Last Updated on March 3, 2021 by
વડોદરા જિલ્લામાં આવેલી ૮ તાલુકા પંચાયતોમાં પણ ભાજપે સંપૂર્ણ બહુમતી સાથે સત્તા હાંસલ કરી છે. આઠે આઠ તાલુકા પંચાયતોમાં કેસરિયો લહેરાયો છે. કોંગ્રેસની બેઠકો માત્ર બે ડિજિટ પર જ અટકી ગઇ હતી. વડોદરા જિલ્લામાં આઠ તાલુકા પંચાયતોની પણ તા.૨૮ના રોજ યોજાયેલી ચૂંટણીની મતગણતરી આજે યોજાઇ હતી. આ મતગણતરી દરમિયાન ભાજપના ઉમેદવારોને તબક્કાવાર વિજય ઘોષિત કરાતા જ મતગણતરીકેન્દ્રની બહાર ઉભેલા ટેકેદારોમાં ઉત્સાહ વ્યાપી ગયો હતો.
૮ તાલુકા પંચાયતોમાં ભાજપનો ૧૧૬, કોંગ્રેસનો ૪૪ અને ૮ બેઠકો પર અપક્ષોનો વિજય
વડોદરા જિલ્લાની આઠ તાલુકા પંચાયતોની કુલ ૧૬૮ બેઠકો પૈકી પોરની એક બેઠક પર ભાજપના ઉમેદવાર બિનહરીફ જાહેર થતા ભાજપના ખાતામાં કુલ ૧૧૬ બેઠકો આવી છે જ્યારે કોંગ્રેસના ખાતામાં ૪૪ બેઠકો પડી છે. સાત તાલુકા પંચાયતોમાં આઠ અપક્ષોએ વિજય મેળવ્યો છે.
વડોદરા તાલુકા પંચાયતની કુલ ૨૮ બેઠકો પર ભાજપે સત્તા ટકાવી રાખી છે. આજે થયેલી મતગણતરીમાં ભાજપને ૧૯ બેઠકો મળી છે જ્યારે કોંગ્રેસને માત્ર ૭ બેઠકો પ્રાપ્ત થઇ છે. વડોદરા તાલુકાની રણોલી-૨ બેઠક પર એક અપક્ષ ઉમેદવારે વિજય મેળવ્યો છે.
Read Also
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
