પૈકી એક બાળકની હાલત વધુ ખરાબ હોય તેને દાખલ કરવામાં આવ્યુ છે. જેની સાથે હાલમાં સયાજી હોસ્પિટલમાં ચાર બાળકો દાખલ છે.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
