Last Updated on March 9, 2021 by
મુંબઈ સ્થિત મુકેશ અંબાણીના એન્ટિલિયા બહાર સ્કોર્પિયોમાં જિલેટિન સ્ટિક મળવાની ઘટનાની તપાસ હવે NIA દ્વારા કરાશે. ગૃહ મંત્રાલયે આ મામલે તપાસ એનઆઈએને સોંપી છે. અમુક દિવસ અગાઉ જ સ્કોર્પિયાના માલિક મનસુખ હિરેનનું શંકાસ્પદ સ્થિતિમાં મોત થયું હતું. હિરેનના મોઢામાંથી 5 રૂમાલ મળી આવ્યા હતા.
આ મામલે પૂર્વ મુખ્યમંત્રી ફડણવીસે NIA તપાસની માંગ કરી હતી. હવે આ મામલે કેન્દ્રીય ગૃહ મંત્રાલયે તપાસ NIAને સોંપી છે. એનઆઈએ તપાસમાં સ્કોર્પિયો મુકેશ અંબાણીના ઘર બહાર છોડવાના હેતુ અને આ ષડયંત્ર પાછળ કોણ છે તેની તપાસ કરશે. આ સાથે જ એનઆઈએ મનસુખ હિરેનના શંકાસ્પદ મોત મામલે પણ તપાસ કરશે.
મનસુખની પ્રારંભિક ફોરેન્સિક રિપોર્ટ એનઆઈએ મુંબઈ પોલીસ પાસેથી મેળવશે. એનઆઈએ આ મામલે ટૂંકસમયમાં કેસ નોંધી તપાસ પોતાના હાથમાં લઈ શકે છે. 25 ફેબ્રુઆરીના રોજ એન્ટિલિયા બહાર એક સ્કોર્પિયો કારમાંથી જીલેટિનની 20 સ્ટિક મળી આવી હતી.
રિલાયન્સ જૂથના માલિક મુકેશ અંબાણીના ઘર પાસેથી જિલેટીન સ્ટીક ભરેલી ગાડી મળી આવી હતી જેના માલિકનું શંકાસ્પદ મોત થયું છે. સ્કોર્પિયોના માલિક મનસુખ હિરેનના મૃત્યુનું રહસ્ય વધારે ગાઢ બની રહ્યું છે. જ્યારે મુંબ્રા ખાડીમાંથી મનસુખનો મૃતદેહ બહાર કાઢવામાં આવ્યો ત્યારે તેમણે માસ્ક પહેરેલું હતું અને માસ્કમાં 6-7 રૂમાલ ઠુંસવામાં આવેલા હતા.
આ કારણે હત્યા થઈ હોવાની આશંકા વ્યક્ત કરાઈ રહી છે. જો કે પોસ્ટમોર્ટમ રિપોર્ટમાં શરીર પર કોઈ પણ પ્રકારના ઘાનો ઉલ્લેખ નથી. પ્રાથમિક રિપોર્ટમાં પાણીમાં ડૂબવાથી મોત થયું હોવાનું જણાવાયું છે અને ATSએ કેસની તપાસ શરૂ કરી દીધી છે.
વાઘમારે અને ભગવાન પંડિત નામના બે યુવાનોના કહેવા પ્રમાણે તેઓ જ્યારે લઘુશંકા માટે ગયા ત્યારે તેમણે કિનારા પર શબ જોયું હતું જેથી 100 નંબર પર ફોન કર્યો હતો. ત્યાર બાદ પોલીસ અને ફાયરબ્રિગેડે ક્રેનની મદદથી શબ બહાર કાઢ્યું હતું.
તે સમયે જ્યારે હિરેનનું માસ્ક કાઢવામાં આવ્યું તો અંદર અનેક રૂમાલ ઠુંસેલા હતા. આ તરફ વિપક્ષી નેતા દેવેન્દ્ર ફડણવીસે હિરેનનું શબ ખાડીમાંથી બહાર કાઢવામાં આવ્યું ત્યારે તેના બંને હાથ બાંધેલા હતા તેવો દાવો કર્યો છે. સાથે જ શું કોઈ બંને હાથ બાંધીને આત્મહત્યા કરી શકે તેવો સવાલ પણ કર્યો છે.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.
MUST READ:
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
