Last Updated on March 30, 2021 by
સમગ્ર વિશ્વમાં અને દેશમાં કોરોનાએ હાહાકાર મચાવી દીધો છે ત્યારે હવે બોલિવુડ કે રાજકારણ પણ તેમાં બાકાત નથી રહ્યું. તાજેતરમાં જ શરૂ થયેલો પોપ્યુલર રિયાલિટી શો ‘ડાંસ દિવાને 3’ (Dance Deewane 3 corona attack) પર કોરોનાનો કહેર વરસ્યો છે. શોના 18 જેટલાં ક્રૂ મેમ્બર્સ (18 crew members corona positive) કોરોના પોઝિટિવ આવ્યાં છે. જ્યાર બાદ સેટ પર સંપૂર્ણ હડકંપ મચી ગયો છે. સેટ પર હાજર લોકોમાં પણ ભયનો માહોલ ફેલાઇ ગયો છે.
સૂત્રોના જણાવ્યાં અનુસાર, ’18નો આંક એ ખૂબ મોટી વાત કહેવાય. ‘ડાંસ દિવાને 3’ ના સેટ પર તમામ લોકોમાં ભયનો માહોલ ઊભો થઇ ગયો છે. શોના જજ માધુરી દિક્ષિત (Madhuri Dixit), ધર્મેશ યેલાંડે (Dharmesh Yelande) અને તુષાર કાલિયા (Tushar Kalia) અને હોસ્ટ રાઘવ જુયાલ (Raghav Juyal) સુધી સૌ કોઇ ડરેલું જોવા મળી રહ્યું છે.
પ્રોડ્યુસરે લીધા એક્શન
શો દરમયાન પ્રોડ્યુસર અરવિંદ રાવને 18 ક્રુ મેમ્બર્સના કોરોના સંક્રમિત થવાના સમાચાર મળ્યાં કે તેણે તુરંત જ તે લોકોને રિપ્લેસ કરી દીધાં. તેના કારણે શુટિંગ ઉપર અસર ન પડે. હવે આ અંગે ફેડરેશન ઓફ વેસ્ટર્ન ઈન્ડિયા સિને ઈમ્પલોઈઝ FWICE-Federation of Western India Cine Employees નો સંપર્ક કરવામાં આવ્યો તો જનરલ સેક્રેટરી અશોક ઉપાધ્યાયે પણ ડાંસ દિવાને 3ના સેટ ઉપર 18 લોકોના કોવિડ પોઝિટીવ હોવાની વાતને સમર્થન આપ્યું હતું.
FWICE બોલ્યા- પ્રાર્થના કરીએ છીએ કે જલ્દી સારૂ થઈ જાય
તેણે કહ્યું કે, આ ઘણી દુઃખદ વાત છે અમે પ્રાર્થના કરી રહ્યાં છીએ કે લોકો કોરોનાની ઝપેટમાં આવ્યાં છે તે તમામ જલ્દી સ્વસ્થ થઈ જાય. અહીંયા હંમેશા પોતાની કાસ્ટ અને ક્રુની સાથે શૂટ શરૂ થતા પહેલા જ ટેસ્ટ કરાવી લેવામાં આવે છે. જેના કારણે ટીમની પાસે નવા ક્રુ મેમ્બર્સને લેવા માટે સમય મળી ગયો. હવે આ શોનો આગળનો શૂટ 5 એપ્રીલના રોજ છે હવે ત્યારે બીજી વખત પ્રી-ટેસ્ટ કરવામાં આવશે. સેટ ઉપર માત્ર તે જ લોકોને આવવાની પરવાનગી મળશે જે કોવિડ નેગેટિવ હશે. કોવિડ નેગેટિવ લોકોની સાથે પણ તે પ્રોસેસને ફોલો કરવામાં આવશે. તો આ વિકેન્ડમાં ડાંસ દિવાને 3માં વિતેલા જમાનાની જાણીતી હિરોઈન આશા પારેખ, હેલન અને વહીદા રહેમાન નજરે આી હતી તે સિવાય શોમાં પ્રેમ ચોપડા અને રંજીત પણ મહેમાન બનીને પહોંચ્યાં હતાં.
હાલમાં જ આ સ્ટાર્સને પણ થયો હતો કોરોના
તાજેતરમાં જ તારક મહેતાના ઉલ્ટા ચશ્માના સુંદરલાલ એટલે કે મયુર વકાની અને મંદાર ચંદવાદકર સિવાય ગુમ હૈ કિસી કે પ્યારમે ફેમ નીલ ભટ્ટ અને એશ્વર્યા શર્મા પણ કોરોના પોઝિટીવ આવ્યાં હતાં. તે તમામે પોતાને ક્વોરેન્ટાઈન કરી લીધા છે અને તુરંત જ તેની સારવાર શરૂ કરી દેવામાં આવી છે.
READ ALSO :
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
