Last Updated on March 30, 2021 by
અમદાવાદ શહેરના પોશ વિસ્તારમાં આવેલા એક પોલીસ સ્ટેશનના PSI અને મહિલા પોલીસ કર્મીના પ્રેમ પ્રકરણે પોલીસ બેડામાં ચર્ચાનું જોર પકડ્યું છે. વડોદરાથી ટ્રાન્સફર મેળવીને આવેલા આ PSI તેમના જ પોલીસ સ્ટેશનમાં ફરજ બજાવતી મહિલા પોલીસ કર્મીના પ્રેમમાં આવી ગયા ત્યાં સુધીતો બધું બરોબર હતું પરંતુ તાજેતરમાં આ બન્ને પોલીસ કર્મીઓ પોતાના પોલીસ સ્ટેશનની નજીક આવેલી એક હોટલમાં અંગત પળો મળવા માટે ગયા અને ત્યાજ તેમનો ભાંડો ફૂટી જતા આખો મામલો સામે આવ્યો હતો.
PSI અને મહિલા કોન્સ્ટેબલનું ઇલુ ઇલુ
શહેરના પશ્ચિમ વિસ્તારમાં આવેલા એક પોલીસ સ્ટેશનમાં PSI અને WLR મહિલા લોકરક્ષક ના પ્રેમમાં એવા તે પડી ગયા કે આજે PSI સાહેબને પોતાનું મોઢું સંતાડવાનો વારો આવી ગયો છે અને આ ચર્ચાએ પોલીસ બેડામાં એટલી જોરશોરથી ઉઠી છે છેક પોલીસ કમિશનર કચેરી સુધી આ PSI સાહેબ અને મહિલા પોલીસ કર્મીના પ્રેમ પ્રકરણની વાતો ચર્ચાઈ રહી છે.
હોટલમાં અંગત પળો માણવા ગયા
ત્યારે આ બંને પોલીસ કર્મીઓના પ્રેમ પ્રકરણનો આખોય ભાંડો મહિલા પોલીસ કર્મીના પતિએ ફોડી નાખ્યો થોડાક દિવસો અગાઉ PSI અને મહિલા પોલીસકર્મી પોતાના જ પોલીસ સ્ટેશનની હદમાં આવેલી એક નામાંકિત હોટલ અંગત પળો માણવા માટે ગયા હતા અને અડધો કલાક જેટલો સમય રૂમમાં વિતાવ્યો હશે ત્યાંતો “હોટલના રૂમ સર્વિસ વાળાઓએ આવીને સાહેબ જે રૂમમાં રોકાયા હતા તે રૂમનો દરવાજો ખખડાવ્યો અને કહ્યું કે મેડમના પતિ હોટલમાં આવ્યા છે.
છેલ્લા ઘણા સમયથી ચાલતું હતા પ્રેમ સબંધ
સાહેબ તમે અને મેડમ અહિયાંથી નાસી જાવ” બસ આટલું સંભાળતાની સાથે જ PSI સાહેબ અને મહિલા પોલીસ કર્મીના પરસેવા છુટી ગયા PSI સાહેબ અને મહિલા પોલીસ કર્મી સીધા લીફ્ટમાં બેસી બેઝમેન્ટ પાર્ક કરેલી પોતાની ગાડી લઈને હોટલ માંથી પલાયન થઇ ગયા. અને બાદમાં મહિલા પોલીસ કર્મીના પતિએ આખીય હોટલ માથે લીધી અને સીસીટીવી ફૂટેજની પણ ચકાસણી કરી હતી.
સીસીટીવી ફૂટેજની પણ ચકાસણી કરી
જેમાં PSI અને મહિલા પોલીસ કર્મી હોટલમાં આવતા દેખાઈ આવ્યા હતા પરંતુ આ આખોય મામલો થાળે પાડવા અને ફરિયાદ નહિ થવા દેવા સુધીમાં સમગ્ર પોલીસ સ્ટેશનનો સ્ટાફ PSI સાહેબ અને મહિલા પોલીસ કર્મીની પડખે ઉભો રહી ગયો અને મહિલા પોલીસ કર્મીના પતિને સમજાવટથી ઘરે પાછો મોકલી દીધો હોવાની વાતો હાલ સંભળાઈ રહી છે.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
