Last Updated on March 29, 2021 by
ગુજરાતમાં આગની ઘટનાઓ જાણે કે, સામાન્ય બાબત થઇ ગઇ હોય તેવું લાગી રહ્યું છે. કારણ કે રાજ્યમાં વધુ એક આગની ઘટના સામે આવી છે. વિસનગરની સૌથી મોટી ડાયમંડ ફેક્ટરીમાં આગ લાગતા અફરાતફરી મચી ગઇ છે. વિસનગરની સમર્થ ડાયમંડ નામની હીરાની ફેક્ટરીમાં આગ ફાટી નીકળતા લોકોમાં ભયનો માહોલ ઊભો થઇ ગયો છે. જો કે, આ મામલાની જાણ થતાં જ ફાયર બ્રિગેડની બે ટીમો ઘટનાસ્થળે પહોંચી ગઇ છે અને ફાયરની ટીમે આગ પર કાબૂ મેળવવાનો સંપૂર્ણ પ્રયાસ હાથ ધર્યો છે.
અગાઉ ખાનપુરમાં આવેલી પી એન્ડ ટી બિલ્ડિંગમાં લાગી હતી આગ
ઉલ્લેખનીય છે કે, અગાઉ થોડાંક દિવસો પહેલાં અમદાવાદના ખાનપુર વિસ્તારમાં આવેલી પી એન્ડ ટી બિલ્ડિંગમાં આગ લાગતા ચારે બાજુ અફરાતફરીનો માહોલ સર્જાઇ ગયો હતો. બિલ્ડિંગના સાતમાં માળે ACમાં બ્લાસ્ટ થવાથી ભયાનક આગ લાગી હતી. જો કે આ ઘટનાની જાણ થતાં જ ફાયર વિભાગની 8 ગાડીઓ ઘટનાસ્થળે પહોંચી ગઇ હતી અને તેઓએ આગ પર કાબૂ મેળવી લીધો હતો. જો કે, સદનસીબે દુર્ઘટનામાં કોઇ પણ જાતની જાનહાનિ ન હોતી થઇ.
એસ.જી હાઇવેના બાલેશ્વર સ્કેવર બિલ્ડીંગમાં પણ લાગી હતી ભીષણ આગ
આ સિવાય થોડાંક દિવસો અગાઉ અમદાવાદ શહેરના એસ.જી હાઇવેના બાલેશ્વર સ્કેવર બિલ્ડીંગમાં પણ ભીષણ આગ લાગવાનો બનાવ બન્યો હતો. આ ઘટનાની જાણ થતાં ફાયર બ્રિગેડનો કાફલો ઘટના સ્થળે પહોંચી ગયો હતો. ઉલ્લેખનીય છે કે, આગ લાગતા આ બિલ્ડીંગમાં કેટલાંક લોકો ફસાયા હતાં. બિલ્ડીંગમાં બીજા માળે આગ લાગતા ત્રીજા અને ચોથા માળે લોકો ફસાઇ ગયા હતાં. જો કે, ફાયર બ્રિગેડે પાણીનો મારો ચલાવીને આગ પર કાબુ મેળવ્યો હતો તો આ સાથે જ 7 લોકોનું ફાયર વિભાગે રેસ્ક્યું કર્યું હતું.
READ ALSO :
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
