Last Updated on March 2, 2021 by
ગુજરાતના રાજકારણ માટે આજે મહત્વનો દિવસ હતો. અહીં સ્થાનિક સ્વરાજની ચૂંટણીના પરિણામ આવ્યા છે. આ પરિણામોમાં જોતા મોટા ભાગની જગ્યાએ ભારતીય જનતા પાર્ટીના ઉમેદવારો જીત્યા છે. જ્યારે કોંગ્રેસના સૂપડા સાફ થઈ ગયા.
આજના ચૂંટણી પરિણામમાં જોઈએ તો, કેટલીય એવી જગ્યાએ અનોખા પરિણામો આવ્યા છે. જેમાં એક છે સાણંદના લીલાબહેન ઠાકોર.
સાણંદ તાલુકા પંચાયતની ચૂંટણીની વાત કરીએ તો, અહીં 24 બેઠકોમાંથી 14 બેઠક ભારતીય જનતા પાર્ટીના ખાતામાં ગઈ છે. જ્યારે 9 બેઠક પર કોંગ્રેસની જીત થઈ છે. જો કે, એક બેઠક એવી છે, જ્યાં અપક્ષ ઉમેદવાર જીત્યા છે. આ બેઠક પર અપક્ષ ઉમેદવાર લીલાબેન ઠાકોર જીત્યા છે. લોકોએ તેમના પર વિશ્વાસ મુકીને મત તો આપ્યા અને લીલાબેન જીતી પણ ગયા, જો કે, જીતની ખુશીના આનંદ માણવા માટે લીલાબેન આ દુનિયામાં નહોતા. સોમવારે જ્યારે ચૂંટણી પરિણામ આવી રહ્યા છે, અને તેના એક દિવસ અગાઉ જ લીલાબેનનું અવસાન થયુ હતું.
આપને જણાવી દઈએ કે, લીલાબેન સાણંદની પીપળી સીટ પરથી અપક્ષમાંથી ઉમેદવારી નોંધાવી હતી. સ્થાનિક લોકોએ લીલાબેનને ખૂબ વોટ પણ આપ્યા અને લીલાબેન જીતી ગયા. જો કે, આ જીતનો ઉન્માદ કાર્યકર્તાઓ પણ ઉજવી શક્યા નહોતા. કારણ કે, લીલાબેનનું એક દિવસ અગાઉ જ મોત થયું હતું. પીપળી સીટ પરથી ચૂંટણી લડેલી અપક્ષ ઉમેદવાર લીલાબેન ચૂંટણીનો જંગ તો જીત ગયા, પણ જીંદગીનો જંગ હારી ગયા હતા.
READ ALSO
- Dev post create for auto notification 35
- Dev post create for auto notification 34
- Dev post create for auto notification 33
- Dev post create for auto notification 32
- Dev post create for auto notification 31
