Last Updated on March 21, 2021 by
દેશના રાજ્યોમાં જીવલેણ કોરોના વાયરસનો કહેર વધ્યો છે. બીજી તરફ દિલ્હીમાં પણ ઘાતક કોરોનાનાં નવા કેસ ઝડપથી વધી રહ્યા છે, સોમવારે 813 લોકોમાં સંક્રમણની પુષ્ટી થઇ છે, જે આ વર્ષે સૌથી વધુ છે, દિલ્હીમાં લગભગ 81 દિવસ બાદ એક જ દિવસમાં સૌથી કેસ નોંધાયા છે, આ પહેલા 27 ડિસેમ્બરનાં દિવસે 757 કેસ આવ્યા હતાં.
દિલ્હીમાં લગભગ 81 દિવસ બાદ એક જ દિવસમાં સૌથી કેસ નોંધાયા
આરોગ્ય વિભાગનાં જણાવ્યા પ્રમાણે શુક્રવારે બે દર્દીઓનાં મોત થયા, ત્યાં જ 567 દર્દીઓને રજા આપવામાં આવી, અત્યાર સુધી સંક્રમિતોની કુલ સંખ્યા 6,47,161 થઇ છે, તેમાથી 6,32,797 દર્દીઓ સાજા થઇ ચુક્યા છે, ત્યાં જ 10955 લોકોનાં મોત થઇ ચુક્યા છે.
Delhi reports 813 new #COVID19 cases, 567 recoveries and 2 deaths in the last 24 hours.
— ANI (@ANI) March 20, 2021
Total cases 6,47,161
Total recoveries 6,32,797
Death toll 10,955
Active cases 3,409 pic.twitter.com/H8WHq82Kko
દિલ્હીમાં કોરોનાથી મૃત્યુદર 1.69 ટકા થઇ ગઇ છે. એક્ટિવ કેસની સંખ્યા વધીને 3409 થઇ ગઇ છે, તેમાંથી વિવિધ હોલ્પિટલોમાં 868 દર્દીઓ દાખલ થયા છે, કોવિડ કેર સેન્ટરમાં 6 જ્યારે હોમ આઇસોલેશનમાં 1722 દર્દીઓ દાખલ છે.
દેશમાં મહારાષ્ટ્ર, દિલ્હી, ગુજરાત સહિત આઠ રાજ્યોમાં કોરોનાના દૈનિક કેસમાં વધારો નોંધાયો છે. ભારતમાં કોરોનાના કુલ એક્ટિવ કેસમાંથી 62 ટકા કેસ એકલા મહારાષ્ટ્રમાં નોંધાયા છે. મહારાષ્ટ્રમાં મુખ્યમંત્રી ઉદ્ધવ ઠાકરેના પુત્ર આદિત્ય ઠાકરે પણ કોરોનામાં સપડાયા છે. કોરોના વકરતાં મુંબઈ મહાપાલિકાએ દૈનિક 47,000 એન્ટીજેન ટેસ્ટ કરવાનો નિર્ણય કર્યો છે.
મુંબઈ મહાપાલિકાએ દૈનિક 47,000 એન્ટીજેન ટેસ્ટ કરવાનો નિર્ણય કર્યો
સ્વાસ્થ્ય મંત્રાલયે જણાવ્યું હતું કે, દેશમાં શનિવારે કોરોનાના નવા 40,953 કેસ નોંધાયા હતા, જે છેલ્લા 111 દિવસમાં એક દિવસમાં નોંધાયેલા સૌથી વધુ કેસ છે. આ સાથે કોરોનાના કુલ કેસની સંખ્યા 1,15,55,284 થઈ છે. દેશમાં કુલ એક્ટિવ કેસ 2,88,394 થયા છે. ભારતમાં છેલ્લા માત્ર ત્રણ દિવસમાં કોરોનાના એક લાખ કેસ નોંધાયા છે.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
