Last Updated on March 19, 2021 by
પશ્ચિમ બંગાળ વિધાનસભાની ચૂંટણીનો પ્રચાર પુર જોશમાં ચાલી રહ્યો છે. ટીએમસી વડા મમતા બેનરજીએ પોતાના પક્ષના પ્રચારની કમાન સંભાળી છે. મમતાએ આ દરમિયાન દાવો કર્યો હતો કે પશ્ચિમ બંગાળમાં ટીએમસી ફરી જીતશે. સાથે તેમણે એમ પણ કહ્યું હતું કે બંગાળ જીત્યા બાદ દિલ્હીમાં ભાજપને હચમચાવી દઇશું.
ખડગપુરમાં રેલીને સંબોધતી વેળાએ મમતાએ પીએમ મોદીનું નામ લીધા વગર કહ્યું હતું કે પરિવર્તન હંમેશા મમતા બેનરજીનો નારો રહ્યો છે. મોદી તમે મમતા બેનરજીની નકલ કેમ કરી રહ્યા છો? બંગાળ જીત્યા બાદ ભાજપને દિલ્હીમાં ઝટકો આપીશું. મમતાએ દાવો કર્યો હતો કે પશ્ચિમ બંગાળમાં જીત મેળવ્યા બાદ કેન્દ્ર સરકારમાં બેઠેલી ભાજપને હચમચાવી દઇશું.
સાથે મમતાએ આરોપ લગાવ્યો હતો કે ભારતીય જનતા પાર્ટી મહિલાઓ અને દલિતોને પરેશાન કરી રહી છે. હું કોઇ પણ સંજોગોમાં ભાજપને આમા સફળ નહીં થવા દઉ. હાલ બંગાળના બધા જ હોટેલ ભાજપના નેતાઓથી ભર્યા પડયા છે. આ ઉપરાંત ભાજપે ચૂંટણી પ્રચાર માટે 100 હેલિકોપ્ટર પણ ભાડે રાખ્યા છે.
મમતાએ આરોપ લગાવ્યો કે બહારથી મોટી સંખ્યામાં ભાજપના નેતાઓ રોકડા કરોડો રૂપિયા લઇને આવ્યા છે. તેઓ મતદારોને કરોડો રૂપિયાની લાલચ આપી મત મેળવવામાં લાગી ગયા છે. મમતાએ સવાલ ઉઠાવ્યો કે જ્યારે પશ્ચિમ બંગાળમાં વાવાઝોડુ આવ્યું અને લાખો લોકો પરેશાનીમાં મુકાયા ત્યારે ભાજપના આ નેતાઓ ક્યા ગયા હતા? ત્યારે માત્ર ટીએમસીના નેતાઓ અને કાર્યકર્તાઓ જ જનતાની મદદ કરી રહ્યા હતા.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.
MUST READ:
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
