Last Updated on March 13, 2021 by
વકરતા કોરોનાને લઈને મહત્વના સમાચાર સામે આવ્યા છે. સિવિલના એડીશનલ સુપ્રિટેન્ડેન્ટ ડૉ.રાકેશ જોષીએ મોટું નિવેદન આપ્યુ છે. તેમણે જણાવ્યું છે કે બેદરકારી રાખશો તો કોરોનાની ત્રીજી લહેર ઘાતક રહેશે. કોરોનાનું હોટ સ્પોટ બની ચૂકેલા અમદાવાદની સ્થિતિ વણસી છે. રાજ્યમાં કોરોના કેસોમાં સતત વધારો થયો છે. રાજ્યમાં એક દિવસમાં 715 કેસો નોંધાયા છે ત્યારે કોર્પોરેશન હોસ્પિટલમાં 119 જેટલા કેસો નોંધાયા છે. સોલા સિવિલ હોસ્પિટલમાં 80 કેસ, સિવિલ હોસ્પિટલ ના 76 કેસો નોંધાયા છે. શહેરમાં 49 માઈક્રો કન્ટેનમેન્ટ ઝોન આવેલા છે. વેક્સિન બાદ પણ માસ્ક સહિત ગાઇડલાઈનનું પાલન કરવા ડોક્ટરે અપીલ કરી છે.
- રાજ્યમાં કોરોના કેસો મા સતત વધારો
- રાજ્યમાં એક દિવસમાં 715 કેસો નોંધાયા
- કોર્પોરેશન હોસ્પિટલમાં 119 જેટલા કેસો
- સોલા સિવિલ હોસ્પિટલમાં 80 જેટલા કેસો
- સિવિલ હોસ્પિટલ જેટલા આજ ના 76 કેસો નોંધાયા છે
અમદાવાદીઓ ચેતજો, કોરોનાએ ફરી માર્યો ફૂંફાડો
અમદાવાદ શહેરમાં છેલ્લા એક સપ્તાહથી પણ વધુના સમયથી કોરોના સંક્રમણમાં સતત વધારો જોવા મળી રહ્યો છે.શુક્રવારે નવા 141 કેસ નોંધાયા છે.ઉપરાંત એક કોરોના સંક્રમિત દર્દીનું મોત થયું છે.શહેરમાં છેલ્લા બે દિવસમાં કોરોનાના 290 પોઝિટિવ કેસ નોધાયા છે.હાલની પરીસ્થિતિમાં અમદાવાદમાં કોરોનાના કુલ 458 એકટિવ કેસ હોવાનું સત્તાવાર સૂત્રોમાંથી જાણવા મળ્યું છે.
એક વર્ષમાં અમદાવાદમાં આટલા કોરોના કેસ
આ અંગે મળતી માહીતી મુજબ,શુક્રવારે શહેરમાં કોરોનાના નવા 141 કેસ નોંધાતા ગત માર્ચથી અત્યાર સુધીમાં કુલ 60198 કેસ નોંધાવા પામ્યા છે.બીજી તરફ શુક્રવારે 131 જેટલા સંક્રમિત દર્દીઓને સારવાર બાદ મુકિત અપાતા માર્ચ-2020થી અત્યાર સુધીમાં કુલ 57466 લોકો કોરોનાની સારવારમાંથી મુકત થયા છે.કોરોના સંક્રમિત થવાથી શહેરમાં અત્યાર સુધીમાં કુલ 2265 લોકોના મરણ થવા પામ્યા છે.
નવા ચાર સ્થળ માઈક્રો કન્ટેઈનમેન્ટમાં મુકાયા
અમદાવાદ શહેરમાં શુક્રવારે કોરોના સંક્રમણને ધ્યાનમાં લઈને નવા ચાર સ્થળને માઈક્રોકન્ટેઈન્મેન્ટમાં મુકવામાં આવ્યા છે.બે દિવસ બાદ શહેરમાં ફરી કોરોના વિરોધી વેકિસન આપવાની કામગીરી શરૂ કરાઈ છે.
કુલ 18022 લોકોને રસી આપવામાં આવી હતી જેમાં 11206 સિનિયર સિટીઝનનો સમાવેશ થાય છે. અમદાવાદ મ્યુનિસિપલ કોર્પોરેશન દ્વારા શુક્રવારે અગાઉ જાહેર કરેલા સ્થળ પૈકી ચાર સ્થળમાં મુકવામાં આવેલા નિયંત્રણ દુર કરી નવા ચાર સ્થળ માઈક્રોકન્ટેઈન્મેન્ટમાં મુકયા હોવાનું સત્તાવાર યાદીમાં કહ્યુ છે.
નવા માઈક્રોકન્ટેઈન્મેન્ટમાં મુકવામાં આવેલા સ્થળમાં જોધપુર વોર્ડના રત્નાકર હેલિકોન, ઘાટલોડીયા વોર્ડમાં આવેલા સત્ય એપાર્ટમેન્ટ, આકાંક્ષા એપાર્ટમેન્ટ અને બોડકદેવ વોર્ડમાં આવેલા સુરેલ એપાર્ટમેન્ટના સંક્રમિત સ્થળનો સમાવેશ થાય છે.શુક્રવારે રસી લેનારાઓમાં 9548 પુરૂષ અને 8474 મહિલાઓનો સમાવેશ થાય છે.
Read Also
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
